Оқыту үдерісін технологияландыру туралы мақала

Оқу үрдісін технологияландыру-заман талабыҚазақстан Республикасының «Білім туралы» Заңында «Білім беру жүйесінің басты міндеті-ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға, дамытуға және кәсіби шыңдауға бағытталған білім алу үшін қажетті жағдайлар жасау керек» деп атап көрсетілген.

Қажетті жағдайлар:

-мұғалім –мектептің жүрегі, сондықтан да ұстаздарды ,кадрларды даярлау ісі алдыңғы орында тұр.

-мектептің МТБ-сын нығайту. Мектебіміз бұл жағынан да алдыңғы орындағы мектептердің санында. Мектебімізде 13 интерактивті тақта, 55 компьютер,мултимедиялық ккбинет,толық жабдықталған физика, химия, биология кабинеттері бар.

- оқытудың әр түрлі әдіс-тәсілдерін игеру, соның ішінде білім берудің жаңа технологияларын ( отандық, шетелдік авторлардың) жан-жақты зерттеу, өз іс-тәжірибесінде қолдана білу

Сонымен қатар Елбасымыз Н.Ә.Назарбаев «Қазақстанның әлемдегі бәсекеге қабілетті 50 елдің қатарына кіру стратегиясы» Жолдауында «Білім беру реформасы-Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдарының бірі» деп атап көрсетуі педагогикалық үрдістің сапасын үнемі арттырып отыруды талап ететіндігін көрсетеді.

Демек,заман талабына сай бәсекеге қабілетті жас ұрпақты тәрбиелеуде, оқушыларға қажетті білімді меңгертудің тиімді жолдарын, әдіс-тәсілдерін талмай іздеу-әр ұстаздың міндеті.Жаңа заман мұғалімі алдынан шыққан мектеп бітіруші қандай болу керек деген сауалға жауап берер болсақ:

- -қажетті білімді өз бетінше ала отырып пайда болған алуан түрлі мәселелерді

шешу үшін оларды іс- тәжірибеде біліктілікпен пайдалануға,

-өзгеріп отырған өмір жағдайларына оңай бейімделуге;

--дербес сыни тұрғыда ойлай білуге,

- білім беру барысында кездескен өзекті мәселелерді көре білуге,

- жаңа технологияларды пайдалана отырып оларды шешудің тиімді жолдарын табуға,

-өзінің алған білімдерін қоршаған ортада қай жерде, қалай пайдалануға болатынын саналы түрде түсіне білуге;-әр түрлі әлеуметтік топтарда коммуникабелді,тез тіл табыса алатындай болуға,кез келген жанжалды жағдайлардан біліктілікпен шыға алуға;-өз адамгершілік қасиеттерін,интеллектісін,мәдени деңгейін дамыту бойынша өз бетінше жұмыс жасауға қабілетті болу керек -дейміз.Сондықтан осындай ұрпақты,яғни ұлттық рухта тәрбиеленіп, әлемдік жүйеге сай білім алған жаңа адамды қалыптастыру үшін әрбір білім ордасының алдында «Қалай оқыту? мәселелерін шешу қажет.Осы орайда Ж.Аймауытовтың «Сабақ беру жай ғана шеберлік емес, жаңадан жаңаны табатын өнер» деген сөзі еске түседі. Сабақ үйретуде күн сайын жаңаны табу, жаңалық ашып отыру қажет сияқты сезіледі. Немесе бұл оқу үрдісіне жаңа технологияларды кең көлемде енгізу болып табылады.