Оқыту үдерісін жаңарту туралы әдістемелік мақала

Әлемдік стандартқа сай ОҚЫТУ ҮДЕРІСІН ЖАҢАРТУ – бүгінгі күннің талабы

Бүгінгі таңда тұрған негізгі мәселе-жеке тұлғаны жан-жақты дамыту. Жеке тұлға дегеніміз – қоғам мақсатына сай, ойлау, сөйлеу қабылетінің нәтижесінде саналы әрекет, қарым- қатынас жасайтын, рухани құндылықтарды бойына жинаған (тәрбие, білім, мәдениет), дүниетанымдық, рухани, зерделік мінез - құлық ерекшеліктерімен дараланатын адам. Адамзат өркениетінің ұлы жемісі өз ұрпағына бүкіл дүниедегі барлық жақсылық атаулыны тілей отырып, көзі ашық, көкірегі ояу, санасы биік толыққанды азамат тәрбиелеп шығаруынан көрінеді. Қай ел болмасын өз қоғамындағы жас ұрпақтың жан-жақты жетілген, ақыл-парасаты кемелденген, ойлау өрісі ғаламдық талаптарға сай мәдениетті, білімді, еңбекқор, бәсекеге қабілетті азамат ретінде қалыптасуын басты негіз деп санайды. Баланың өзіне деген сенімін туғызу,өзінен шығармашылық қасиет, қабілет іздете білу, өмірден өз орнын тапқыза білу қаншалықты қиын екені түсінікті.Өзін-өзі таба алмай, өз мүмкіндіктерін дұрыс пайдалана алмай,өзін-өзі тұншықтырып жүргендер мен басқа жолға түсіп адасушылықтың негізгі себебін ұстаздардың ойланғаны жөн.

Елбасымыз «XXI ғасырдың табалдырығы алдында білім беру капиталға айналуда. Оның өзі мазмұны жөнінен стратегиялық ресурстармен бәсекелесе алады. Елдің даму деңгейі осы арқылы бағаланатын болады»- деп сапалы білім беруге ерекше назар аударылып отыр. Педагог К.Д. Ушинский былай дейді: «Біз жан-жақты жеке тұлға тәрбиелегіміз келсе, ол тұлғаны жан-жақты зерттеп білуіміз керек». Осы ой бүгінгі таңда мұғалім әрекетінің тұжырымдамасы іспеттес. Соған байланысты оқушының тұлғалық құрылымымен басты белгілері мен сапаларын анықтаудың мәні зор.

Қазақстан Республикасында білім беруді дамытудың 2011–2020 жылдарға арналған мемлекеттік бағдарламасын іске асыру жөніндегі 2011–2015 жылдарға арналған іс-шаралар жоспарында жеке тұлғаның білім алудағы қажеттіліктерін, тез өзгеретін әлемдегі табысқа жетудің жолдарын, еліміздің экономикалық игіліктері үшін қоғамдағы өзгерістерге бейімділіктерін, бәсекеге қабілетті адами капиталды дамытудағы мүмкіндіктерін айқындауда 12 жылдық оқыту үрдісінің моделі жоспарланды.

«Адамның адамшылдығы ақыл, ғылым, жақсы ата, жақсы ана, жақсы құрбы, жақсы ұстаздан болады», – деп Абай атамыз айтқандай, ертеңгі жас ұрпақтың өрелі болып өсуі өнегелі ата-анамен қатар жан – жақты сауатты ұстазға да байланысты. Ұстаз алдында баланың ой – өрісі дамып, санасы қалыптасады. Әрине, мұғалімнің еңбегі нәтижелі болу үшін жаңа педагогикалық технологияларды сабақта тиімді пайдалануымен қатар жаңашылдықпен дамыта жүргізуіне байланысты.

Уақыт талабына сай білім мазмұнын жаңарту–бүгінгі күннің талабы. 12 жылдық білім беру жүйесіне көшу–отандық білім берудің бәсекеге қабілеттілігін қамтамасыз етумен қатар, білім сапасы жоғары деңгейде болады. Бүгінгі таңда педагог кадрлардың біліктілігін арттыру институтында 12 жылдық білім беру жүйесіне көшуге бағытталған курстармен қатар дайындық іс–шаралары өз деңгейінде жоспарлы жүргізіліп жатыр. Білім берудің бұл жүйесінде мұғалімге тиімді жаңа әдіс–тәсілдерді игерту арқылы жас ұрпақтың терең білім алуына, шығармашылық ізденіспен жұмыс…