Оқытудағы цифрлық ресурстарға әдістемелік шолу

ОҚЫТУ ҮДЕРІСІНДЕ ҚОЛДАНУҒА ТИІМДІ ЦИФРЛЫҚ РЕСУРСТАР

Рита Жилкышиевна

Қарасақал Ерімбет атындағы №96 мектеп, информатика пәнінің мұғалімі

АННОТАЦИЯ

В настоящее время, с помощью развития инновационных технологии наша страна ставит перед собой задачу, войти в число развитых стран. Внедрение передового опыта развитых стран в систему образования страны современное оснощение образовательных учреждений, обеспечивает получение качественного образования учащимся. Цифровая система которая была внедрена в разную отрасль, стало необходимым для нашего общества.

ANNOTATION

Nowadays our country has a responsibility to join in developed countries, through evolving innovational technologies. In order to give our students qualified education, the top experiments of developed countries intrude to our country’s educational system and schools are equipped with modern devices. Digital system has intruded in different professional spheres and became necessary in our community.

Қазіргі уақытта қоғамды цифрландыру жұмысы көптеген мемлекеттік жолдаулардың басты стратегиялық басымдығы болып табылады. Сондықтан барлық салаларда, яғни медицина саласы, қызмет көрсету орталығы, білім саласында цифрлық технологияны кеңінен қолдануға халықты сауаттандыру жұмыстары жүргізілуде. Осындай сандық технологияның дамыған уақытында болашақ ұрпаққа заман талабына сай білім беру біздің алдымыздағы басты міндетіміз.

Себебі әрбір мұғалімнің алдына келген оқушының ойлау қабілеті әртүрлі болады, мәселен кейбірі шапшаң ойлап, жылдам жұмыс атқарса, кейбірі оқу материалын баяу қабылдайды. Мұғалімге мұндай оқушыларға тапсырманы қайта ыңғайлап қарастыруға тура келеді. Осы тұста жаңашыл мұғалімнің іс- тәжірбиесінің ерекше тұсы- оның сабақты түрлендіріп жүргізіп, оқушы жүрегінен жол таба білуі. Оны жүзеге асырудың бір жолы- заман талабына сай цифрлық технологияларды тиімді қолдану. Қазіргі таңда ұстаздарға әдістемелік тұрғыдан қолдау көрсету мақсатында түрлі білім беру платформалары (smk.edu.kz, cpm.kz, bilimland), интернет ресурстары бар. Өз тәжірибемде жиі қолданылатын тиімді бағдарламалардың мүмкіндіктеріне тоқталып өткім келеді.

" The Hat " бағдарламасы

"The Hat" бағдарламасы қолдануға ыңғайлы бағдарлама. Бұл бағдарламаны оқушыларды топқа бөлу барысында жиі қолданамын. Сабақтың басталуының ең маңызды сәттердің бірі - ұйымдастыру кезеңі. Мұғалім сабағының мәнді өтуіне сыныпта ынтымақтастық атмосферасын (жағымды ахуал) қалыптастырудың да ықпалы зор. Оқушыларды сабаққа ынталандыру үшін ұйымдастырушылық сәт (оқушыларды топқа бөлу) орындалады. Осы мақсатта сабақта балаларды топқа бөлудің түрлі әдіс- тәсілдерін қолданып отырған жөн. Кейде уақытты тиімді пайдалану үшін топта бөлу әдісінде АКТ мүмкіндігін пайдаланып "The Hat" бағдарламасы арқылы сыныпты жылдам топтастыруға болады.

1 қадам: Сынып оқушыларын енгізу.

2 қадам: Бір топта болатын оқушылар санын таңдау

3 қадам: Оқушыларды топқа бөлу

Edraw Max бағдарламасы

Кембридж университетінің аға лекторы, PhD Ұлыбританиялық Элейн Уилсон "Оқыту мен оқу сапасын арттыру үшін сабақтарда сандық технологияларды қолдану" тақырыбындағы еңбегінде таныстырылымдардың жұмыс әдістерінің ең тиімдісі болып табылатынын және оқушылар жұмысын постерде бейнеленген гөрі тұжырымдамалық картаны қолданған жағдайда ерекше көрінетінін атап көрсеткен. Сонымен қатар тұжырымдамалық картамен жұмыс жасауға арналған бағдарлама мүмкіндіктеріне тоқталған. [2, 13-б]

Қазіргі оқыту поцестерінде қолданып жүрген оқыту әдістерінің бірі постермен жұмыс. Оқушылар постермен жұмыс барысында плакаттар, стикерлер және түрлі түсті маркерлерді пайдаланып белгілі тақырып бойынша өз ойларын шығармашылық түрде бейнелеп жеткізеді. Инфорорматика пәнінде мен Edraw Max бағдарламасын өз сабағымда тақырыптық постерлер жасауда жиі қолданамын. Себебі, Edraw Max бағдарламасындағы пәндерге сәйкес постерлердің, тұжырымдамалық карталардың дайын шаблондарын пайдаланған өте тиімді.

Kahoot бағдарламасы

Пәндер бойынша оқушылардың білімдерін тексеру мақсатында тарау, тақырып соңында тест жұмыстарын жүргізуге болады. Тест тапсырмасының құрылымын түрлендіріп сәйкестендіру тесті, бір дұрыс жауап немесе бірнеше дұрыс жауаптары бар тесттер, сурет түрінде т.б. берілген тапсырмалар түрінде құрастыруға болады.

Kahoot бағдарламасы кең қолданыста, барлық пәндер үшін жиі қолданылады. Онымен тест тапсырмасын құрастырып, тест өткізу үшін интернетке қосылу керек. Бұл сервис арқылы сондай-ақ сайыс өткізуге болады.

Тіркелгеннен кейін сізді сіздің жеке акаунтыңызға жібереді. Өз парақшаңызда оқушыларыңызға қандай тапсырма құрасыз соны таңдау керек болады. (quiz, discussion, survey). Біз «Quiz» дегенді, таңдаймыз. Атау беремізде ары қарай сұрақтарды құрастыруға болады. Сұрақ құрастыру мен бірге әр сұраққа қанша уақытта жауап беру керегінде енгіземіз. Сұрақта иллюстрация (сурет) және видео қосып жасауға болады. Сұрақтаға дұрыс жауапты (қызылды басамыз «Incorrect«) ары қарай (save&continue) кнопкасын басамыз. Осымен құрастырған сұрақтар дайын .

Енді құрастырған жұмысымызды іске қосамыз (Play now). Мониторларға ПИН шығады. Бұл ПИН кодты оқушылар тест жүйесіне кіру үшін қолданады.

Оқушыда ұялы телефон болуы керек. Ұялы телефоннан қосқанда ПИН енгізуді сұрайды. Сайтта көрсетілген пинді енгізіп, ары қарай Nickname деген жерге аты жөніңізді толық жазып Ok, go! деген кнопканы басады.

Cол уақытта тапсырмалар шығып оқушылар ұялы телефондары арқылы тест сұрақтарына жауап береді. Тест аяқталғанда жалпы оқушылардың тестті орындау статискасын көре аламыз.

ZipGrade бағдарламасы