Өсімдіктерге күтім жасау туралы ашық сабақ

Білім беру саласы: Таным

Ұйымдастырылған оқу қызметі: Жаратылыстану

Тақырыбы: «Өсімдіктерге қалай күтім жасау қажет?»

Мақсаты: Балаларды өсімдіктердің түрлеріммен таныстыру. Балалардың табиғат бұрышындағы бөлме өсімдіктері туралы түсініктерін толықтыру. Өсімдіктердің түрлерін бір – бірінен ажырата білуге, тани білуге үйрету. Бөлме өсімдіктерін қалай күту керектігін іс жүзінде көрсету арқылы еңбекқорлыққа баулу.

Қажетті құрал – жабдықтар мен көрнекіліктер: Өсімдіктедің суреті, түрлері, құрал жабдықтар.

Сөздік жұмыс: Өсімдіктер, бөлме өсімдігі, алоэ, фикус, кактус, замиокулькас (доллар ағашы).

Блингвалдық компонент: өсімдіктер – растения, бөлме өсімдігі – домашние растение, гүл – цветок, жапырақ – лист, сабақ – стебель, алоэ – алоэ, фикус – фикус, замиокулькас – замиокулькас.

Шаттық шеңбері:

Гүлдей болып жайқаламын,

Күн нұрына бояламын.

Жапырағым желбіреп,

Таңмен бірге оянамын.

Көрік беріп далаға,

Жүремін әркез қуана.

Сәлеметсіздерме апайлар!

Балалар шаттық шеңберді педагогпен қайталайды.

Өткен ұйымдастырылған оқу қызметінде қандай тақырыпты өттік? «Дала гүлдері»

Дұрыс айтасыңдар балалар экранға қарап дала гүлерін атап көрсетеді.

Бәйшешек, бақбақ, қызғалдақ.

Тәрбиеші: Балалар олай болса, мен сіздерге жұмбақ жасырайын.

Адамдардың бәрі қызығады,

Су құймасаң сәні бұзылады. (Гүл)

Дұрыс айтасыңдар. Ендеше біз бүгін бөлме өсімдіктерімен танысатын боламыз.

Өсімдіктердің өзі дала өсімдігі, бөлме өсімдігі, емдік өсімдік болып бөлінеді.

Біздің бүгінгі жаңаұйымдастырылған оқу қызметімізде бөлме өсімдігін қалай күту керектігіне тоқалатын боламыз.

Өсімдік – тірі табиғат, ол табиғат көркі, өмірдің сәні. Олар біздің бөлмемізді тек әдемі етіп қана қоймайды, оған көрік беріп, үйдің ауасын тазартады.Бізге қуаныш сыйлайды, көңіліміз көтеріңкі болады екен.

Ендеше балалар экранға назарымызды аударайық

Тәрбиеші: бөлме өсімдіктерін көрсетіп, әңгімелейді. Барлық өсімдіктер күнді және жарықты жақсы көреді, сондықтанда оларды жылы терезе алдына қоямыз. Бөлме өсімдіктердің де тамыры, сабағы,жапырағы және гүлдері бар. Олардың қош иісі болады.

Ал мынау алоэ өсімдігі – оның жапырақтары тікенекті болып келеді,бірақ тікені қолымызға кірмейді. Алоэнің емдік қасиеті бар одан дәрі – дәрмек жасайды. Бөлменің энергетикалық қалпын жақсартады. Егерде бір жеріңізді жарақаттап алсаңыз сол жерге осы алоэні кесіп шырынын жақсатез жазылып кетеді.

Фикус – шаңсорғыш сияқты жұмыс жасайды. Сондай – ақ бөлме ішін ылғалдандырып, уытты заттардан тазартады. Жапырақтары арқылы бөлме ішін шаң – тозаңнан сақтайды.

Замиокулькас доллар ағашы – жарықты жақсы көреді, бірақта тікелей күн сәулесіз өсе береді. Түсі жасыл.Өте ылғалды ұнатпайтын өсімдік суару кезінде тіпті өліп кетуі мүмкін. Доллар ағашы үйге ақша шақыратын гүл ретінде танымал екен.