Өскенде кім боламын сыныптан тыс жұмысы 2-сынып

Өскенде кім боламын?

Сабақтың мақсаты: 1. Оқушыларды мамандық түрлерімен таныстыру, өзін өзі тану аймағын таныту, мамандық әлемінен ақпараттар алу; 2. Төзімділік, табандылық, шыдамдылық сияқты қасиеттерді оқушылардың бойына сіңіре отырып әр маман иесіне құрметпен қарауға тәрбиелеу; 3. Ойлау, талдау қабілеттерін дамыту, өз ойын анық айтуға дағдыландыру, мамандыққа деген сүйіспеншілігін арттыру. Көрнекілігі: суреттер, слайд.

Барысы: 1. Кіріпе

2. Мен мамандықтар әлеміндемін 3. «Кім зерек?» ойыны 4. Жұмбақтар шешу. 5. «Қазіргі заманның табысты мамандары» түсінік беру

6. «Бұл кім?» кәсіби бағдар ойыны І .Кіріспе:

- Қандай мамандықтарды білесіңдер? Әр адам баласы мамандық жайлы әр түрлі ойлайды. Мәселен, кейбіреулер мамандықты жай қиял деп білсе, ал екінші біреулер сол мамандыққа жету үшін талпынып, көп еңбектенеді, үшінші біреу үшін мамандық адамның құштарлығын оятып, алға жетелеуге көмектеседі. Адам баласы дүниеге келген соң, кішкентай кезінен бастап « Мен өскенде кім болам?» деген сұраққа жауап іздейді. Алдына мақсат қояды. Сол мақсатқа жету үшін жақсы білім алып, көп оқып, көп тоқиды және еңбектенеді.

Әр адам белгілі бір мамандық иесі болғысы келеді. Осы маман- дыққа жету үшін дәл қазірден бастап, газет- журналдардан, кітаптардан деректер іздеп, білмейтін көп білімдерді біліп, ойын жетілдіріп, көп еңбектену керек. Адам үлкейген соң бір мамандық таңдауға тиіс. Мамандықтың түрлері көп. Біреулер мамандық таңдай алмай бір мамандықты таңдай салады. Мамандықты жай таңдай салуға болмайды. Әр адам өмірге келген кезде мамандық таңдау керек және оны іске асыру қажет. Мамандық иесі болу – өзінің бойына тән қасиеттердің бірі. Әр адам өз мақсатына жету үшін ізденіп шыңдалу керек.

Адамдар мамандықты жүрегінің қалауы бойынша таңдауы керек, өйткені әрбір адамның болашағы таңдаған мамандығына тікелей байланысты. Өз ісін жақсы көріп, үлкен жауапкершілікпен атқарғанда ғана еңбегі жемісті болады. Ал жүрегі қаламаған мамандық иелері көп қиындыққа кездеседі. (Әр мамандық бойынша түсінік беру)

ІІ. «Кім зерек?» ойыны 1. Ең ақшасы көп мамандық ? А) еден жуушы ә) мал дәрігері б) банк қызметкері. 2. Ең «жасыл» мамандық А) мұғалім, дәрігер ә) эколог, бағбан б) мұнайшы, ұшқыш 3. Ең «тәтті» мамандық А) аспаз, кондитерә) сот, заңгер б) шахтер, ғарышкер 4. Ең «күлкілі» мамандық А) журналист, зергер ә) сайқымазақ, сықақшы б) күйші 5. Ең жауапты мамандық А) сот, бухгалтер ә) әнші, биші б) ұста, шебер 6. Ең салмақты мамандық А) клоун, әзілкеш ә) мұғалім, заңгер б) аспаз, кондитер

ІІІ. «Бұл кім?» кәсіби бағдар ойыны.

- Қазір мер сендерге әр түрлі маманрдықтар айтамын, ал сендер жолдастарыңа қарап аталған мамандық көбірек кімге үйлесетінін іштей анықтайсыңдар. Сосын не себепті сол мамандыққа сәйкес келетіндігі туралы өз ойларыңды жеткізесіңдер.

ІҮ. Қорытынды.

- Әбунасыр әл Фарабидің «... адам кез келген жұмысқа жарамды бола бермейді ... Жұмысты неғұрлым жетік және жақсы атқарса білгір және шеьер болып шығады. Қандай әрекет, қандай іс істесек те, содан рақмет табу, соның рахатын көру біздің мақсатымыз болып табылады» деген сөзімен сабағымызды аяқтаймыз.

Сымбат... Ол қандай болуы тиіс? Сабақтың мақсаты: 1. Оқушыларға, қыз балаларға сымбат туралы түсінік қалыптастыру, сымбаттың бұзылуының себеп салдарынан мағлұмат беріп, түсіндіру; 2. сымбаттылықты сақтауға әдемілікке, көркемдікке тәрбиелеу.

Түрі: пікіралысу. Көрнекіліктері: «Салауатты өмір салты» оқулығы, «дұрыс отыру ережесі» үлгі, слайд. Барысы: І. Ұйымдастыру. ІІ. Қызығушылықты ояту. –Сымбат дегеніміз не? Кім қалай түсінеді?

Дұрыс отыру түзу жүру

? Сымбат ?

Гимнастикамен спортпен айналысу шұғылдану

ІІІ. Слайд арқылы түсіндіру -Дене бітімінің түзу, әрі сымбатты болуы, жүрісінің жеңіл болуы адамды әдемі етіп көрсетеді. Алайда,

әрдайым осылай бола бермейді. Кейде әдемі, сұлу адам бүкірейіп, аяғын сүйретіп, әрең жүреді. Ал, сымбат неліктен бұзылады? Сымбаттылық омыртқа жотасының жағдайына байланысты. Қалыпты жағдайда омыртқаның мойын, арқа, бел иірімдері болады. Міне, омыртқаның осы жағдайы әдемі сымбаттылық түзеді және ішкі мүшелерді қорғайды. А) Бүкірліктен және омыртқаның бір жағына қисаюынан сымбат бұзылады. Ә) сыбаттың бұзылуының себептері: - бұлшықет жүйесінің жеткіліксіз және дұрыс дамымауы; - үстел мен орындықтың оқушы бойна сәйкес келмеуі; - ауыр заттарды бір қолмен ғана көтеруге әдеттену; - үйде және мектептеүй тапсырмасын орындаған кезде партада дұрыс отыру ережесін сақтамау болып табылады. Б) Сымбаттылықты сақтау үшін күн тәртібін сақтау керек. Денені шынықтыру, оқу жиһазы мен жабдықтардың бойға сай таңдалып алынуы сыбатты сақтаудың тәсілі болып табылады. Партада отырғанда аяқты түзу қойып, кеудені тіремей түзу отыру керек. Көз бен дәптер арасындағы қашықтық 30 см болуы тиіс.

Көрсеткіштері:

Басты түзу ұстау; Иықтардың бір деңгейде болуы; Екі жауырынды бірдей деңгейде ұстау; Омыртқаның иірімдерінің біртекті болуы; Төмен түсірілген қол мен дененің бүйір

жақтарының бірдей болу; Аяқтардың ұзындығының және екі табанның

симметриясы бірдей болуы; Сымбат үшін табанның сипатының мәні зор,

себебі жалпақтабандылық сымбаттылықты бұзады.

ІҮ. Қорытындылау. - Сымбат деген не?