Өтірік өлең тақырыбына арналған ашық сабақ 2-сынып

Қ.Қалыбеков атындағы орта мектеп

Тақырыбы: Өтірік өлең

Сыныбы: 2 «Б»

Пән мұғалімі: Ш.Қарағойшиева

2013-2014 оқу жылы

Ана тілі 25.10.2013 ж

Сабақтың тақырыбы: Өтірік өлең

Сабақтың мақсаты: 1. Оқушыларды халық ауыз әдебиетінің жанры – өтірік

өлеңмен таныстыру, рөлге оқуды үйрету.

2. Сөйлеу тілін, сөздік қорын, ой-өрісін дамыту.

3. Үлкенді сыйлауға, шыншылдыққа тәрбиелеу.

Сабақтың түрі: жаңа сабақ

Сабақтың әдісі: сұрақ-жауап, түсіндіру, ойын

Көрнекілігі: суреттер, мақал-мәтелдер

Сабақтың барысы: І. Ұйымдастыру кезеңі: Сабаққа әзірлік

ІІ. Үй тапсырмасын тексеру: а) Сұрақ-жауап ә) Оқушыларға мәтін бойынша мазмұндарын әңгімелету.

Алдар мен Қожа деген кім деп ойлайсыңдар?

Алдар мен Қожа байларды алдап, кедейлерді жақтап жүретін адам.

ІІІ. Жаңа сабақ: Ой қозғау. 1) Жағдаяттарды шешу.

1-жағдаят. Жандостың компьютерде көп ойнап қалуына байланысты математикадан есеп шығаруға уақыты қалмады. Мұнын себебін сұраған мұғалімге Жандос «Басым қатты ауырып, есепті шығара алмадым»,-деп айтты.

- Жандостың орнында сендер болсаңдар не айтар едіңдер?

2-жағдаят. Анар таңертең бақтағы қызыл-жасыл гүлдерді ұзақ қызықтап жүріп қалады да, сабаққа кешігіп барады. Мұнын себебін сұраған мұғалімге Анар «Мен сағат неше болғанан байқамай қалыппын»,-деп айтты.

- Анардың орнында сендер болсаңдар,не айтар едіңдер?

3-жағдаят. Қуатты анасы дәріханадан дәрі әкелуге жұмсады. Қуат аулаға шыға салысымен достарын кездестіріп, олармен бірге ойнап кетті.Анасының тапсырмасы үйге кіргенде есіне түсті.Ол анасына: «Дәріхана жабық тұр екен»,-деп айтты.

- Қуаттың орнында сендер болсаңдар, не деп жауап берер едіңдер?

2) Өтірік дегенді қалай түсінеміз? (Оқушылардың жауаптары)

3) Жаңа сабақтың тақырыбын баяндау

Өтірік өлең – қазақ халқының тұрмыс-салтына байланысты туындаған әдебиеттің көне үлгісі. Өтірік өлең әзілге құрылып, көбіне той-думанда, ойын-сауықтарда айтылған. Өтірік өлеңде оқиға шындықтан алынғанымен, ондағы іс-әрекет шынайы өмірге үйлеспейді. «Аспанға алты жерден тіреу қойдым, Той қылып, мың масаны сонда сойдым» деген сияқты қиялға, күлгіге құрылады. Өтірік өлең бала қиялын ұштауда, ойлауға, ұтқырлыққа, тапқырлыққа аса маңызды рөл атқарады.

Өтірік өлеңді балалар ғана емес, үлкендерде сүйсіне тыңдайды. Өтірік айтуға болмайды деймізде өзімізде кейде өтірік айтып қоямыз. Тек біз емес аңдардың ішінде де қулығына басып өтірік айтатын аңда бар. Оны білеміз бе? Әрине түлкі. Олай болса бүгінгі сабағымызға түлкі қонақ болып келіп отыр. Әрі бізге дайындап келген сұрақтары бар…