Ою ойғанның ойы ұшқыр ұлттық өнер туралы мақала

«Ою ойғанның ойы ұшқыр»

/Рухани жаңғыру аясында/

Сан қырлы ұлттық өнеріміздің бір саласы – ою – өрнектер. Үңіле білгенге бұл өнердің тылсым сырлары жетерлік. Ою – өрнек - ұлтымыздың мәдени дамуының шежіресі, халықтың өткен тарихы, рухани, мәдени – материалдық өмірінің айнасы. Жаныңа ләззат сыйлайтын эстетикалық мәні зор бқл өнердің адам баласына берері мол. Үй ішінің тұрмысына қажетті заттарды, ұлттық киімдерді, бұйымдарды әшекейлеудегі негізгі мәнерлі өнер әдісі – осы ою – өрнек элементтерін меңгеру. Қазақтың ою – өрнегін салып, қиып үйренбей қолданбалы өнерді игеру мүмкін емес. Осы орайда, айтқым келгені, биылғы оқу жылының басында біздің шағын Отанымыз Шолақсайдың білім ордасында оқушыларға арналған «Көзі мерген шеберлер» атты тігін үйірмесін ашқан болатынмын. Үйірмені ашудағы басты мақсатым: оқушыларды қазақ халқының түрлі қолөнер бұйымдарын жасауға баули отырып, жастарды әдемілікке, сұлулықты көре білуге тәрбиелеу, сонымен қатар эстетикалық талғамын, ортаға деген көзқарасын қалыптастыру, ұлттық мәдениеттің дамуына үлес қосып, ықпал жасау болатын.

Аталмыш тігін үйірмесіне жазылған оқушылардың бір ғана оқу жылы ішінде жеткен жетістігі мол болды. Үйірме өз жұмысын сөмке жасаумен бастаған болатынмын. Жасалған бұйымдардың барлығы ұлттық нақыштағы түрлі ою – өрнектермен көмкерілді. Оқушылар өз қолдарымен жасаған бұйымдарына мәз – мәйрам болды. Сонымен қатар ою – өрнек элементтерін пайдалана отырып, түрлі қолөнер бұйымдарымен қатар, тіпті, ұлттық киім үлгісін тігіп шығардық. Қыз балалар өздері тіккен киімдерімен түрлі сайыс сахналарына шығып, халық назарын өздеріне қаратты.

Үйірменің бірнеше мүшелері яғни, оқушылар республикалық байқауларда бақ сынап , жемісті еңбектерінің жеңісін көрді. Талдырмаш саусақтары майысқан жас шеберлер бірнеше мәрте І – ІІ дәрежелі лауреат атақтарын иеленіп , диплом, медаль және кубоктарға қол жеткізді.

«Ою – өрнекті жақсы жасау үшін алдымен пайдаланатын материалды дұрыс таңдай білу қажет, оның ою ырғағы мен мөлшерін , яғни оюдың заттың бетіне түсуі мен орналасуын нақты жобалау қажет.Оюдың жақсы шығуы оюшының ой ұшқырлығында, шеберлігі мен оюдың ретін келтіріп үйлестіре білуінде». Ою – өрнектің қандай түрі болса да, ол –…