Ою өрнек арқылы ұлттық тәрбие беру мақаласы

Ою -өрнектерді пайдалану арқылы оқушыларға ұлттық тәрбие беру.

Қазақ халқының қолөнері ғасырлар бойы халықпен бірге дамып келе жатқан дәстүрлі өнер.

Қолөнер - қол еңбегі. Адам баласын еңбектенуге тәрбиелейді. Қолөнер бүкіл әлем халықтарының тамашалайтын көрмесі.

Қолөнер – бұл кәсіп, экономикада еңбек күшін тауарға айналдыру арқылы еңбекақы алу жол. Қолөнер – ата-бабамыздың ұшқыр қиялынан шыққан үлкен даналық ойының, қажеттілігінен туындаған өнер туындысы.

Қолөнер - атадан балаға мирас болып келе жатқан асыл мұра.

Әр халықтың ғасырлыр бойына жинақталып, белгілі бір жүйеге түскен рухани өмірінің ұлттық мәдениеті бар. Мол рухани мәдениетінің маңызды бір саласы қолөнер. Қазақ халқының шеберлік өнері еңбек барысында туды және тұрмыс тіршілігінде қолданылатын өнермен тығыз байланысты болды. Барлық заттар көшпелі халық тұрмысына бейімделіп жасалды. Қолөнер - ғасырлар бойы дамып, қалыптасып келе жатқан халық шығармашылығы. Ол талай ғасырлар кезеңінен өтіп, түрленіп, жаңарып келіп, атадан балаға қалған мұра ретінде бізге жеткен дәстүрлі өнер.Ол арқылы біз үлкен рухани эстетикалық тәлім алып ,өнер әлеміне қанат қағамыз. Өнер туындылары белгілі бір дәуірді, сол дәуірде өмір сүрген тұрмыс- тіршілігін бейнелейді Халықтың асқақ арманын, табиғат сұлулығын, ішкі жан сезімін өнер арқылы білдірген. Өнер туындылары арқылы белгілі бір халықтың тарихын білуге болады.

Қай заманда болмасын адамзат алдында тұратын ұлы мұрат - міндеттердің ең бастысы - өзінің ісін, өмірін жалғастыратын салауатты,саналы ұрпақ тәрбиелеу. Ұрпақ тәрбиесі келешек қоғам қамын ойлау болып табылады. Сол келешек жастарды жан-жақты жетілген, ақыл-парасаты мол, мәдени-ғылыми өресі озық азамат етіп тәрбиелеу біздің қоғам алдындағы борышымыз.

Оқушыларға эстетикалық тәрбие беру олардың көркемдік білім деңгейін көтеру мәселесі бүгінгі таңда айрықша мәнге ие және қазіргі таңда халықтың өнерге деген ынтасы анағұрлым артты. Халық өнерін жаңғыртып, одан ары дамыту бүгінгі күннің көкейкесті мәселесі болып табылады. Бұл орайда, қазақтың сәндік қолданбалы өнерінің мәні мен алар орны ерекше.

Жастарды жан –жақты қабілетті азамат етіп өсіруде халықтың өнерінің тәлім-тәрбиелік, білім танымдық ролі орасан зор. Өз ұрпағының «Сегіз қырлы, бір сырлы» өнегелі, өнерлі болып өсуін мақсат еткен ата-бабамыз өз бойындағы асыл қасиеттерін ою-өрнектер арқылы да насихаттаған. Ою-өнерін үйрету оқушылардың бойында байқағыштық, сезімталдық, талғампаздық қасиеттерін қалыптастыра отырып, оларды шеберлік шыңына жетелеуге мүмкіндік береді.

Қазақтың ою және өрнек деген қос сөзі біріге келіп, латынша орнамент деген ұғымды білдіреді. Орнамент – көп елдің тіліне сіңген интернационалдық термин. Мағынасы – сәндеу, әсемдеу. Осы сәндеу, әсемдеудің бір түрі, яғни хаиуанат, жан –жануар және өсімдік белгілерімен мүшелері немесе геометриялық фигуралар іспеттес элементтердің үнемі ырғақты қайталанып, симметриялы орналасқан көркем өрісі мен құрылымын ою деп…