Өзін-өзі тануды пәндермен ықпалдастыру баяндамасы

Баяндама

Тақырыбы: «Өзін-өзі тану» пәнін басқа пәндермен ықпалдастырудың тиімді жолдары

№49 орта мектебінің өзін – өзі тану пәні мұғалімі: Султанова Оразгуль

Шиелі , 2019жыл

Жоспары: Жоспар

1.Кіріспе

2. Негізгі бөлім

а. Интеграциялаудың әдістемелік негіздері.

ә. Пәндердің интеграциялауына ғылыми көзқарастар

б. «Өзін-өзі тану» пәні мен басқа пәндермен интиграциясының мәні.

3.Қорытынды

4.Пайдаланылған әдебиеттер

№49 орта мектеп

Султанова Оразгуль Турсыновна

өзін-өзі тану пәні мұғалімі

«Өзін-өзі тану» пәнін басқа пәндермен ықпалдастырудың тиімді жолдары

Барлық мамандықтың ішінде мұғалім

мамандығы ең ардақты,ең қиын және ең маңызды. Ш.А.Амонашвили

Кірспе

ҚР Президенті Н.Ә. Назарбаевтың Қазақстан халқына «Нұрлы жол – болашаққа бастар жол» Жолдауында: «Біз тұрақтылықты бағалай білгеніміздің арқасында бүгінгі табыстарға жеттік. Ешкімді кемсітпей, ешкімнің тілі мен ділін мансұқтамай, барлық азаматтарға тең мүмкіндік беру арқылы тұрақтылықты нығайтып келеміз. Біздің кейінгі ұрпаққа аманаттар ең басты байлығымыз – Ел бірлігі болуы керек. Осынау жалпыұлттық құндылықты біз әрбір жастың бойына сіңіре білуге тиіспіз» – деп атап көрсеткен еді [1].

Ізгі -педагог Ш.А.Амонашвили «Әр бала керемет рухани күш иесі. Балаға мұғалімсіз білім жоқ. Егер кішкентай балдырған өз ұстазын ұнатса ,онда ол білімге де құмарта түседі. Егер ол ұстазын ұнатпай,одан қорқатын болса,өзіне дос санамаса,онда ол білім өз құнын жояды» -деген.

«Өзін – өзі тану» рухани – адамгершілік білім жобасының авторы С.А.Назарбаева осындай мәселелерді пайымдау барысында былай деп жазды:«Ғасырлар тоғысында біз ойда - жоқта тәрбиенің басты мақсаты – бала компьютер тетіктерін басып, ағылшынша былдырлап сөйлей білсе жеткілікті деп шештік. Міне ол – дап – дайын жаңа формация адамы! Ал сол баланың мейірімділік пен зұлымдықтың айырмашылығын ажырата алмайтыны, жақынының ауыртпалығын бөліспейтіні бізді ойландырмайды да... Мен балалардың жастайынан салауатты және бақытты болу өнерін меңгергенін, өмір даналығын бойына сіңіріп, адамзатқа риясыз қызмет ету арқылы бақытқа бөленуді үйреніп өскенін қалаймын. Өздерінің кім екенін, кім үшін өмір сүретіні, неге ұмтылатынын терең түсінуі керек. Әр адамның өзін – өзі тануы қажет». Әңгіме қоғамның әлеуметтік және адамгершілік бағдарларының өзгеруі жайында болып отыр және бұл үдерістегі жетекші рөл білім беру жүйесіне тиесілі[5].

Осыған орай, білім беру ұйымдарында өзін – өзі тану пәнін оқытудың маңызды мәселелерінің бірі ретінде басқа пәндерді кіріктіруді және пәндерді интерграциялаудың тәрбиелік мәнін ашып көрсетудің жолдарын қарастырамыз.

Интегра́ция – бүгінгі таңда адамның ғылыми ойлауын және әлемдік көзқарасын анықтайды.

Философиялық сөздік бұл ұғымға манадай түсінік береді: ықпалдасу – әр текті бөліктер мен элементтердің бірігуімен байланысты даму.

Интегра́ция ( лат. тіл. integratio — «ықпалдастыру, біріктіру, кіріктіру») — бірін – бірі толықтыратын, бір – бірімен байланысты жеке ұғымдарды бір тұтас етіп біріктіру.

Оқытудағы интегра́циялаудың мәні неде?

Интегра́циялаудың мәні біріншіден оқушыларда қоршаған орта туралы тұтас түсінік қалыптастыру (мұнда ықпалдастыру оқытудың мақсаты ретінде қарастырылады). Екіншіден – пәндердің бір – біріне жақындату (мұнда кіріктіру – оқыту құралы).

Қазіргі таңда білім беру жүйесінің екі аспектін де үйлесімді дамыту қажет – зияткерлік (сыртқы, ол ақыл үшін білім беру) және рухани – адамгершілік (ішкі, ол жүрек үшін). Білім мен рухани таза өмір сүруді үйлесімділікке келтіру қажет. Білім тек қана табыс табу үшін емес, өмір үшін керек.

«Өзін – өзі тану» пәнін оқытудың шарттарының бірі рухани – адамгершілік білім беруді мектептің біртұтас педагогикалық үдерісіне интеграциялау.