Өзіңді жақсылықпен таразыла сабақ жоспары

Өзін – өзі тану сабағының жоспары

Мектеп: №127 жалпы орта білім беретін мектеп

Мерзімі: 09.11.2018ж.

Сыныбы: 2 «В»

Оқушылар саны: 12 оқушы

Тақырыбы: «Өзіңді жақсылықпен таразыла»

Құндылық: дұрыс әрекет

Қасиеттері: мейірімділік, қайырымдылық

Мұғалімі: Тулкиева Ботагөз Елікбайқызы

Сабақтың мақсаты:- оқушылардың жақсылық туралы көзқарастарын қалыптастыра отырып, дұрыс әрекет құндылығының мәнін ашу.

Сабақтың міндеттері: -оқушыларды жақсылықты бойларына сіңіруге, қайырымды болуға үйрету;

Оқушыларда сенімділік қасиеттерін дамыту;

Оқушыларды білімділікке, шындыққа, жақсылыққа тәрбиелеу.

Плакат, маркер, үлестірме қағаз.

Сабақ барысы: а) Ұйымдастыру кезеңі.

Сәлемдесу, оқушылардың көңіл-күйін сұрау.

Шаттық шеңбері

Қуанамын мен де,

Қуанасың сен де.

Қуанайық достарым,

Арайлап атқан күнге.

Себетпен конфет әкелу. Оқушыларға себеттен конфет алуларын сұраймын.Конфеттің түрлеріне қарай 2 топқа бөлініп отырады.

Тыныштық сәті. «Орманға ойша серуен» оқушыларды жағымды күйге келтіру. Баяу әуен қойылады.

Мұғалім: Арқамызды тік ұстап отырамыз. Көзімізді жұмып, терең тыныс аламыз. Әрбір тыныс алған сайын неғұрлым көбірек босаңсып, сабырлы болуға тырысамыз. Қазір біз орманға серуенге шығамыз. Өзіміздің сынып есігіне беттеп, есікті ашқанымызды, дәлізден өтіп, далаға шыққанымызды елестетеміз. Таза ауаны жұтып, шашымызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз. Жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың даусы және жәндіктердің ызыңы. Орманға қарай түсіңіз, қараңызшы ағаштар биіктей әрі қалыңдай түсті. Жарық пен көлеңкенің ойынын қызықтаңыз. Жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қу

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетініміз бен қадірлейтінімізді бірде бір тірі жәндікке зиян тигізбеу үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепте қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз. Жолыңызда жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

2.Үй тапсырмасын тексеру: 2 тапсырманы сұрау. «Менің мектебім»

- Мектептегі қай сабақ саған ұнайды?

- Сыныптастарыңның қандай жақсы қасиеттері бар?

- «Мектеп бала бақыты» дегенді қалай түсінесіңдер?

Сабақ барысын талқылау. Топқа бөлу. 5 Тәртіп ережесін (Тәртіп, талап, тазалық, тыныштық, татулық) сақтау керектігін еске түсіру.

3. Жағымды ой-пікір (дәйексөз) «Жақсылықтың үлкен-кішісі болмайды» - деген нақыл сөзді бүгінгі сабақтың дәйексөзі ретінде түсіндіру және жаттап келу.