Печенье әзірлеу бойынша балабақшадағы ашық сабақ

Білім беру саласы: Шығармашылық

Оқу іс – әрекеті : Сюжеттік рөлдік ойын

Тақырыбы: «Печенье» әзірлеу

Мақсаты:

1.Балалардың ұннан жасалатын тағамдар туралы білімдерін кеңейту.

2. Дайын қамырды пайдалана отырып, печенье әзірлеуге үйрету.Тілдерін дамыту.Саусақтың ұзақ бұлшық еттерінің қозғалысын жетілдіру.

3. Жинақылыққа, ұқыптылыққа тәрбиелеу.

Әдіс – тәсілдері: тосын сәт, көрсету, әңгімелеу, түсіндіру, сұрақ – жауап,сергіту сәті, жеке жұмыс.

Құрал- жабдықтар: печеньенің түрлері табақшаға салынған, қамыр илеуге керекті заттар, қамыр, кескіштер.

Сөздік жұмыстар: печенье, жұмыртқа, қант, ас содасы, май, ұн, қамыр

Билингвалдық компонент : печенье печенье, жұмыртқа-яйцо, қант-сахар, ас содасы- пищ. сода , май -масло, ұн- мука, қамыр- тесто

Оқу іс-әрекетінің барысы:

Ұйымдастыру кезеңі

Жылулық шеңбері

Біз қандаймыз,қандаймыз,

Шұғылалы таңдаймыз.

Күлімдеген күндейміз,

Ренжуді де білмейміз.

Тәрбиеші: Өте жақсы балалар орнымызға отырайық.

Балалар сендердің аналарын тәтті –тәтті тоқаштар, торттар, печеньелер пысырып бере ме?

Балалар: Иа, аналарымыз әр түрлі тағамдар пысырады.

Тәрбиеші: Торттарды, печеньелерді үлкен кондитерлік фабрикаларда әзірлейді.

Тәрбиеші: Бүгін біз сендермен кондитерлік фабрикаға барамыз.

Топ ішіндегі бұрышқа келу.

(Балаларды печеньелердің түрлерімен таныстырып, дәмін ауыс тигізу)

Т:Балалар мыналар нелер екен?

Б: мынау печеньелер

Т: Дәмі қандай екен?

Б: Дәмді, тәтті.

Т: Бүгін біз сендермен осы печеньелерді өзіміз жасап үйренетін боламыз.(топқа оралу)

Т: Балалар, печеньені әзірлеу үшін бізге жұмыртқа, қант, ас содасы, май, ұн керек, осының барлығын ыдысқа салып араластырып, қамыр илейміз.Сол қамырдан печенье әзірлеп пысамыз.

Сөздік жұмыстар жүргізу: печенье печенье, жұмыртқа-яйцо, қант-сахар, ас содасы- пищ. сода , май -масло, ұн- мука, қамыр- тесто

Дайын қамырды пайдалану арқылы әр түрлі пішінде печеньелер жасау.( жасалу жолдарын толықтай түсіндіру, жұмыс арасында балаларды мақтау) Қамырды алақанымызға алып, тақтайдың үстіне салып, қамырымызды қолымызбен басып, жайпақтаймыз, сәлден соң кескішті алып, қамырдың үстіне қойып, қатты батырып, кесілген қамырды алып, табақшаға саламыз.Дайын болғандарын аспазшы апайға беріп жібереміз, сол кісі пешке салып пысырып, бізге бесін асқа әкеп береді.

Қорытынды.

- Бүгін бізге сендермен не жасап үйрендік?

- Печенье жасау үшін нелер керек екен? (көрсету)