Педагог қалыптасуындағы рефлексияның рөлі туралы баяндама

Менің жаңа форматтағы педагог ретінде

қалыптасуыма рефлексияның рөлі

Мен 2013 жылдың 25 ақпаны мен 21 мамыр аралығында Қызылорда облысы бойынша педагогикалық қызметкерлердің біліктілігін арттыру институтына курстан өттім. Курс барысында мен орта білім беру жүйесіндегі әлемдік жоғары деңгейге қол жеткізген анағұрлым танымал білім беру әдістемелері арасында сындарлы теориялық оқытуға негізделген тәсілдермен таныстым.

Бұл бағдарламаның басым бөлігі, түрлі тәсілдер қарастырылғанына қарамастан, сындарлы оқыту теориясы негіздерін қамтыған. Бұл теория оқушылардың ойлауын дамыту олардың бұрынғы алған білімдері мен жаңа немесе сыныптағы түрлі дерек көздерінен, мұғалімнен, оқулықтан және достарынан алған білімдерімен өзара әрекеттесуі жағдайында жүзеге асады деген тұжырымға негізделеді.

Сындарлы оқытудың мақсаты – оқушының пәнді терең түсіну қабілетін дамыту, алған білімдерін сыныптан тыс жерде, кез келген жағдайда тиімді пайдалана білуін қамтамасыз ету.

Менің кәсіби дамуыма бұл жұмыс қандай әсерін тигізеді екен? деген менде ой болды.

Көптеген мұғалімдер өз тәжірибесін жетілдіру тәжірибесін жетілдіру жұмысын жақсы бастама деп санайды, егер жоба басынан нәтижелі болып, әріптестерін қызықтыра алса, онда бұл өзгерістер мектепте кеңінен қолдау тауып отырады. Басқаша айтқанда, мектеп басқаша жұмыс істеуге үйренеді. Сол себепті әріптестерді қызықтырып, оларды бірлесе жұмыс істеуге шақыру қажет (МАН, 88-бет).

Негізгі терең ойлар бірден өзгермейді, сол сияқты жаңа тәсілдер де тез орындалмайды. Өз практикамда орын алған өзгерістер туралы ойлану маған пайдалы болды.

Менің ойымша, мектептегі жаңа бағдарлама бойынша жүргізілген сабақтардың соңында рефлексия жазу мен үшін көп көмегін тигізді. Себебі, әрбір сабақтың кезеңдерін талдай отырып, «Қай жерінде қандай қателік жіберілді? Нені үлгермей қалдым? Оны алдағы сабақта болдырмау үшін не істеу керек?» деген сұрақтарға жауап алу үшін рефлексияның маңызы зор екен. Сол арқылы әрбір мұғалім өз сабағына, өз жетістіктері мен кемшіліктеріне баға береді.

Негізінен рефлексияны сабақтың әр кезеңінен кейін де алуға болады. Сол арқылы сабақтың әрбір кезеңін қорытындылауға және сабақ нәтижесін өлшеуге болады.

Сабақ жоспарында мұғалім өз іс-әрекеті мен оқушының іс-әрекетін жеке