Педагогтердің цифрлық құзыреттілігін дамыту жолдары

Педагогтардың цифрлық құзіреттілігін дамыту.

Мақала цифрлық технологияларды қолдану арқылы Қазақстан халқының өмір сүру сапасын жақсарту мәселелеріне, сондай-ақ ұзақ мерзімді перспективада ел экономикасын дамытудың жаңа траекториясына көшу, цифрлық экономиканы құру, білім беруді қашықтықтан оқытуға көшу аясында әлемдегі қазіргі пандемиялық жағдайға байланысты онлайн жүйесінде оқыту үшін міндетті және қажетті болып отырған жаңа құзыреттерге, оның ішінде цифрлық құзыреттіліктерді меңгеруге байланысты мәселелерге арналған. Мақалада тақырыпта берілген негізгі ұғымдар, олардың ішінде педагогтың алдында, бүгінгі өмір жағдайына байланысты туындап отырған цифрлы технологияларды тез арада меңгеру талабына сай болуы, сонымен қатар, жаңа жағдайда жұмыс істеу үшін өз құзыреттіліктерінің көлемін кеңейту мәселелері де қарастырылған. Ерекше көңіл бөлінген аспектілер: «құзыреттілік», «цифрлы құзыреттілік», «педагогтардың компьютерлік сауаттылығы мен цифрлы құзыреттілігі» ұғымдарының зерттелу деңгейлері. Сонымен қатар, білім беру қызметін табысты жүзеге асыру үшін педагог талап ететін құзыреттердің топтары берілген және әртүрлі елдердегі цифрлы құзыреттіліктерінің тұжырымдамаларына, шетелдік құзыреттіліктің ұлттық модельдеріне шолу жасалған.

Негізгі ережелер

Қоғамның үздіксіз ақпараттандырылу жағдайында тұлғаның, оның ішінде педагогтың құзыреттілігі маңызды мәселе болып табылады. «Цифрлық Қазақстан» мемлекеттік бағдарламасының мақсаттары орта мерзімді перспективада Қазақстан Республикасы экономикасының даму қарқынын жеделдету және цифрлық технологияларды пайдалану есебінен халықтың өмір сүру сапасын жақсарту, сондай-ақ ұзақ мерзімді перспективада Қазақстанның экономикасын болашақтың цифрлық экономикасын құруды қамтамасыз ететін түбегейлі жаңа даму траекториясына көшіруге жағдай жасау болып табылады. Осы мақсатқа қол жеткізу дамудың екі бағыты бойынша жүруді білдіреді: «Қазіргі экономиканы цифрландыру» - нақты сектордағы нақты жобалардан тұратын прагматикалық бастауды қамтамасыз ету, экономиканың қазіргі салаларын, мемлекеттік құрылымдарды цифрландыру және оларды технологиялық қайта жабдықтау жобаларын іске қосу және цифрлық инфрақұрылымды дамыту. «Болашақтың цифрлық индустриясын құру» - адами капиталды дамыту деңгейін көтеру, инновациялық даму институттарын құру және жалпы алғанда, цифрлық экожүйені қарқынды дамыту есебінен ұзақ мерзімді орнықтылықты қамтамасыз ету, елдің цифрлық трансформациялауды іске қосу. Бағдарламаны іске асырудың

Электрондық мәдениеттің жаңа жағдайында педагогтың кәсіби шеберлігі білім беру үдерісін ұйымдастырудың қажетті шарты екендігі айқын көрінеді, ол басқалармен қатар студенттерге педагогикалық және ақпараттық қолдау көрсетуде…