PHP тілінде сөз тіркестерін біріктіру және салыстыру

PHP тіліндегі сөз тіркестерді біріктіру және салыстыру

Сөз тіркесі – бұл символдар тізбегі. РНР тілінде символ дегеніміз – бір байт көлеміндегі мәлімет, яғни ол әр түрлі 256 символдардан тұра алады. Бұл РНР тілінің Unicode жүйесін сүйемелдемейтінін білдіреді. РНР тілінде сөз тіркесінің ұзындығына шек қойылмайды, сондықтан олардың ұзындығы жайлы ойламай жұмыс істей беруге болады.

РНР тілінде сөз тіркесі 3 түрлі тәсілмен:

жалқы тырнақша (апостроф) көмегімен;

қос тырнақша көмегімен;

heredoc-синтаксисі арқылы анықталады.

Сөз тіркесін анықтаудың ең қарапайым тәсілі – бұл оны ' апостроф немесе " қостырнақша ішіне алып жазу. Бұл екеуі арасындағы негізгі айырмашылық – қостырнақша ішіндегі айнымалы идентификаторының мәні шығарылады да, апостроф ішіндегі айнымалы идентификаторының аты шығарылады. Мысалы, мына екі жол нәтижесі бірдей:

$food = "et";

$food = 'et';

Ал келесі екі жол арасында айырмашылықтар бар:

$tagam1 = "Менің жақсы көретінім – $food";

$tagam2 = 'Менің жақсы көретінім – $food';

Алғашқы жол мынадай мнәтиже береді:

Менің жақсы көретінім – еt

Ал келесі жол нәтижесі:

Менің жақсы көретінім – $food

РНР тілінде кері слэш таңбасынан басталатын JavaScript тіліндегідей басқару комбинациялары да қолданылады. Олар:

Символдар тіркесі

Мағынасы

\n

Жаңа жолға көшу

\r

Курсорды жол басына көшіру

\t

Горизонталь табуляция

Кері қиғаш сызық белгісі

Доллар белгісі

қос тырнақша белгісі

Қостырнақша ішінде бұлар мағынасына сәйкес басқару символдары болады да, ал апостроф ішінде тек "\" және "\\" тізбегі ғана өңделеді.

Сөз тіркесін анықтаудың ең қарапайым тәсілі – бұл оны ' жалқы тырнақша ішіне алу. Ал сол сөз тіркесі ішінде жалқы тырнақшаны пайдалану үшін, С тіліндегі тәрізді, оның алдына кері қиғаш сызықша (слэш) таңбасын «\» қою керек, яғни оны экрандау қажет. Егер кері сызықша жалқы тырнақшаның алдында немесе сөз тіркесінің соңында тұруы керек болса, онда ол қайталанып жазылуы тиіс «\\».

Егер жалқы тырнақша ішіндегі сөз тіркесінде кез келген басқа таңбалар алдында кері слэш «\» кездессе, онда ол қарапайым символ сияқты анықталады және өзгеріссіз шығарылады. Сондықтан кері слэш таңбасын тек ол сөз тіркесінің соңында, яғни жабылатын тырнақша алдында тұрғанда ғана экрандау керек.

РНР тілінде кері слэш таңбасынан басталатын басқару комбинациялары апострофтар ішінде кездескенімен өңделмейді.

Мысал. Басқару тізбектерін пайдалану

<?php

echo 'Жаңа жолға көшу белгісі – <br&gt<br>';

// Келесі жол: ' таңбасын шығару үшін оның алдына \ қою керек сөзі

echo "' \' таңбасын шығару үшін оның алдына '\\' қою керек";

// Келесі жол: C:\*.*? тіркесін өшіргіңіз келе ме? сөзі

echo '<br> C:\*.*? тіркесін өшіргіңіз келе ме?';

// Келесі жол: \n таңбасы жаңа жолға көшірмейді сөзі

echo '<br> \n таңбасы жаңа жолға көшірмейді';

// Келесі жол: $expand және $either мәндері қойылмайды сөзі

echo '<br> $expand және $either '.

'мәндері қойылмайды '

Нәтижесі:

Жаңа жолға көшу белгісі. – <br>

' \' таңбасын шығару үшін оның алдына '\' қою керек

C:\*.*? тіркесін өшіргіңіз келе ме?

\n таңбасы жаңа жолға көшірмейді

$expand және $either мәндері қойылмайды

Сөз тіркестерін түрлендіру

Егер сөз тіркесі ретінде сандық мән көрсетілсе, онда нәтиже мен оның типі келесі ережелер бойынша анықталады:

Сөз тіркесіндегі сан құрамында . (нүкте), е немесе Е символдары болса, онда ол екі еселенген дәлдіктегі сан болып саналады. Мұндай символдар болмаса, ол бүтін сан болып табылады.

Басқаша жағдайларда сан мәні сөз тіркесінің бастапқы бөлігі бойынша анықталады. Егер сөз тіркесі сандық мәліметтен басталса, онда олар санның мәні ретінде пайдаланылады. Кері жағдайда санның мәні нөлге тең болады. «Е», «е» символдары сан құрамындағы экспонентаны білдіреді, яғни сан 10-ның белгілі бір дәрежесіне көбейтілетінін көрсетеді.

Мысал. Сандардың типін шығару

<?php

echo "Сөз тіркестерін түрлендіру <br>";

echo "---------------------------------------- <br>";

$f = 1 + "10.5"; //$f екі еселенген дәлдікте (11.5)

echo "\$f = $f; типі ".gettype($f).'<br>';

$f = 1 + "-1.3e3"; //$f екі еселенген дәлдікте (-1299)

echo "\$f = $f; типі ".gettype($f)."<br>"; //gettype() типті береді