Поэзия беттері қазақ тілі пәнінен 11 сыныпқа

Поэзия беттері

Мадиярова Меруерт

Үлгілі орта мектебінің

11-сынып оқушысы

Мұғалімі: Шакенова Ж.И.

Туған жерім –жүрегім

Жасыл жайлау – тоғай өскен сайлары

Құмарымды қандыратын қайнары.

Еркелетіп төбесіне көтерген,

Туған жердің шақырады таулары.

Туған жердің көз тартады белдері,

Айдынында асып жатқан көлдері.

Ой мен қырда тайдай тулап жарысқан,

Жатыр сайрап балалықтың іздері.

Құстай ұшып, самал желді саулата,

Қуанышқа жүрегімді баурата,

Сайран дала сені сүйіп келемін,

Саған деген махаббатты лаулата.

Туған жер, тауың түгіл төбең биік,

Анамдай бауыр басып, өстім сүйіп.

Жатсаң да жарты әлемді түгел алып,

Кішкентай ғана жүрегіме тұрсың сыйып.

Астана

Арман қала – Астана,

Бағы жанған бір қала.

Тұрады ол көз тартып,

Әсемдікке сыр артып.

Астана – бас қаламыз,

Еліміздің кіндігі.

Бой көтерген жайқала,

Елдің орта тұсында.

Түрлі ой мен сыр шертеді,

Көп қамтығаны өткені,

Тарихы мол, ол өзі,

Қаланғаннан бері іргесі.

Гүлге оранған дала желегі

Айқара ашқан есігің.

Паш еткен бар әлемге,

Ұлы дала тірегі.

Атамекен, Ханшатыр,

Мәлім болған бізге де,

Сан ғажайып керемет

Сарыарқаның төрінде.

Астаның жүрегі,

Бәйтерегі қазақтың.

Шыңына шығу бір арман,

Баға жетпес нышанның.

Астанада отырған,

Нұр атамыз кемеңгер.

Мақсаты көп салалы

Қайсар мінез, батыл ер.

Желбіретіп көк байрағын,

Гүлге оранды аймағым.

Биіктерге жетті ғой,

Ұлы далам, Астанам...

Ана тілім

Жан байлығы, ұлт тірегі – ана тілім,

Сыр –сипатын танытқан осы – бал тілім.

Жырлап өткен Ыбырай мен Абай ақын,

Қара сөздің кемелі – дана тілім.

Пайда болған нұр төккенде жарық күн.

Сол жарықтың мысын басқан алыптың,

Биік шыңына алып шыққан атақтың,

Қасиетті тілім зор байлығы халықтың.

Күн шалмас қара көңілді шала тұғын,

Күн жылытпас суық көңілді жылыта тұғын.

Ана тілдің құдіреті зор қаншама,

Ақты қара, қараны ақ етуге жете тұғын.

Онда анам сүтінің аңқыған иісі бар,

Мың даланың мамыр гүлдей тынысы бар.

Оның кербез ырғалған мақымынан

Қоңыр, салқын пейіштің де үні шығар.

Кер жусанның шық жуған кермегі бар,

Түрен түскен самалжай жер лебі бар.