Поэзияның хантәңірі туралы тәрбие материалы

Сабақтың тақырыбы: Поэзияның «Хантәңірі»

Сабақтың мақсаты: Оқушыларға ақиық ақын Мұқағали Мақатаевтың өмірі,поэзияға деген қызығушылығын арттыру,өлеңдерін мәнерлеп оқуға дағдыландыру, ақынның сөзіне жазылған әндерді оқушылардың назарына ұсыну,тәрбиелік мәнін түсіндіру,қазақ халқына, тілге,отанға деген сүйіспеншілік сезімлерін ояту.

Сабақтың көрнекілігі: слайдтар, кітап көрмесі,ақын туралы жазылған

пікірлер.

Кештің жоспары:

«Ән сал, жаным» ( әндерін орындау).

« Поэзия- жүрек тілі» ( өлеңдерін оқу)

«Аққу- кие – қасиет» ( Аққулар ұйықтағанда поэмасынан көрініс көрсету).

Қорытынды.

Сахна музыкамен ашылады.

Сахнадағы баннерге жарық түсіріледі.

( М.Мақатаев суреті)

«Бүгін менің туған күнім» өлеңі жіберіледі.

Бүгін менің туған күнім.

Ой,бәле-ай!

Мына адамдар неге жатыр тойламай?!

Банкет жасап берер едім өзім- ақ,

Тәңірдің бір жарытпай-ақ қойғаны- ақ.

Мына дүние неге жатыр үндемей?!

Алаулатып тойдың шоғын үрлемей.

Құшақ- құшақ гүл шоқтарын лақтырып,

«Мынау - шапан,

Мынау- атың, мін», - демей.

Мына жұртқа жақпады ма әлденем?!

Бекер өмір сүргемін бе, әлде мен?

Халқым,

Сенің қасиетіңді білем деп.

Босқа өмірім өтті ме екен әуремен?!

Айтамын деп қуанышың, мұңыңды,

Басқа арнаға бұрдым ба әлде жырымды?!

Мен, бәрібір,өзіңменен бір болам,

Өзегіне тепсең –дағы ұлыңды.

...Тойланбаса тойланбасын,

Не етейін.

Той көрмей-ақ, сый көрмей –ақ өтейін.

Қаламымды берші маған, бәйбіше,

Болашаққа арыз жазып кетейін...

Музыкамен жүргізушілер шығады.

Жүргізуші: Күн батты ма, түн келдіме, таң атты ма қайтадан

Құдіретті тірлігіңе кірістің бе қайта, Адам?

Арма, өмір бар әлемді бауырына алып шайқаған!

Жүргізуші: Әрбір әрлі қанға шомған тарихыңа қараңдар,

Отырардай опат болған қала жоқпа жараңдар?

Тату-тәтті бармысыңдар, армысыңдар, Адамдар! – деп

Мұқағалиша сәлемдесіп М.Мақатаевтың туған күніне арналған

Поэзия «Хантәңірі» атты поэзия кешіне қош келдіңіздер.

Әділқазылармен таныстырып өтейік.

Жакиева Жақсыгүл

Майлыбаева Данагүл

Қалиева Гүлзат

1- Жүргізуші:

М.Мақатаев 1931 жылы 9- ақпанда Алматы облысы, Нарымқол ауданына қарасты қарасаз ауылында дүниеге келген. Ақынның балалық шағы Ұлы Отан Соғысына тұспа-тұс келді.

Мұқағали өлең жазуды 10 жасынан бастаған. Алғашқы балауса жыр жолдарын майданға кеткен әкесіне арнап жазған.Мұқағали орта мектепті бітірген соң, ауылдың хатшысы, қызыл отаудың меңгерушісі, комсомол қызметінде болып, 1949 жылы көктемінде Лашын апамызбен өз отбасын құрады. Одан соң дүниеге Алмагүл,Шолпан атты екі қызы, Айбар, Жұлдыз атты ұлдары келеді. Ал, Майгүл есімді қызы 10 жасында қайғылы қазаға ұшырап, Мұқағали ағамыздың қабырғасын қайыстырды. Одан кейін 1954-1962 жылдар аралығында қазақ радиосында диктор болып қызмет атқарды. Ал 1962- 1972 жылдар арасында «Соцалистік Қазақстан», «Қазақ әдебиеті» газеттерінде, «Мәдениет және тұрмыс», «Жұлдыз» журналдарында бөлім меңгерушісі болып еңбек етсе, 1972-1973 жылдары Қазақстан Жазушылар одағында әдеби кеңесші болып жұмыс істейді. Оның шығармалары негізінен Отанға, елге, туған халқына деген сүйіспеншілігін,махаббатын, өмірге деген құштарлығын жырлауға арналған. Көптеген өлеңдеріне ән де шығарылды. Ақиық ақынымыз 1976 жылы 27 наурызда наурызда өмірден өтті. Мұқағали үшін өлең жазудан артық бақыт болмаған.

Ол өлең болып өмір сүрді, өлең болып өмірден өтті.

2-Жүргізуші: «Мұқағали поэзиясының арқауы – ән. Тұңғыш рет жүрегімнен ән болып сорғалаған ұлы Мұқаңның, Мұқағали Мақатаевтың шығармалары еді.Бұл шың сезім. Шіркін – ай, Мұқаңның қай өлеңін алсаң да әнге сұранып тұр ғой» - деп Тынышбай ағамыз тебіренген еді.

Енді кезекті Мұқағали әндеріне берсек.

І бөлім. «Ән сал, жаным» ( әндерін орындау).

Жүргізуші: Күндей ғажап өмірде- Мұқағали,