Ұлтын сүйген суретші туралы кітапханалық материал

Тақырыбы: «Ұлтын сүйген суретші»

Көрнекілігі: «Біз Қастеевтей бола аламыз ба? сурет көрмесі, слайд.

І тур Ашылуы

ІІ тур Сөз жұмбақ шешу

ІІІ тур Оқушылардың жүрек жырлауымен өлең шығару

ІҮ «Біз Қастеевтей бола аламыз ба?

Ү Қорытынды.

І тур Ашылуы.

Жүргізуші: класс оқушысы Мұратов Қуаныш.

Бар қазаққа аты аңыз,

Қастеев біздің атамыз.

Көріп салған суретін,

Мәз мейрам боп жатамыз.

«Түрксібтегі» жиынды ай!

Елге тартқан сыйындай.

Жамбыл ата ұстазы

Қарап тұр бізге Сүйінбай.

Осылай болған, дейді, шын

(сурет өзі сөйлесін)

Қызықтаймыз көріп біз,

Біржан, Ақан бейнесін.

Мына сурет жасымнан

Көзіме оттай басылған

Амангелді атамыз

Алмас қылыш асынған.

Мынау ғалым ақ самай

Мынау әсем бақшаны ай!

Көз тартады кең жайлау

Жарқырайды Қапшағай.

Мына құлын қашаған,

Мынау күшті жас адам...

Қастеевтей атамыз

Соның бәрін жасаған.

Нұрсұлтан Әлімқұлов.

Қазақтың бейнелеу өнеріндегі ірі тұлға Әбілхан Қастеевтің туғанына жылдығына байланысты «Ұлтын сүйген суретші» атты конференция әрі сурет байқауына хош келдіңіздер.

Әбілхан Қастеев жылы қаңтар Алматы облысы, Жаркент өңіріндегі Шежін ауылында дүниеге келген.

Қаршадайынан «көзінде айнасы бар бала» атанған Әбілхан тыным табиғаттың сан түрлі бояуларын санап, түрлі ағаш атаулының, өсімдіктердің, тіпті топырақтың түр түсін саралады. Ол текемет, киіз басып алаша тоқыған әжелері мен апаларының, әпкелері мен қарындастарының дала әуеніне толы әсем ою өрнегінен әсерленіп, сұлулыққа құштар болып өсті.

Ал, кәсіби бейнелеу өнерінің сыры мен қырын меңгеруіне сол кездері Алматыда тұрған орыстың атақты суретшісі Николай Гаврилович Хлудовтың сурет студиясында оқуы себеп болды.

Бұл өңірді қайдан, кімнен үйрендің? Деген сауалына

Әбілхан: « Таудың бұлағынан,

Қойдың құлағынан

Апамның киізінен

Ешкінің мүйізінен,

деді шындық еді.

Туған жер табиғаты, қазақ қыздарының бейнесі, халқымыздың тарихи тұлғалары Ә. Қастеев шығармаларының діңгегі. Қай туындысын алып қарасақта, қазақ халқының тынысы тіршілігі бар болмыс бітімімен ап айқын көрініс береді.

Суретші тұлғалаған бейнелердің бірі Амангелді батыр. Табиғат көрінісімен астала берілген батырдың бет әлпеті, бай бітімі, киім киісі, мінез құлқы, атқа отыруынан өзі хас шеберліктің қолтаңбасын танытатын ірі өнер шығармасы.