Сағи Жиенбаев туралы кітапханалық танымдық материал

Тақырыбы: « Сағи Жиенбаев – жыр зергері»

Мақсаты: Ақынның өмірімен таныстырып, өлеңдерін жатқа

айтқызу.

Көрнекілігі: С.Жиенбаев 80 жаста- кітап көрмесі. Слайд.

Құрметті Ұстаздар, оқушылар! Бүгінгі «Сағи Жиенбаев –жыр зергері» поэзия сағатына хош келдіңіздер.

Қазақ поэзиясына өлең деген сөздің өзіндей әдемі естілген, айрықша үнімен елеулі үлес қосып келе жатқан, бірақ онысы оншалықты еленбей ескірілмей, айтылмай келе жатқан санаулы лириктеріміздің бірі Сағи Жиенбаев. Биыл С.Жиенбаевқа 80 жыл толды.

« Білмейтін таныс дауыстан,

Аңсайма далам елжіреп

Сағына күтіп алыстан

Сағидың даусы келеді деп»,

Сағидың даусы, Сағи сазы. Бұл қазақ лирикасындағы айрықша нұрлы дауыс, сырлы наз.

Ендеше слайд тақтаға назар аударуларыңызды сұраймыз.

( суреттер шыға береді, жүргізуші төмендегі тексті оқи береді)

Жүргізуші:

С.Жиенбаев 1934 жылы 15 мамыр айында Ақтөбе облысы Байғанин ауданы Жарқамыс деген ауыл бар. Сағи сонда туған. Ендеше Сағи Жиенбаев ағамыздың өлеңдеріне тоқталып өтейік.

9-класс оқушысы Рахметова Жансая «Туған жерге барғанда»

Төремұратова Фатима «Мен туып өскен далада»

Жүргізуші: Бала кездегі таңғажайып табиғат құбылысы ер жеткен ақынның көз алдында әлі тұр. Ал енді біз «Кемпірқосақ» деген өлеңге тоқтала кетейік». Жаңбыр селдетіп өте шығады. Балбыраған дүние, сөніп қалған ауыл ошақтарында қайтадан от маздайды. Сол кезде бір басы сол ауылдың шетіне тіреліп, аспанға кемпірқосақ ағылады. Сан құбылған сиқыр бояуларды ұстаймыз деп, балалар сілесі қатқанша зымырап белдерден асады.

Бірақ кемпірқосақ жеткізбейді.

Дүние зымырап ұршықтай

Арбайды көзді дуалап

Құмардан әлі бір шықпай

Келеміз соны қуалап, -

Ендігі кезекті өлеңге берейік.

10-класс оқушысы Жасақбаев «Кемпірқосақ» .

9-класс оқушылары Аймағамбетов Нұрсерік «Намыс», Ұзақбаева Мира «Қайыршы» өлеңін оқиды.

Жүргізуші: Ұлы Отан соғысы басталғанда Сағи не бәрі жеті жаста болатын. Баланың есінде тасқа жазған жазудай ақынның сонау алыс-алыс ай күндердегі сұрапыл соғыстың қиын шақтарындағы ауыл баласының жарық дүниені қалай қабылдағаны жөнінде бұл кітапта риясыз, рас өлеңдер көп-ақ!

Оқушы бәріне сенеді. Кітапта « Сүт туралы баллада» деген өлең бар. Азаматы соғысқа кетіп бір үйлі жан жалғыз сиырдың сүтіне қарап қалады.