Пойыз тақырыбындағы балабақша сабақ жоспары

№62 «Нұрсәуле» балабақшасы

Тәрбиеші: Набиева Қыдыркул Усенбековна

Күні: Сәрсенбі.

Білім беру саласы: Шығармашылық. Бөлімі: Апликация.

Тақырыбы: «Пойыз»

Мақсаты: Балалардың пойыз туралы білімдерін, теміржолда жүретін көлік екенін түсіндіру; ұсақ бөлшектерді қосу; шығармашылық ойды дамыту. Тілдерін дамыту. Саусақтың ұсақ бұлшық еттерін қозғалысын жетілдіру. Ұқыптылыққа тәрбиелеу.

Көрнекі құралдар: пойыздың суреті, желім, үлестірмелі материалдар.

Сөздік жұмыс: паравоз, вагон.

Әдіс- тәсілдері: Сұрақ-жауап, түсіндіру, көрнекілік.

Сабақ барысы:

I.Ұйымдастыру кезеңі.

Жылулық шеңбері.

Біз ерекше баламыз,

Айтқан тілді аламыз.

Достарымызды көргенде,

Қуана қарсы аламыз.

Балалар: -Тәрбиешімен бірге жылулық шеңберін іс-қимылдар арқылы жасап шығады.

Тәрбиеші: - Балалардың назарын үлестірмелі материалға аударады.Балалар, сендер қандай көлік түрлерін білесіңдер?

Балалар: - Машина, ұшақ, тікұшақ, қайық, кеме, автобус.

Көліктер үш түрге бөлінеді. Жерде жүретін көліктер, ауада ұшатын көліктер, суда жүзетін көліктер.

Суда жүзетін көліктерге – қайық, кеме жатады.

Ауада ұшатын көліктерге – тікұшақ, ұшақ жатады.

Жерде жүретін көліктерге – автобус, машина, пойыз жатады.

Балалар бұл көліктерді жүргізуші жүргізеді.Бүгін біз осы көліктердің біреуіне тоқталамыз. Яғни ол жерде жүретін көлік – пойыз. Пойыз темір жолда жүреді. Пойызда паравоз бен вагондар бар. Пойыз бізді өте алыс жерлерге апарады.

Тәрбиеші:- Балалар ,мынау ненің суреті?

Балалар: - Пойыздың

Тәрбиеші:- Ал, пойызды не басқарып жүргізеді?

Балалар: - Паравоз

Тәрбиеші:- Ал мыналар нелер?

Балалар:- Вагондар

Тәрбиеші: Жұмыстың жасалу ретін түсіндіреді.Алдымен пойыздың паравозын жапсырамыз.Содан кейін вагондарын жапсырамыз, ал ұшбұрыш паравоздың төбесі болады. Енді айналаға қарау үшін вагондардың терезелерін жапсырамыз.

Балалар:- Тәрбиешінің айтқанын тыңдайды, жұмыстың жасалу ретімен танысады.

Сергіту сәті.

Пойыз: « Ду- ду! Ду- ду!

Мен жүремін,

Мен жүремін!»- деп шулайды,

Ал вагондар зулайды.

«Тақ- тақ –тақ! Тақ- тақ- тақ!

Тақ- тақ- тақ! Тақ- тақ –тақ!»

Ұшақ болып, балалар,

Ұшамыз биікке, биікке.

Жоғары қарай тартыламыз,

Енді жерге қонамыз,

Қолымызды төмен түсіреміз.

Балалар: - Тәрбиешімен бірге сергіту сәтін орындайды.

Ойын: « Керекті орынға орналастыр»

Ойынның шарты: Тақтаға темір жолдың судың әуе көлігінін жолдарынын суреті ілінеді.

Балалар:- Балалар ойынды тәрбиешінің көрсетуі бойынша қызыға ойнайды.

Қорытынды:

Тәрбиеші:-Балалар, сендерге ойын ұнады ма?

Балалар:- Ия

Тәрбиеші:-Бүгін іс-әрекетімізде қандай көлікпен таныстық?

Балалар:- Пойызбен

Тәрбиеші:- Пойыз қандай көліктерге жатады?

Балалар:- Жерде жүретін көліктерге

Тәрбиеші:- Пойыз қандай жолмен жүреді?

Балалар:- Темір жолдармен жүреді

Күтілетін нәтиже: геометриялық пішіндерді пайдалана отырып пойыз құрастырады;