Полиглот болу және тілді жетік меңгеру жолдары

Полиглот болу не тілді жетік меңгеру

Полиглот – бірнеше тілді меңгерген адам. Стереотипке сәйкес адамдар полиглот болу үшін ерекше дарын иесі не вундеркинд болып туылу керек деп ойлайды. Бірақ басты нәрсе - ол сіздің қызығушылығыңыз. Көп тілді меңгеру және ол тілдерде еркін сөйлеу көп адамға оңайға соқпайтыны анық. Алайда адам жасағанын адам жасайтындығы тағы бар, себебі тілді меңгеру аса бір қиын шаруа да емес. Сөз жаттап, сөйлем құрастыра білсеңіз жеткілікті. Адам көп оқып, миын әрдайым жаттықтырған сайын есте сақтау қабілеті де артады.

Бір елдің тілін меңгеретін адам үшін ол елдің мәдениеті, тұрмыс-тіршілігі туралы мәліметтер қоса ашылады. Ағылшын тілі халықаралық қарым-қатынас тілі болғандықтан, қай елге саяхаттап барсаңызда ағылшын тілі ортақ тіл болады. Сондай-ақ көптеген ағылшын тілінде түсірілген фильмдерді түпнұсқасында түсініп көрудің әсері де өте ерекше. Ал енді оны жетік меңгерудің жолдарына келсек: тіл үйрену кезінде сөздіктегі сөздерді жаттаудың пайдасы жоқ. Белгілі бір мәтінді алып, сондағы таныс емес сөз тіркестерін не толық сөйлемді жаттауға тырысыңыз.Себебі кейбір сөздер бірнеше мағынаны беруі мүмкін. Осы арқылы тек сол сөздердің мағынасын ғана емес, оның қолданылатын жерін де білетін боласыз.

Сізге қызықты тақырып, сала туралы подкасттарды, сұхбаттарды тыңдап сосын түсінбеген сөздерін өзіңізге түртіп алыңыз, оны талдап, тыңдап отырған нәрсені толық ұғынған соң, оны қайта тыңдап көріңіз. Интернет желісінде танымал фильмдерді аз-аздан үзіндісін талдап түсіндіретін бірнеше пайдалы сайттар бар. Оларды көру де сізге біраз пайда береді.

Кез-келген мәтіннен оқыған таныс емес сөздерді аударып, оны қызықты бір нәрсемен байланыстырып , ассоциация жасаңыз. Сол кезде есіңізде жақсы сақталатын болады.

Кейбір полиглоттар үйреніп жүрген тілде көп тыңдауды жөн көреді. Тіпті соның ішінде азын ғана білетін болсаңыз да, мұқият тыңдаудан жалықпау керек. Сіз біртіндеп бұрын естімеген сөйлеу дыбысының ерекшеліктерін үйреніп, оған қандай дыбыстар мен интонацияның тән екенін естисіз.

Тағы бір сөйлеу үшін ,практика жасау үшін тежеп қалатын нәрсе ол – грамматикалық қателіктер. Адамдар ойында көп нәрсе тұрса да, сөйлеуге қорқады. Себебі грамматикалық…