Қ. Жармағанбетовтің Ормандағы оқиғасы сабақ жоспары

Әдебиеттік оқу

Уақыты: 17.10.18 ж.

Мұғалімі: Шанкиева Гулнар

Сыныбы: 4

Мектебі: Аққала орта мектебі

Сабақтың тақырыбы:

Қайнекей Жармағанбетов «Ормандағы оқиға»

Мақсаты:

Қайнекей Жармағанбетовтың «Ормандағы оқиға» атты ертегі - әңгімесін оқып танысу. Мазмұнын түсіну, ой қорыта білу, негізгі ойды анықтату, өмірде кездесетін іс әрекеттермен салыстырту.Оқушыларды бірлікке, татулыққа шақыру.

Күтілетін нәтиже:

Әңгіме мазмұны бойынша сурет сала біледі. Мәтін мазмұнын әңгімелей алады. Мәтін мазмұны бойынша ой қорыта алады Достық, бірлік қарым-қатынастарының құндылықтары жайлы ұғыну

Түрі

Жаңа сабақ

Сабақтың әдіс-тәсілдері:

Диалог, зерттеу, талдау, талқылау

Көрнекіліг:

Ағаштардың суреттері, сызба, видео, cуреттер.

Құндылығы:

Сүйіспеншілік, дұрыс әрекет, қиянат жасамау, ішкі тыныштық.

Психологиялық дайындық

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Тыныштық сәті

Нұрға бөлену(Музыкамен) Көздеріңізді жұмып мені тыңдаңыздар.- Балалар, сендер бақ ішін аралап жүргендеріңді көз алдарына елестетіңдерші. Төңірекке сүйсіне қараңдаршы. Өте тамаша! Бұл не ғажап! Бақ мүлде өзгерген. Жаздағы жап - жасыл түс сары алтын түске боялған. Аяқ астына қараңдаршы, жерге сап - сары кілем төселген сияқты. Жер жүруге ыңғайлы, жұп - жұмсақ. Анда - санда ағараңдап жеміс ағаштары көрініп қалады. Олардың сары жапырақтары сусылдап жерге түсіп жатыр, бұтақтарының арасынан көгілдір аспан көрініп тұр. Осы тамаша сиқырлы баққа келген адамдар мейірімді, қамқоршыл болып келеді. Өйткені бұл - сиқырлы бақ. Мұнда данышпан қария өмір сүріп келеді. Ол қария сендер сияқты жақсы, ізетті балаларды жақсы көреді. Егер оның жанына барып:«Ассалаумағалейкум ата!» деп сәлем берсеңдер, ол өзінің жылы алақанымен сендердің бастарынан сипап, батасын береді. Ал енді қарияның батасын алыңдар!Енді сендер, одан бетер мейірімді, инабатты, ізетті, тәртіпті бала боласыңдар. Енді көздеріңді ашып, қолдарыңды жоғары содан кейін екі жаққа созыңдар, терең дем алыңдар, міне тамаша!

Қандай сезімде болдыңдар? Сіздерге ұнады ма?

Рахмет! Жарайсыңдар, балалар!

Топқа бөлу: Сурет қиындылары бойынша топқа бөлу

1- топ: Қайың 2-топ: Қараағаш

Үй тапсырмасы

«Әйел-Ана» ертегісі

1)Күншуақ елін тұтқынға алған жау оларға не істемек болады?

2)Ер-азаматтарды аман алып қалу үшін Әйел-Ана қандай тапқырлық жасады?

3) Ертегі арқылы қандай ақыл, өнеге бермекші болып отыр?

4) Ер-азаматтарды қорғаннан алып шығудың тағы қандай жолын ұсынар едің?

Ой қозғау

Орман ағаштары туралы бейнефильм

-Балалар сендер орманда қандай ағаштар өсетінін білесіңдер ме?

-Ағаштардың адамға қандай пайдасы бар?

- Ол табиғаттың қай түріне жатады?

-Айналаны көгалдандырудағы мақсатымыз не?