Қадыр Мырзалиевтің Кәрі қыран өлеңіне ашық сабақ, 8 сынып

Күні:

Пәні: Қазақ әдебиеті

Сыныбы: 7 А

Сабақтың тақырыбы

Қадыр Мырзалиев «Кәрі қыран» өлеңі

Сабақтың мақсаты

Ақынның өмірі мен шығармашылығынан толық мәлімет бере отырып, өлеңнің идеясын, мақсатын ұғындыру, мысалдармен дәлелдей отырып әңгімелеуге үйрету, оқушылардың өз бетінше ізденісіне жол ашу, топта жұмыс істеуге дағдыларын жетілдіру

Күтілетін нәтижелер

Өлеңнің мазмұнын, тақырыбын ашып, әр жолдағы тұспалды ойды анықтайды, топта жұмыс істеуге, пікір алмасуға үйренеді. Тақырып бойынша өз болжамын шығармашылқ тұрғыдан жеткізе алады.

Сабақ түрі

Жаңа сабақ

Оқыту әдістері

Сыни тұрғыдан ойлау, диалогтік оқыту, топтық жұмыс, жұптық жұмыс, бағалау.

Ресурстар

Кітап, маркер, постер, электрондық оқулық, электрондық кітапхана, тақта, бор, кеспе қағаздары, сызбалар, суреттер, қосымша әдебиеттер, моноблок, дидактикалық материалдар.

Сабақ кезеңдері

Мұғалім әрекеті

Оқушы әрекеті

Ұйымдастыру кезеңі

Шаттық шеңбері: Әр халықтың ең қызықты амандасу дәстүрлерін көрсету арқылы, көңіл-күйлерін көтеруіне әрекет етеді.

Топқа бөлу: От. Қай кезде де, қандай жағдайда да от болып жанып, өз білімдерін насихаттай білетін жандар.

Су. Жандары жақсылықты сүйетін, көңілдері судай таза, жаңалықтарға жаны құмар оқушылар.

Күн. Жанындағыларға жылу сыйлап жарқырап жүретін сәуле шашып белсенділікпен жұмыс жасайтын топ.

Бағалау парағын тарату.

Оқушылар бір-бірімен амандасып, көңіл-күйлерін көтереді.

От, су, күн суретті қағаздар алу арқылы топқа бөлінеді.

Қызығушылықты

ояту

Ана тілің-арың бұл,

Ұятың боп тұр бетте.

Өзге тілдің бәрін біл

Өз тіліңді құрметте !

-Осы өлеңнің авторы кім ?

Сұрақтарға жауап береді;

Өз ойларымен бөліседі;

Түсініктерін айтады.

Мағынаны тану

Қызмет жолы

Қ Мырзалиев атамыздың өмірі мен шығармашылығымен танысу.

– Ендеше әр топқа ресурстар беріледі, сол ресурстарды пайдалана отырып әр топ тапсырмаларды орындайды.

1-топ. Топтастыру.

Қ. Мырзалиев кім?

2-топ. Фишбоун әдісі

Қызмет жолы

3-топ. Хронологиялық кесте (шығармаларын көрсету)

жылдар

шығармалары

Ой қозғау

«Болжау» әдісі. Қыран суретін, видео ролик көрсету:

-Оқушылар, мына құс қандай құс ?

1. Қыранға қатысты қазақта қандай кәсіп бар?

2. Қайда тіршілік етеді, немен қоректенеді?

3. Қыранға қандай құстар жатады?

Мемлекеттік рәмізіміз көк туда неліктен қыран бейнеленген деп ойлайсыздар?

Қыран- 7 қазынаның бірі. Қыранға байланысты қандай мақал-мәтел, өлең шумағын білесіздер ?

Біртуар ұлы тұлғаларды халқымыз әспеттеп, құрметтеп отырған.

«Қырандай алғыр, қырандай биікке самға» деген ақ тілекті де айтқан. Қырандай алғыр, қырандай биікке самғаған ұлы тұлғалардың бірі —

Қадыр Мырзалиев .

Ақынның «Кәрі қыран» өлеңі Жұбан Молдағалиевқа арналады. Ақынның Жұбан аға қайтыс болғанда шығарған өлеңі.

Электронды оқулықтан өлеңді тыңдау. (Оқушылар тізбек бойынша өлеңді мәнерлеп оқиды)

Сөздікпен жұмыс

• Пұшпақ – малдың, аңның сирақ терісі; • Шау бүркіт – жасаған, көпті көрген; • Зәбір – қиянат жасау, тырнағы бату; • Тәрк ету – құрбан ету.

Мәтінді талдау идеясын ашу

«Кәрі қыран» өлеңінен не түсіндік?

Ақын кәрі қыранды қалай суреттейді?

Қарт қыран қандай халге душар болды?

Неге намыстанды?

«Найзағайдай жарқылдар ғұмыры өтті» деген жолды қалай түсінесіздер?

Қыранның соңғы шешіміне не себеп болды?

«Қыранша өмір сүрген қандай бақыт, қандай бақыт қыранша өле білген» деген жыр жолдарын қалай түсінесіздер?

Оқушыларға символ туралы түсінік беріледі.

Символ – бір нәрсені не құбылысты тура суреттемей, бұларға ұқсас басқа бір нәрсеге немесе құбылысқа құпия келіп, жасыра жарыстырып, бүкпелей бейнелеу, ойды да ашық айтпай, тартымды тұспалмен түсіндіру.

Мысалы, гүл – әдеміліктің, көгершін – бейбітшіліктің, аққу – адалдықтың, махаббаттың символы.