Қанағат, рақым ойлап қой тақырыбындағы сабақ жоспары

Өзін – өзі тану сабағының жоспары

Мектеп: БҚО, Тасқала ауданы, ЖОББ Қ.Сәтбаев атындағы мектебі

Мерзімі:

Сыныбы: 10

Тақырып: Қанағат, рақым, ойлап қой! № 13-сабақ.

Құндылық: Дұрыс әрекет

Қасиеттер: жауапкершілік, қайырымдылық, сүйіспеншілік

Мұғалімі: Джусупкалиева Асия Уалиевна

Сабақтың мақсаты: жауапкершілік, қайырымдылық, сүйіспеншілік қасиеттері арқылы дұрыс әрекет құндылығының мәнін ашу

Сабақтың міндеттері:

Білімділік: Оқушылардың бойындағы жауапкершілік қасиетін ашу;

Дамытушылық: Оқушыларға адамдарды жақсы көру, қайырымды болу арқылы сүйіспеншілік қасиеттеріне үйрету;

Тәрбиелік: Оқушыларды сүйіспеншілікке үйрете отырып, дұрыс әрекетке тәрбиелеу.

Сабақтың барысы

Ресурстар

Тәртіп, талап, тыныштық, татулық, тазалық.

Ұйымдастыру кезеңі

Сәлемдесу, оқушылардың назарын сабаққа аудару, 5 жұмыс құралын түгендеу: күнделік, оқулық, жұмыс дәптері, қаламсап, қарындаш.

Тыныштық сәті.

Ыңғайланып отырыңыздар, денелеріңізді түзу ұстаңыздар. Аяғыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызға болады.

Көзіңізді жұмыңыз және бірнеше рет тыңыстаңыз. Денеңізді босатыңыз. Өзіңіздің сынып есігіне қарай беттеп, есікті ашқаңызды, дәлізбен өтіп, далаға шыққаңызды елестетіңіз. Таза ауаны жұтып, шашыңызды желбіреткен желдің лебін және бетңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оның діңінен құшақтаңыз. Оның қуаттылығын сезіңіңіз, ондағы өмір қуатын сезінуге және ұғынуға тырысыңыз. Көзіңізді жұмыңыз, терең тыныс алығыз және қоршаған айналаның жым-жырт тыныштығына көңіл бөліңіз.

Бізге қалайша жеңіл әрі тыныш және бақытты сезіну қандай керемет. Табиғат неткен ғажап, оны қалайша сүйетінімізді және қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне мектептің алдына да келдік. Айналаңызға тағы бір қараңыз,…