Қарым-қатынас мәдениеті бойынша авторлық бағдарлама, 9 сынып

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

Мукатаева Хамида Оралбековна

9-сыныптың факультативтік курсына арнап жазылған

АВТОРЛЫҚ БАҒДАРЛАМА

ӘӨЖ 159.922 КБЖ 88.50 Рецензент: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика- психологиялық қолдау кафедрасының ЖБМ тренері, аға оқытушы Ф.Б. Ғалымжанова. Авторлық бағдарлама: «Қарым-қатынас мәдениеті» // құрастырушы автор: Х.О. Мукатаева – Шығыс Қазақстан облысы Көкпекті ауданы «Көкпекті орта мектебі» КММ педагог-психологі, 2021. – 50 б.

ISBN 978-601-7091-13-2

Авторлық бағдарлама 14-15 жастағы «өтпелі кезеңді» бастан кешіріп жатқан 9-сынып оқушыларына арнап жазылған. Курс жоғары сынып оқушыларына қоғамдық ортада өзін ұстау, сөйлеу мәдениеті, қақтығыс, өз-өзін бағалау, барлық жағдайға психологиялық тұрғыдан дайын болу және «өтпелі кезеңнің» психологиялық қиындықтарымен жеңіл күресе білуге үйретуді мақсат етеді.

ӘӨЖ 159.922

КБЖ 88.50

«Инновация» Оқу-әдістемелік Орталығының 2021 жылғы 1 қарашадағы №1 хаттамасына сәйкес сараптау комиссиясының шешімімен баспаға ұсынылды. ISBN © «Инновация» баспа үйі – 2021 978-601-7091-13-2

ҚАЗАҚСТАН РЕСПУБЛИКАСЫ «ИННОВАЦИЯ» ОҚУ- ӘДІСТЕМЕЛІК ОРТАЛЫҒЫНЫҢ

БАСПАСЫНА ҰСЫНЫЛДЫ

Рецензент: «Өрлеу» біліктілікті арттыру Ұлттық орталығы Нұр-Сұлтан қаласы бойынша педагогикалық қызметкерлердің біліктілігін арттыру институты, Білім беру процесін педагогика- психологиялық қолдау кафедрасының ЖБМ тренері, аға оқытушы Ф.Б. Ғалымжанова. Құрастырушы автор: Мукатаева Хамида Оралбековна Шығыс Қазақстан облысы Көкпекті ауданы «Көкпекті орта мектебі» КММ педагог-психологі

© «Инновация» баспа үйі – 2021 жыл

ТҮСІНІК ХАТ

Білім алумен қатар өмірде мектеп оқушыларына ең қажетті дағдылардың бірі – айналамен табысты қарым- қатынас орната білу. Қарым-қатынас өнерін меңгерген адам өмірде үлкен жетістіктерге жетеді: табысты мансап, туыстарымен және достарымен қарым-қатынаста үйлесімділік, достық, берік отбасы. Осы қарым-қатынас құруды үйретуде мектеп бағдарламасында сабақтан тыс факультативтік курстар ұйымдастырылуы оқушылардың табысты болуға үйретуде, шешім қабылдауында, айналамен тез тіл табысуға бейімдеуде маңызды рөл атқарады.

«Қарым-қатынас мәдениеті» курсы 9-сынып оқушыларының жас ерекшеліктеріне сай жасалған. 14-15 жас аралығы балалардағы «өтпелі кезең» болғандықтан, оларға қарым-қатынас құру мәдениетін үйрету, өз-өзін тыңдауға, сыныптастарымен достық байланыс орнатуына, максимализммен асығыс шешімдер қабылдаудан сақтану немесе конфликтіге ұшырамау үшін өз-өзімен жұмыс жасауды үйрету маңызды фактор болып табылады. Бұл курс бағдарламасы психологиялық мәдениет, толеранттылық, өзін-өзі бағалау, рефлексия және өзін-өзі жетілдіру, мүдделерді, мотивтерді, сезімдерді және айналадағы адамдардың қажеттіліктерін түсіну сияқты жеке компоненттердің дамуына ықпал етеді. «Қарым- қатынас мәдениеті» курсын оқу басқалармен қарым- қатынас жасау қабілетін дамытуға, күнделікті және іскерлік қарым-қатынасқа ықпал етеді. Мұндай қабілет тек мектеп оқушыларына ғана емес, сондай-ақ демократиялық қоғамның әрбір азаматына қажетті сапалық қасиет болып табылады.

Курстың мақсаттары: 1. Оқушылардың гуманистік дүниетанымы мен психологиялық мәдениетін қалыптастыру.

2. Жоғары сынып оқушыларының ересек өмірге

кіруіне психологиялық дайындығын қалыптастыру. Курстың негізгі міндеттері:  мектеп оқушысына өзі туралы білім беріп, оны осы

білімді алуға үйрету;  жалпыадамзаттық құндылықтарды түсінуге және

оларға деген жеке көзқарасты дамытуға, ішкі ұстанымды дамытуға ынталандыру;  жеке қасиеттерін және өзін-өзі тану дағдыларын

қалыптастыру мен дамыту;  стандартты құралдармен (тесттер, сауалнамалар,

психологиялық тапсырмалар және т.б.) жұмыс істеудің диагностикалық дағдыларын дамытуға ықпал ету;  топпен жұмыс жасау дағдыларын дамыту. «Қарым-қатынас мәдениеті» курсының мазмұны келесі білім түрлерін игертуді мақсат етеді: қарым-қатынас ұғымы, адамның жеке басының психикалық қасиеттері; жанжал, бивербалды қарым-қатынас, тұлғааралық қатынастар, адамдардың бір-бірін қабылдауы мен түсінуінің психологиялық ерекшеліктері және т. б.

Курстың мазмұны оқытудың мынадай белсенді әдістері мен тәсілдерін қолдануға бағытталған:

 техникалық ойын (рөлдік, жылжымалы)  мидағы жарылыс  пікірталас  диалог  өзіндік есеп (диагностика)  тесттер  сауалнама  анкеталар Курс мазмұнында оқушылардың келесі қызмет түрлері ұсынылған: