Қазақ әліпбиін латын қарпіне көшіру туралы сыныптан тыс жұмыс

Қазақстан Республикасының «Тілдерді қолдану мен дамытудың 2011-2020 жылдарға арналған мемлекеттік бағдарламасын» Арқалық қаласы бойынша жүзеге асыру:

«Қазақстан Республикасының Тіл туралы Заңы» мен тіл саясатына қатысты нормативті-құқықтық актілерді орындау мақсатында Арқалық қаласында нақты жұмыстар атқарылуда. «Арқалық қаласы әкімдігінің қалалық тілдерді оқыту орталығы» коммуналдық мемлекеттік мекемесінің негізгі мақсаттарының бірі –мемлекеттік қызметкерлер мен түрлі санаттағы азаматтарға мемлекеттік тілді оқытуды ұйымдастыру болып табылады. Бүгінгі таңда Арқалық қаласында мемлекеттік қызметкерлер мен түрлі санаттағы азаматтарға мемлекеттік тілді оқытуда.

Сондай-ақ «Қазақ әліпбиін латын графикасына көшіру» арнайы жобасының аясында жұмыс жасайды.

2018 жылы «Қазақ әліпбиін латын графикасына көшіру» арнайы жобасының аясында 242 іс-шара өтіп, оған 5894 адам қатысты (2017 жылы – 105, 4009 адам).

2018 жылы өткізілген мемлекеттік тілі насихаттауға бағытталған қалалық іс-шаралар төмендегідей: «Текті сөздің төресі - терме», «Тіл-парасат», «Тілдарын», «Абай атындағы көркемсөз оқу шеберлері» байқауы, «Тіл – рухани қазына: Астананың күнделігі», «Мемлекеттік тіл – мемлекеттік қызметте»,«Латын әліпбиі: Жаңғыру – жазудан басталады» жастар форумы, қазақ, ағылшын тілдері курсының тыңдаушылары арасында өткен ашық сабақтар: « Тілім менің – бабалардан аманат» «Тіл – тұғырлы темірқазық» , «Ұлағатты ұлы ұстаз», “English is an international language of the world”, «Welcome to Great Britain» және қала оқу орындарында білім алатын этнос жастары арасында «Мен қазақша сөйлеймін» акциясы.

«Қазақ әліпбиін латын графикасына көшіру» арнайы жобасының аясында Қостанай облысы әкімдігінің «Тілдерді дамыту басқармасы» мемлекеттік мекемесінің бөлім басшысы К.Бимағанбетовтың қатысуымен «Латын әліпбиі: жаңғыру жазудан басталады» атты дөңгелек үстел өтті.

Сондай-ақ қаламызда визуалды ақпараттар мен жарнамаларды дұрыс безендіру бойынша жұмыстар жүргізілуде. «Таза елді-мекенге – таза жарнама» акциясының аясында 19 нысан қаралды. Барлық кәсіпкерлерге «Қазақстан Республикасының Тіл туралы Заңының» 21 бабын түсіндіру бойынша жадынамалар таратылды.

Мемлекеттік тілдің коммуникативті қызметін арттыру және тұрғындарға мемлекеттік тілді меңгерту мақсатында жергілікті «Арқа дидары» телеарнасында әр сенбі сайын «Тілашар» телесабағы, әр дүйсенбіде «Қазақша үйренейік» телебағдарламасы жұмс жасайды.