Қазақ ою-өрнегін ою әдістеріне сабақ жоспары

Үйірме атауы: Өнер.

Сынып-7

Сабақтың тақырыбы: Қазақ ою - өрнегін ою әдістеріСабақтың мақсаты: Оқушыларды ұлттық ою - өрнектер элементтерімен таныстыру, ою - өрнек ою шеберлігін дамыту, эстетикалық ұқыптылыққа үйрету.Білімділік: Халқымыздың ұлттық ою - өрнек түрлеріне сипаттама беру.Дамытушылық: Ойлауды, танымдық шеберліктерін дамыту.Тәрбиелік: Жеке жұмыс жасай білуге дағдыландыру, көркемдік талғам мен икемділікті қалыптастыру және ою - өрнек жасау арқылы халқымыздың өнерін құрметтеуге тәрбиелеу. Керекті құралдар: түрлі – түсті қағаздар, қаламдар, өшіргіш, желім, қайшы. Сабақтың көрнекілігі: Ою - өрнек үлгілерінің түрлері мен сызба нұсқалары, Сабақтың түрі: Дәстүрлі сабақ.Сабақтың типі: Аралас сабақ.Сабақтың әдісі: Түсіндіру, сұрақ - жауап, сарамандық жұмыс.Пәнаралық байланыс: Тарих, бейнелеу өнері. Сабақтың негізгі бөлімдері: - теориялық; - сарамандық; - қорытындылау.Сабақтың барысы:І. Ұйымдастыру кезеңі.- Оқушылармен амандасып сабаққа қатысуларын тексеру; - сабаққа арналған материал мен құрал – жабдықтарды тексеру, техника қауіпсіздігін айтып өту. II. Теориялық бөлім:Ою - өрнек туралы қысқаша мағлұмат. Қазақ халқының қолөнерінің сала – саласында кең қолданылып келген, өнердің өте көне, әрі күрделі түрі – ою

Сынып-7

Үйірме атауы: «Өнер»

Сабақтың тақырыбы:

Қазақтың әсемдік ою үлгілерінен өрнек композициясын жасау.

Сабақ мақсаты: балалардың, қазақтың дәстүрлі ою-өрнектерінің пішін сүлулығы, құрылымдық элементтерінің ырғақтығы, өрнектер композициясын жасау ерекшелігі, фондық жазықтық пен оюлар түстерінің үйлесімді бірлігі туралы танымы мен талғамын қалып-тастыру.

Сабақта оқушылар меңгеруі тиіс оқу міндеттері:

ою пішініндегі элементтердің пропорциялық, ырғақтық және түстік үйлесімі арасындағы тұтастық туралы түсініктерді дамыту;

өрнектер композициясын құрастыруда оюларды өзара мәндік, ырғақтық жүйеде орналастырудың көркемдік маңызын меңгеру;

жапсыру (аппликациялық) жұмысының тәсілдерін, орындау сатыларын игеру машықтарын дамыту.

Сабақ мазмұнымен байланысты атаулар мен терминдер: құрылымдық элементтер, пропорция және ырғақтық, фон жазықтығы, дәстүрлі оюлар.

Сабаққа керекті құралдар: Оқушылар үшін — түрлі-түсті орташа көлемдегі: картон немесе қатты қағаз, қарындаш, қайшы, желім.

Мұғалім үшін: «Қошқар мүйіз», «Құс қанат», «Түйе табан», «Түйе мойын» оюларының үлгісі; өсімдік тектес оюлар үлгісі. Бір немесе бірнеше түсті қағазды қабаттап бүктеу және қию арқылы симметриялы ою үлгісін шығарып алу әдісін көрсететін көрнекі құралдар.

Сабақтың құрылым жоспары :

ұйымдастыру:

сабақ мазмұны бойынша қайталау: 5минут;

жаңа сабақты түсіндіру және оқушылардың өзіндік бейнелеу жұмыстары:

сабақтың өтуі: 30 минут;