Қазақ тілі 6 сынып Египет пирамидалары.

Қысқа мерзімді жоспар

Ұзақ мерзімді жоспардың

тарауы: 3-бөлім

Әлемнің жеті кереметі

Күні:

Мұғалімнің аты-жөні: Биғалиева Рахима Мухаметжановна.

Сынып: 6

Қазақ тілі

Қатысқандар:

Қатыспағандар:

Сабақтың тақырыбы:

Египет пирамидалары.

Осы сабақта қол жеткізілетін оқу мақсаттары (оқу бағдарламасына сілтеме)

6.Т/А.5. Тыңдалған мәтін мазмұны бойынша жалпы және нақты сұрақтарға жауап беру, мәтіндегі ақпаратты шынайы өмірмен байланыстыру.

6.О.1. Мәтіннен негізгі және қосымша, детальді ақпаратты анықтау, түсіндіру.

6.Ж.4.Эссе тақырыбынан ауытқымай, абзац түрлерін жүйелі құрастырып, көтерілген мәселе бойынша келісу-келіспеу

себептерін айқын көрсетіп жазу («келісу, келіспеу» эссесі).

Сабақтың мақсаты

Барлық оқушылар орындай алады:

«Египет пирамидалары» мәтінінің мазмұнын түсінеді, негізгі ақпаратты анықтайды, сұрақтарға жауап береді.

Тақырып негізінде абзац түрлерін жүйелі құрастырады, көтерілген мәселе бойынша өз ойын білдіреді.

Оқушылардың көпшілігі орындай алады:

Мәтін бойынша сұрақтар құрастырады, нақты сұрақтарға жауап береді, мәтіннен қосымша, детальді ақпаратты анықтап, тұжырымдама жасайды.

Мәтіндегі көтерілген мәселе бойынша келісу –келіспеу себептерін айқындайды.

Кейбір оқушылар орындай алады:

Мәтіндегі ақпаратты шынайы өмірмен байланыстырады, кіріспе, негізгі және қорытынды бөлігін сақтай отырып келісу-келіспеу эссесін жазады.

Бағалау критерийлері

Мәтін мазмұнын түсінеді, сұрақ қою арқылы ақпараттарды анықтайды.

Мәтіндегі ақпаратты шынайы өмірмен байланыстырады

Тақырыптан ауытқымай, қойылған талаптарды ескере отырып, «келісу, келіспеу» эссесін жазады.

Тілдік мақсаттар

Оқушылар орындай алады:

Мәтін мазмұнымен танысады, ақпараттарды анықтайды. Ақпараттарды саралай отырып, ойларын тұашық сұрақтарға жауап береді.

Негізгі ойды шынайы өмірмен байланыстырады талаптарға сай эссе жазады.

Пәнге қатысты сөздік қор мен терминдер: перғауын, абыз, шонжар, шабарман, пирамида, саркефаг, әктас, пергамент, Джосер, Хеопс, мастаба, нармер тақтасы, мастаба.

Диалогтер мен жазу үшін қолданылатын тіркестер:

Хеопс пирамидалары,тасқа қашалған, сәулет өнері, жеті керемет.

Мәтін құруға арналған пайдалы тіркестер: жеті ғажайып, билеуші-перғауындар, зәулім ескерткіш, египет пирамидалары, қымбат тастармен безендірген, мыңдаған құлдардың зорығып,

Шырпының қабына ұқсатып, ғалымдардың болжауынша,

іргесі қаланған, Джосердің замандасы, Имхотеп пирамидасы.

Талқылауға арналған сұрақтар:

- Пирамида деген не?

- Пирамидалар қайда орналасқан?

- Оларды кімдер салдырған?

- Не мақсатпен салдырған?

- Не себепті жеті кереметтің бірі деп аталған?

Құндылықтарға баулу

3- құндылық. «Зайырлы қоғам және жоғарғы руханият» құндылығы негізінде қазақтың еркін ойлы, рухы мықты, білімді, дені сау, шығармашыл ұрпағын тәрбиелеу.

Пәнаралық байланыс

Дүние жүзі тарихы, география, қазақ әдебиеті

Тақырып бойынша алдыңғы білім

Әлемнің 7 кереметі, пирамидалар туралы жалпы мағлұматы бар. Эссе жазуды біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

(5 мин)

2 мин

1 мин

Ұйымдастыру кезеңі.

Психологиялық ахуал

«Көңілді туристер» (досымен сәлемдесу, әлем кереметтерін көрген сәттегі және көргені туралы баяндап жатқан сәттегі эмоцияларын ым-ишарамен білдіреді).

Топқа бөлу: «Перғауын. Абыз. Шонжар. Шабарман» әдісі бойынша 4 оқушыдан (үлестірме парақшалардың бетіне жазылған «Перғауын. Абыз. Шонжар. Шабарман» сөздері бойынша) 3 топқа бірігеді.

Үй тапсырмасын сұрау:

1-тапсырма «7 мастаба» әдісі

7 кереметті атап жаз. Әрқайсына қысқаша түсінік бер.

Дескриптор:

- пирамиданың 7 мастабасына әлемнің 7 кереметін жинақтап жазады;

- қысқаша түсінік береді.

Қ.Б. «Күн» тәсілімен бағаланады. Мұғалімнің бағалауы (эмоционалды аспект)

Миға шабуыл:

Сабақтың тақырыбын болжау, сұрақ қою:

Өздерің толтырған кесте ненің сұлбасы?

Осы пирамидамен және өтілген тақырыппен байланысты қандай ой туындайды?

Болжалды жауап: Египет пирамидалары

Сабақтың ортасы

30 минут

1) 8 минут

6 минут

8 минут

Сабақтың

соңы

5 мин

2 мин

1 мин

2 мин

2-тапсырма: Ж.Ж\Т.Ж.

А) «Папирус тапсырмалары» әдісі (рөлге бөліп оқиды, параққа тапсырма орындайды) «Египет пирамидасы» мәтінін жұппен рөлге бөліп оқы, топпен талқыла, 2 сұрақ дайында.

Египет пирамидалары

Дүниежүзілік мәдени дамуға үлес болып қосылатын ғажайыптарды Азия құрлығындағы жұрт та аз тудырған жоқ. Олардың мәдениеті көне және әр алуан. Бұл өз алдына жеке әңгіме.

Әуелі әлемдегі жеті ғажайып туалы айтшы, - деп өтінді Мықыр. Біліп тұрғанымды аяйын ба, бұлданғаным жоқ.

Бірінші, Египет пирамидасынан бастайық.

Оны білемін, айтпай-ақ қой, - деді ол.

Қане, білсең, айтшы, - дедім, сынағым келіп.

Бес мың жыл бұрын салынған. Дүние жүзіндегі ең әйгілі зәулім, биік құрылыстың бірі. Египеттің билеуші перғауындары өлген соң, өз денелерін сонда қойдырған.

Неге?- деймін мен.

Олар өздерін Құдайдың баласымын деп санаған да. Халық алдында өз беделін көтеріп, абыройын асыру үшін, атын шығару үшін өздеріне осындай алып, зәулім ескерткіш орнаттырған. Тағы бір себебі бар,- деп ол ойланып қалды.

Қандай?

Олар өлгеннен кейін, адам о дүниеге барады. Онда да жарық дүниедегідей тіршілік етеді деп түсінген. Сондықтан да олардың денесін алтындатып, күмістетіп, қымбат тастармен безендірген. Осы байлықты тірі жандар ұрлап кетпес үшін, пирамиданың ішкі құрылысын жұмбақ етіп, қиындадып салған да, саркефагын дәл ортасына ең терең жеріне тыққан. Соның бірі Хуфу, екіншісі Джосер пирамидалары.

Содан кейін Мықыр әлгі пирамидалардың әрқайсысы екі тоннадан асатын, екі миллион үш жүз мың төрт бұрышты известняк тастан қаланғанын, әуелде оның биіктігі 147 метр болғанын, төбесі күйреп, қазірде аласарып,137 метрге түскенін айтты. Ешқандай механизм қолданбай, жүз мың құл жиырма жыл бойы осы құрылысты салғанын да есіне алды. Перғауынның атын шығару үшін күн айналып жерге түсетін ыстықты қаншама мыңдаған құлдардың зорығып, мұрындарынан қан кетіп, өмірлері үзілген айтты. Ніл дариясының ар жағындағы таудан қашалған тастарды далаға жеткізу де оңайға түспеген ғой.

- Оның идеясын кім берді, салдырған кім?

- Оны білмеймін, - деп Мықыр шынын айтты.

- Айтып отырғаның, негізінен дұрыс, - дедім мен, жасаған кім? Оған дейінгі дәстүрлері қандай болып еді?-деймін.

-Білмеймін.

- Ендеше, тыңда,-деймін мен. – Оған дейін египеттіктер тастан құрылыс салмаған. Шырпының қабына ұқсатып шикі, күйген кесектен не ағаштан үй жасауды ғана білген екен. Пирамида салу идеясы, ғалымдардың болжауынша, аса дарынды Имхотептен шықса керек. Ол – үшінші әулеттің негізін салушы перғауын Джосердің замандасы. Джосер көзінің тірісінде пирамида салдырған, бірақ оның іргесі қаланған жердің асты жұмсақ болғандықтан, Имхотеп пирамиданы екінші жерден бастайды.

Мырзабек Дүйсенов.

Дескриптор:

- мәтінді түсініп, рөлге бөліп оқиды;

- топ ішінде 2 сұрақ дайындайды;

- «перғауын» рөліндегі оқушы папирусқа (параққа) сауал жазады;

- «шабарман» рөліндегі оқушы «абызға» хатты береді;