Қазақ тілі әлеміне саяхат ашық сабағы

Шағын орталық тобының ұйымдастырылған оқу қызметінің конспектісі

Өткізу күні: 23.10.2018 ж

Тәрбиеші: Сеилова А.А

Білім беру саласы: Комунникация

Пән: Сауат ашу

Өтпелі тақырып: «Алтын күз»

Топ: ересек топ

Тақырып: Қазақ тілі әлеміне саяхат

Мақсаттары:

Тәрбиелік: . Сауат ашуда сөздік қорларын байлығын байқау. Ана тілін сүюге тәрбиелеу.

Дамытушылық: Балалардың жыл бойы алған білімдерінің сапасына көз жеткізу

Оқыту: Балалардың сөйлем, сөз , буын, дыбыс туралы түсініктерін бекіту. Алма сөзін оқу, қанша дыбыстан құралғанын ажырату, талдау. Балалардың ой-өрісін, сөздік қорын, тіл байлығын дамыту, сөйлем құрастыруға дағдыландыру.

Педогогикалық технологиялар: сұрақ-жауап, түсіндіру, әңгіме құрастыру , СТО технологиясы

Ресурстармен қамтамасыз ету: сурет-схема, указка, қызыл, көк, қара текшелер

Билингвалдық компонент: алма-яблока, дыбыс- звук, буын-слог, бақа-лягушка,

Ұйымдастырылған оқу қызметінің барысы:

Ұйымдастырушылық кезеңі:

Шаттық шеңбері:

Балаларды шеңбер бойына тұрып төмендегі өлең жолдарын қайталап, қимылдар жасайды.

Сәлеметсіздерме қонақтар!

Здравствуйте!

Армысың, шапағатты күніміз,

Армысың, мейірімді жеріміз,

Армысың, табиғат анамыз.

Әдеппен бас иер баламыз.

Қазір балалар ойын ойнаймыз, қай дыбысты айтсам сол дыбыстан басталатын балалар орындарына отырады. (А, Д, Ж, Н)

Балалар шеңбер бойына тұрып, төмендегі өлең жолдарын айтып, қимылдар жасап отырады.

Негізгі бөлім:

Балалар бүгін бізде ерекше күн.

Біздің тобымызға көптеген қонақтар келіпті.

Балалар бүгін ерекше күн болғандықтан, сабағымызда ерекше болмақ.

Осы кезде топқа бақа кіріп келеді. (бақаның бақылдаған дауысы естіледі). Балалармен амандасады.-Көмектесіңдер, көмектесіңдер мен сұлу ханшайым едім, мені мыстан әжей сиқырлап бақаға айналдырып қойды. Мені қайтадан ханшайымға айналдыру үшін мыстан әжейдің берген тапсырмаларын орындауым керек. Тапсырмалары мына себеттің ішінде.

-Ал, балалар бақаға көмектесеміз бе?

-Олай болса мыстан әжейдің хаттағы

1-ші тапсырмасын орындайық.

-Балалар, біз бір-бірімізге ойымызды, пікірімізді білдіргіміз келсе не арқылы жеткіземіз?

-Сөйлем неден тұрады?

Бақа сөзімен сөйлемдер құрап, неше сөзден тұратынын айту.

-Сөйлем не үшін қажет? (біреу туралы, бір нәрсе туралы айту үшін қажет)

-Сөз неден құралады?

-Дыбыс деген не? (дыбысты естиміз, айтамыз)

-Дыбыстар нешеге бөлінеді?

Дауысты дыбысты қызыл текшемен,

Дауыссыз дыбысты көк текшемен белгілейміз.

Дауысты дыбыс созылып, әндетіп айтамыз.

Дауыссыз дыбыс кедергіге ұшырайды. (тіс, тіл, ерін)