Қазақ тілі сабақтарына арналған белсенді оқыту стратегиялары

Белсенді оқыту стратегиялары

Сабақ құрылымы

«Ой тастау »

«Мазмұнды түсіну»

«Рефлексия»

жаңа ақпаратпен танысуға қызығушылықты ояту ;

алдыңғы білімдерін еске түсіру және қолдану;

оқушының өз оқу мақсаттарын анықтауы

жаңа ақпарат алу ;

- оқушының оқу мақсаттарын түзетуі

ойлану , жаңа білімнің пайда болуы ;

- оқушының жаңа оқу мақсаттарын қоюы ( перспективада )

1. Түйінді сөздер

Мұғалім жаңа тақырыпты түсіндіру алдында 4-5 түйінді сөздерді тақтаға жазады. Оқушылар миға шабуыл әдісімен 5 минутта сөздердің түсініктемесін беруі керек.

Жаңа тақырыппен танысқан соң дұрыс жауаптарды өз жауаптарымен салыстырады.

2. Шатастырылған логикалық тіркестер

Тақтаға түйінді сөздер әдейі шатастырылған ретпен жазылады. Тақырыппен танысқан соң оқушылар рефлексия кезеңінде түйінді сөздерді ретімен дұрыс орналастыруы қажет. Бұл әдіс зейін мен логикалық ойлауды дамытады.

3. Мозаика

Оқушылар топтарға бөлінеді. Оларға тақырып мәтіні әрқайсысына бөлініп беріледі. 15 минут ішінде оқушылар өз бөлігін оқып танысады , өзара талқылайды. Оқушының әрқайсысына белігілі сандар немесе әріптер беріледі. Сосын олар өз саны немесе әрпі бойынша жаңа топқа ауысады және онда өзінің ақпаратымен бөліседі. Бұл әдістің құндылығы – оқушылар бірі-бірін үйретеді, ал ақпаратты қайталау оның жақсы меңгерілуіне ықпал етеді.

4. Ақылдың алты қалпағы

Ақ қалпақ – сабақ мазмұнын сипаттайды.

Сары қалпақ – сабақтың ең ұнаған сәттерін айтады.

Қара қалпақ – сабақтың сәтсіз жақтарын және оларды қалай жақсартуға болатынын айтады.

Көк қалпақ – сабақтың талдауы: Біз не үйрендік? Қандай жетістікке жеттік? Ары қарай не істейміз?

Жасыл қалпақ – арманшылдар, қиялшылдар қалпағы.

Қызыл қалпақ – бұл сіздің сабақ бойындағы көңіл-күйіңіз, эмоцияларыңыз.

5. «Жуан» және « жіңішке » сұрақтар

Оқушылар сұрақтарды өздері құрастырады. “Жіңішке” сұраққа қарапайым сұрақтар жатады: Кім? Не? Қашан? Дұрыс па? Қайда?, т.с.с. “Жуан” сұрақтарға салыстыруды, талдауды, жинақтауды, бағалауды қажет ететін сұрақтар жатады: Түсіндір, неге олай деп ойлайсың? Айырмашылығы неде? Неге ұқсас келеді?, т.с.с. Сұрақтарды кестеге рәсімдеуге болады. Бұл әдіс оқушыларға сұрақтарды сауатты қоюға және олардың күрделілік деңгейін түсінуге үйретеді.

6. Шеңбер бойынша жазу