Қазақ тілін оқытудағы витагендік технология материалы

«Витагендік технологияны» сабақта қолдану арқылы оқушылардың тіл білімдерін жетілдіру және тілге деген қызығушылығын ояту.

Байбашкарова Нұрсұлу Сапарбековна , қазақ тілі пәнінің мұғалімі ,

№ 2 Аршалы орта мектебі, Аршалы ауданы, Ақмола облысы

Тақырыптың өзектілігі : бұл жұмыс оқушылардың интеллектуалдық-

психологиялық мүмкіндігін кеңейтуге, оны өмірлік дағдыларға ұластыруға,

қазақ тілін сапалы оқытуға, оқушылардың танымын кеңейтіп, ой өрісін

нығайтуға, өз сөзін дәлелді жеткізуге дағдыландыруды көздеп, қызығушы-

лығын сан қырлы алмастыруға мүмкіндік береді.

Витаген сөзі - Vita латынша өмір деген мағынасын білдірсе, gen гректің тәжірибе деген сөзінен шыққан.

Витагендік технологияның алғашқы ашушы академик, педагогика ғылымдарының докторы, А.С.Белкин: «Витагендік оқыту дегеніміз – мұғалім мен оқушының бірлескен іс-әрекетінің белгілі бір мақсатқа бағытталуы, сабақ үдерісінің оқушының жинақтаған тәжірибесі арқылы ұйымдастырылуы, оқушылардың ұжымдық тәжірибелерінің жүзеге асуы. Витагендік оқытуды ұйымдастыру сабақ жүйесі мен технологиясын өзгертуге мүмкіндік береді. Сондай-ақ мұғалімнің оқушыларға берілетін материалдағы витагендік ақпараттан хабардар болуы тиіс. Ең бастысы, витагендік оқыту оқушылардың тәжірибелерін белсендірумен қатар, жинақтаған өмірлік тәжірибелерін жүзеге асыратын витагендік мүмкіндіктерін қалыптастырады» – дейді [2, 25 б.].

Бір сөзбен айтқанда бұл технология оқушылардың білімдерін шынайы өмірде қолдануға, және сабақты шынайы өмір тәжірибиесімен ұштастыра салыстыра өткізу арқылы оқушылардың өмірге деген көзқарасын қалыптастыруға көмектеседі. Бұл менің өзімнің ойлап тапқан технологиям болмағанмен, сабақтарымда кеңінен қолданатын технологияларымның бірі.Осы технологияны қолдану арқылы оқушыларымның сабаққа деген қызығушылығының жоғарылағанын байқадым.

Мақсаты:

Витагендік технология негізінде сабаққа өзім дайындаған материалдарды енгізіп оқыту.

Міндеттері:

Теориялық дереккөздерді оқып білу.

Өз тәжірибиемде витагендік технология негізінде сабаққа материалдар дайындап оны қолдану.

Білім сапасын көтеруге және орта ,жоғары буын оқушыларының витагендік бағытта ой өрісін кеңейтуге бағытталатын тапсырмалар мен жаттығуларды қолданып байқау.

Ұстаздар сабағын қазықты және оқушыларға тиімді өткізу мақсатында әрдайым ізденісте болады, көптеген технологиялар мен әдіс тәсілдер қолданады, бағдарламалармен танысып оны іс жүзінде жүзеге асырады.

«Сен де бір кірпіш дүниеге, кетігін тап та бар қалан» деп данышпан Абай айтқандай осы жұмыстардың бәрі оқушыларымыздың мына әр қилы және іліктес әлемде өз орындарын таба білуіне көмегіміз екенін естен шығармағанымыз жөн; басқа адамдардың құқығы мен бостандығын құрметтеуге үйрету, әр баланың қабілеті мен даралық дамуын қамтамасыздандыру мақсатында.

Елбасы Нұрсұлтан Назарбаев « XXI ғасырда білімін дамыта алмаған ел алға баспайды» деген болатын .

Міне, сондықтан сабаққа дайындалу –үйлесімді тәсіл мен тәлім тәрбие пішіндерін таңдауды талап ететін шығармашылық үдеріс.

XXI -ғасыр мұғаліміне қойылатын талаптар зор. Мұғалім өзіндік жеке көзқарасы бар, соны қорғай білетін, жігерлі тұлға зерттеушілік, ойшылдық қасиеті бар маман, білімді де білікті көп оқитын, көп білетін, білімін күнделікті ісіне шебер қолдана алатын оқушының өз бетінше білім алуына үйрете алатын болуы керек. Қазіргі мұғалімде ұйымдастырушылық, құрылымдылық, бейімділік, сараптамалық қабілеттері болуы тиіс. Ол сонымен бірге ұлттық құндылықтарды яғни этнопедагогика, этнопсихология негіздерін меңгерген, ғаламдасуға байланысты «Интернет» жүйесін меңгерген, әлемдік білімге сай, мәдениеті жоғары жеке тұлға тәрбиелей алатын ұстаз болу керек. XXI -ғасыр ақпараттық-қоғам дәуірі, технологиялық мәдениет дәуірі, айналадағы дүниеге, адамның денсаулығына байланысты, кәсіби мәдениеттілігіне мұқият қарайтын дәуір. Мұғалім - қоғам айнасы. Бүгінгі мұғалім кім ? Бүгінгі мұғалім –ана, бала бағбаны, қоғам қайраткері, оқытушы, ұстаз, оқулық авторы, технолог, жаңалықты дәріптеуші, таратушы. Педагогикалық еңбекті ұйымдастырудың моделін жасау –қоғамдық-экономикалық сферадағы өзгерістерге сай шығармашылық жаңашылдық білім беру жолдарын талап етеді. Сондықтан мектептерде мұғалімнің кәсіби шеберлігі, мәдениеті,

Өзімнің тәжірибиелік қызметімде жаңа заманауи біліми технологиялардың элементтерін қолданамын және оларды әр сабақта ой елегінен өткізіп, оқушылардың білім деңгейін, сабақ тақырыптарының ерекшешіктерін ескере отырып қолданысқа енгіземін, өз біліктілігімді әр қилы курстарда оқу арқылы жоғарылатып отырамын. Оқыту нәтижесі қолданылатын әдіс тәсілдерді жетік игере білуге байланысты деп ойлаймын.

Сабақта оқушыларға еркіндік бергенді ерекше бағалаймын, витагендік технологияны қолданғанда, СТО, рөлдік ойындар, кейс – технологиясы, Шаталовтың трек сызбаларын, АКТ т.б.технологиялар элементтерін кеңінен қолданамын.

Негізінен ұстаздардың сөзге шебер көп сөйлейтіні көпке мәлім, дегенмен кембридж әдісімен оқыту жеті модулін оқып білгеннен бері сабақтағы өз рөлімді қайта қарап сараптадым. Оқушыларымыздың сөзге шорқақ, ұялшақтығын жою жолындағы ізденісімде витагендік технологияға тоқталдым, оқушылардың аз да болса өз ойларын айта бастағанда қуанышымда шек болған жоқ. Өмір бір жерде тұрмайды, кейінірек сабақ беру әдісі өзгерер, ал қазіргі витагендік технология маған өте ұнайды.

Оқушыларға да ұнайды.

Қазақ тілін меңгертуде витагендік оқыту технологиясының мынадай

артықшылықтары бар:

 біріншіден, оқушылар тілді үйренудің өзі үшін қаншалықты маңызды екенін саналы түсінеді;

 екіншіден, әр түрлі сипаттағы мәтіндермен жұмыс жасау арқылы ақпараттарды игеру дағдылары дұрыс қалыптасады;

 үшіншіден, витагендік технологияның әсерінен оқушылардың тілді үйренуге деген танымдық қызығушылығы артады.

Яғни, мемлекеттік тілді үйрету негізінде оқушылардың қатысымдық

құзіреттілігін қалыптастыру витагендік тәжірибе құндылықтарымен тығыз

сабақтасып отырады.

Осы салаға тікелей қатысты бар толығырақ мәліметті Әлібаева М .С.

«Кәсіби қазақ тілін витагендік технология арқылы оқыту әдістемесі

(экономика мамандығы бойынша)» атты 2010