Қазақстан өзендері туралы ашық сабақ жоспары, 8 сынып

Сынып: 8 «А»

Сабақтың тақырыбы:Қазақстанның өзендері.

Сабақтың мақсаты:Қазақстандағы өзендермен танысу, маңыздылығын түсіну, алған білімдерін өмірде қолдана білу.

Білімділігі:Қазақстанның өзендерінің ірі алаптары,өзен жүйесінің ерекшелігі, қоректену режимі мен жылдық ағыны туралы оқушыларда түсінік қалыптастыру, жер бедері,тау жыныстары мен өзен ағысы сипаты- ның байланысын түсіндіру,өзендердің суға молығуы және өзенге сипаттама беру тәсілін меңгеру.

2.Дамытушылығы: Оқушылардың шығармашылық қабілетін дамыту үшін ойын элементтерін қолдану, картамен жұмыс істеу дағдысын жетілдіру.

3.Тәрбиелілігі:ынтымақтыққа тәрбиелеу, ізденімпаздыққа баулу,өзендерді қорғауға,оның қажеттілігін түсіне білуге үйрету.

Күтілетін нәтиже: Қазақстандағы өзендермен танысады; Маңыздылығын түсінеді; Алған білімдерін өмірде қолдана алады; Картаны пайдалана отырып, өзендердің географиялық орнын көрсете алады, салыстырады, топпен жұмыс істейді

Құрал-жабдықтар, көрнекі құралдар:Қазақстанның физикалық картасы, интерактивті тақта, карточкалар, атлас

Сабақ түрі: Аралас сабақ.

Әдіс-тәсілдер: жаңа сабақты көрнекіліктерді қолдану арқылы түсіндіру, баяндау,картамен жұмыс, сұрақ-жауап, миға шабуыл стратегиясы,

Сабақ барысы:

І. Ұйымдастыру кезеңі: (сәлемдесу, сынып тазалығын және оқушылардың сабаққа қатысын,дайындығын тексеру. Оқушылардың назарын сабаққа аудару)

Оқушыларды Каспий,Арал теңіздері мен Балқаш-Алакөл алабтарының өзендері бойынша топқа бөлу.

ІІ. Жаңа сабақты түсіндіру кезеңі:

(Сұрақтар арқылы жаңа сабақтың тақырыбын ашу)

1.Су қабығы?(Гидросфера)

2.Физикалық картадан гидросфераның қандай бөліктерін көруге болады?(Мұхит,өзен,теңіз,көл және мұздықтар)

3.Мұхит суының негізгі қасиеттері қандай?(түздылығы мен температурасы)

4.Суды құрамына қарай нешеге бөлеміз?(Ащы және тұщы)

5.Халықты тұщы сумен қамтамасыз ететін дүниежүзілік мұхиттың негізгі бөлігі? (Өзендер)

Қазақстан аумағында ірілі –ұсақты 85 мың өзен бар.Олардың ішінде 7 өзеннің (Ертіс,Тобыл,Есіл,Жайық,Сырдария,Іле,Шу) ұзындығы 1000 км-ден асады.

Республиканың барлық өзендері Солтүстік мұзды мұхит және ішкі тұйық көлдер алаптарына құяды.Екі алап арасындағы суайрық Сауыр-Тарбағатай тау жүйесінің қырқасы мен Сарыарқа,Торғай үстірті арқылы өтіп,Оңтүстік Оралға тіреледі.

Өзендердің ерекшеліктерін бөліп көрсету.

Миға шабуыл стратегиясы бойынша тапсырма

1-топ Суды пайдалану

2-топ Су көздерінің ластануы

3-топ Суды қорғау

«Керісінше ойлау» стратегиясы

1-топ. Егер су болмаса нендей жағдай болар еді?

2-топ. Егер дүниежүзілік мұхит сулары тұщы суға айналса қандай жағдай болар еді?

3-топ. Егер ертіс өзені ағуын тоқтатса өңірімізде нендей жағдай болар еді?

Географиялық есептер

1. топ. Тұздылығы 0,2 промилле, 1 тонна өзен суынан қанша

тұз алуға болады?

2-топ . Егер тұздылығы 18 промилле болса, Каспий теңізінің 1 тонна суынан әртүрлі заттардың неше грамын алуға болады?

3. топ. Арал теңізінің ауданында жауын-шашынның жылдық

мөлшері 150 мм шамасында, ал булану мөлшері 1000 мм. Ылғалдану коэффициентін анықтаңыз.