Қазақстан Республикасының жол ережесі ҚМЖ 5 сынып

САБАҚ: қазақ тілі

Мектеп: № 19 ЖОББМ

Күні:

Мұғалімнің аты-жөні: Нұрғали Гүлжазира Ергенбайқызы

СЫНЫП: 5 в,г

Қатысқандар: 24 оқушы

Қатыспағандар: жоқ

Ұзақ мерзімді жоспардың тарауы

Көлік және жол белгілері

Сабақтың тақырыбы:

ҚР-ғы жолда жүру ережесі

Осы сабақта қол жеткізілетін оқу мақсаттары

5.ӘТН4.4. Сан есімнің мағыналық түрлерін ажырата білу, сан есімді зат есім орнына қолдана білу.

Сабақ мақсаттары

Барлық оқушылар орындай алады:

Мәтінді түсініп оқып, сан есімдерді таба алады.

Оқушылардың көпшілігі орындай алады:

Сан есімнің мағыналық түрлерін ажырата алады.

Кейбір оқушылар орындай алады:

Сан есімді зат есімнің орнына қолданып,сөйлем жаза алады.

Бағалау критерийі

Зат есім мен сан есімдерді ажырата алады;

Сөйлем құрауда сан есімдерді орынды қолдана алады.

Тілдік мақсат

Пəнге қатысты сөздік қор мен терминдер: стандарт, шартты белгілер

Талқылауға арналған сұрақтар: Жолда жүру ережесін білудің маңызы неде?

Не себепті …. деп ойлайсыз?

Құндылықтарға баулу

Өмір бойы білім алу: адами құндылықтарды бағалай білу

Ынтымақтастық: бір-бір қолдау, түсіну

Пәнаралық байланыс

Бейнелеу өнері, технология, информатика

Алдыңғы оқу:

Тіркемелі трактор

Жоспар

Уақыты

Жоспарланған жаттығу түрлері

Ресурстар

Басы

3 минут

Қызығушылықты ояту: Білу. Не білеміз? 1.Оқушылармен амандасу, түгендеу.

2.Ширату жаттығуы. «Суағар» ойыны

Жүру барысы:

Оқушылар қолдарына бір – бірден ақ қағаз ұстап шығады. Содан суағар жасайды. Сол суағардан теннис шаригін жоғарыдан жібереміз. Қай жерден су ағып кетеді, сол суды ағызып алған оқушыға сұрақ қояды.

4.Сыныпты топқа бөлу.

«Құпия сөздер» әдісі арқылы үш топқа бөлу.

Парта үстінде қима қағаздарда «Жол», «Ереже», «Белгі», «Міндет» деген сөздер арқылы 4 топқа бөлінеді.

Бүгінгі сабағымыздың тақырыбы не туралы болмақ?

Әр топтың жауабын тыңдау

Ортасы

5 минут

10 минут

Мағынаны тану.

Түсіну.

Оқылым алды тапсырмасы.

Жол белгілері не үшін керек?

Егер жол белгілері болмаса, не болар еді?

Оқылым тапсырмасы

Берілген мәтінді оқып, мазмұнын бойынша айтылым сұрақтарына жауап беру.

Қазақстанда 1987 жылы КСРО-да қабылданған жолда жүру ережелері қолданылды. 1998 жылдан республикада жолда жүрудің жаңа Ережелері қабылданған. Осы ережелерге сай жол белгілері мемлекеттік стандарттар негізінде анықталады. Бұл стандарттар бойынша, жол белгілері 7 топқа бөлінеді:

1. ескерту белгілері

2. басымдылық белгілері

3. тыйым салу белгілері

4. міндеттеу белгілері

5. ақпараттық-көрсеткіш белгілері

6. қызмет көрсету белгілері

7. қосымша ақпараттық белгілер (тақташалар).

Ескерту белгілері жолдың қауіпті бөлігінің жақындағанын хабарлайды. Ол айналасы қызыл жолақпен көмкерілген ақ түсті тең қабырғалы үшбұрыш түрінде жасалып, ортасына қауіп түрін айқындайтын шартты белгілер салынады.

Басымдылық белгілері көше қиылыстарын, жолдың жіңішкерген бөлігін, кесіп өту кезектілігін белгілейді. Олар пішіндері мен түстері әр түрлі 9 жол белгілерінен тұрады.

Тыйым салу белгілері жолдағы көлік қозғалысына белгілі бір шектеулер енгізеді немесе бұрын қойылған шектеулердің күшін жояды. Олардың пішіні дөңгелек болады, шеті қызыл жолақпен көмкеріліп, ақ түсті ортасында тыйым салатын шартты белгілер көрсетіледі.

Міндеттеу белгілері бір бағытта немесе көліктің белгілі бір түріне ғана жүруге рұқсат етілетіндігін көрсетеді. Солға бұрылуға рұқсат ететін белгілер кері бұрылуға да рұқсат береді. Жиегі ақ жолақпен көмкерілген көк түсті, пішіні дөңгелек не тік төртбұрыш болып келетін 18 белгіден тұрады.