Қазақстан тарихынан сайыс сабағы 7-сыныпқа

Сайыс сабақтың тақырыбы: .«Тарихы терең Маңғыстау»

«Сендердің білімдерің – ол сендердің еңбектеріңнің нәтижесі. Сендер өздігінен білім алуға неғұрлым көбірек еңбектенсеңдер, соғұрлым көбірек білетін боласыңдар»

Н.Ә.Назарбаев

Мақсаты:

1. Маңғыстау облысының тарихы туралы оқушылардың білімін жинақтап, одан әрі танымдылығын арттыру.

2.Оқушылардың ойлау, сөйлеу дағдысын дамыту, өз ойын мәдениетті түрде жеткізе білу

3.Туған халқына, жеріне, Отанына, оның тарихи тағдырына деген құрмет сезімін қалыптастыру.Патриоттық тәрбие беру.

Өтілу түрі: сайыс.

Сынып 4 топқа бөлінеді, әр топта 5 қатысушы болады.

Жүргізуші :

Армысыздар,қадірменді ұстаздар, оқушылар! Отан, туған жер атамекен, елім, ауылым деген — жүрек тебірентіп, шаттық сезімді оятар қасиетті сөздер мен туған жердің тарихын, шежіресін білу — әрбір ұрпақтың азаматтық борышы.

Ақ қала Маңғыстаудың ақ тасынан,

Көк теңіз көбік шашқан тап қасынан.

Арманға аттанады ақ кемелер

Қазақтың жалғыз теңіз қақпасынан, -дегендей қарт Каспийдің жағасында қаншама тарихты ішіне бүгіп жатқан Маңғыстаудың тарихын, өткенін білу- бүгінгі жас буынның болашаққа бастар нық жолы. Қалың қазақтың мақтанышы, заңғар жазушы Әбіш Кекілбаевтың: «Қазыналы Маңғыстау- Тәуелсіз Қазақстанның тез тыңайып, тез нығаюына жанқиярлықпен үлес қосты. Тәуелсіздік оның өз байлығына лайық өркендеуіне кең өріс ашып берді…», деп тебіренгені тегін емес қой. Ұшқан құстың қанаты, шапқан аттың тұяғы талатын қазақтың кең байтақ даласына не жетсін!

Қасиетті жеріміздің бүгінгі ұрпақтарының білімін, зейінділігін таразылар «Тарихы терең-Маңғыстау» тақырыбында өткелі отырған зияткерлік сайысымызды бастауға рұқсат етіңіздер.

Сайыс кезеңдерімен таныстырып өтейік.

I . «Бәйге» бөлімі. 1 минутта 7сұраққа жауап беру.

II. «Дода» бөлімі. Жер аттарын табу.

III. «Тұлғаларды танып біл» (қойылған сұрақтарға жауап беру)

IY. «Сен білесің бе?»

І топ. «Шерқала» ІІІ топ. «Тамшалы»

ІІ топ. «Отпантау» ІҮ топ. «Кетік»

І кезең. «Бәйге» бөлімі. Әр топ 1минутта 7 сұраққа жауап беру.

І топ. «Шерқала» тобына

1.Маңғыстау облысының құрылған жылы.

2.Маңғыстау облысындағы қалалар.

3.Форт -Шевченко қаласындағы Маңғыстау көтерілісінің батырларына арналған ескерткіш қай жылы ашылды?

4. М.Шоқайға Форт -Шевченко қаласында арналған ескерткішті салған сәулетші шебердің есімі .

5. Маңғыстау түбегіндегі Т.Г.Шевченко атындағы мемориалдық мұражай қашан ашылды?

6.Орыс- қазақ училище ғимараты қай жылы салынды, қайда орналасқан?

7. Пирамида пішінді шоқылы тау

ІІ топ. «Отпантау» тобына

Маңғыстау облысында қанша аудан бар?

1992жылы шілдеде құрылған аудан аты

3. Жетібайда мұнай кен орны қай жылы ашылды?

4.1850-1857жж айдауда болған ақын.

5.1939-1946жж Маңғыстау көмір тресі ащылған жер.

6. «Гүлденді өмір», «Маңғыстау», «Октябрь арайында» еңбектерінің авторы

7. Алғаш радиоантенналы телеграф орнатылған жер, алғаш байланысқа шыққан кім?

ІІІ топ. «Тамшалы» тобына

1. Маңғыстау түбегінен шыққан алғашқы ұстаздарды ата.

2. Құнды жәдігер ретінде Қарлыбас шатқалынан таңбалы тас қай жылы әкелінді?

3. Маңғыстаулық көрнекті жазушы,қоғам, мемлекет қайраткері

4. Маңғыстау дербес облыс болып, қай жылы құрылды?