Қазақтарды шетел қонақтарына таныстыру өлеңі бойынша материал

Сабақ жоспары

САБАҚ: 1-бөлім «Мәңгілік елдің нұрлы жолы!» Н.Ә.Назарбаев «Қазақстан жолы»

Мектеп:

Күні:

Мұғалімнің аты-жөні:

Сынып: 8

Қатысқан оқушылар саны:

Қатыспағандар:

Сабақтың тақырыбы

Қадір Мырза Әли «Қазақтарды шетелдік қонақтармен таныстыру» өлеңі

Осы сабақ арқылы жүзеге асатын оқу мақсаттары

А2. Сөз мәнері мен сөйлеу этикеті. 8.А2.Түрлі жанрдағы көркем мәтіндерге сүйене отырып, көңіл-күйді білдіруде ұлттық сөз әдебі мен сөйлеу этикеті формаларын қолдана білу.

Сабақтың мақсаттары

Оқушылар: сурет бойынша ойларын айтады, өлең шумақтарына талдау жасайды, сұқбат құрады.

Бағалау критерийлері

Өлең тыңдайды, мазмұнын талқылайды.

Ұлттық сөз әдебі мен сөйлеу этикеті формаларын қолданып, сұқбат құрады.

Тілдік мақсаттар

Оқушылар: сенімді және еркін сөйлеулері керек, жаттығу жұмысын орындайды.

Пән лексикасы және терминология:

Диалог және жазылым үшін қажетті сөз тіркестер;

Құндылықтарды дарыту

Адамгершілік пен жауапкершілік дағдыларын дамыту.

Пәнаралық байланыстар

Әдебиет, тарих, география

АКТ қолдану дағдылары

Ғаламтор ресурстарын қолдану

Бастапқы білім

Жоспар

Жоспарланатын уақыт

Жоспар бойынша орындалуы тиіс іс-әрекеттер (төменде келтірілген жазбаларды жоспарланған әрекеттермен алмастырыңыз)

Дереккөздер

Сабақтың басы

5 минут

Стартер. Сурет негізінде мұғалім оқушылармен сабақтың тақырыбын анықтайды, өз ойларын айтады.

Мұғалім сабақтың мақсатымен, бағалау критерийлерімен, сабақта орындалатын жұмыс түрлерімен таныстырады.

Сабақтың ортасы

10 минут

12 минут

Ж. Ой қозғау.

«Қонақ» сөзіне ассоциациялар жазады. Біздің мемлекетімізде, әр отбасында қонақты қалай күтетіні туралы өз ойларын айтады.

Сөз этикетіне қаратпа сөздер, сәлемдесу, танысу, қоштасу, құттықтау, тілек білдіру, алғыс айту, өтініш айту, кешірім сұрау, шақыру, кеңес беру, көңіл айту, жұбату, құптау, марапаттау формалары және т.б. да құрылымдар жатады. Мысалы: рұқсат етіңіз, рақмет, ренжімесеңіз, мүмкін болса, оқасы жоқ, айтып жіберсеңіз, т.б.

Топтық жұмыс. Оқушылар Дархан Дүйсеновтің орындауындағы Қадір Мырза Әли «Қазақтарды шетелдік қонақтармен таныстыру» өлеңіне жазылған «Қазақ осы» әнін тыңдайды.

Айтылым тапсырмасы. Топтарға өлеңнің шумақтары бөлініп беріледі.

1-топ

Е-е-ей!

Жайлауында жүрген жігіт бағып қой,

Дос келді деп, жасап жатыр анық той.

Алғашқы рет көріп тұрсың сен оны,

Нағыз қазақ осы, міне, танып қой.

Сәйгүлікті құйрық-жалы таралған,

Сүйетұғын қазақ осы, қараңдар.

Қазақ осы күй шығарып, ән салып,

Көкпар тартып, қыз қууға жаралған.

Қазақ осы - айтатұғын желге сыр,

О, ағайын, халық емес ол кесір.

Қазақ осы - аңғал-саңғал жабусыз,

Қазақ осы - ағыл-тегіл, көл-көсір.

Айхай! Қазақ осы - ағыл-тегіл, көл-көсір.

2-топ

Е-е-ей!

Қазақ осы - дала дейтін, күн дейтін,

Қазақ осы - «Өнер алды - тіл» дейтін.

Қазақ осы - қарасың ба, ақсың ба,

Қоңырсың ба, жатырқауды білмейтін.

Қазақ осы - көргенінен танбайтын,

Той-думансыз оты түзу жанбайтын.

Қазақ осы - алудай-ақ алатын,

Ал беруден алдына жан салмайтын.