Қазақтың ұлттық ойындары бойынша 8 сынып ашық сабақ

Шеңбертал орта мектебі

Ашық сабақ

Тақырыбы: Қазақтың ұлттық ойындары.

Сыныбы: 8-сынып

Уақыты: 13.03.2016.ж.

Өткізген: Байниязов Мейрамбек

Дене шынықтыру пәні мұғалімі

2015 – 2016 оқу жылы

Сабақтың тақырыбы: Қазақтың ұлттық ойындары.

Сабақтың мақсаты: Қазақтың ұлттық ойындарымен таныстыру. Оқушылардың денсаулығын, ой-өрісін, икемділігін, шапшаңдығын дамыту және ұлттық ойынға деген қызығушылықтарын арттыру, батылдыққа, шыдымдылыққа, көздеген мақсатына жете білуге тәрбиелеу.

Көрнекілік: Арқан, асық, орамал, теңге т.б.

Кіріспе бөлім:

Сыныптарды қабылдап, сапқа тұрғызу. Оқушылармен сәлемдесу. Киімдерін текеру. Сайыс сабақтың мақсатымен таныстыру. Дене қыздыру жаттығулары.

Негізгі бөлім:

«Бәйге».

Бір оқушы екінші оқушыны арқасына мінгізіп алады да, жарыс сызығындағы арнайы белгіге дейін жүгіреді. Айналып келіп, мәре сызығынан өтеді. Бірінші бәйге өткеннен кейін екінші, үшінші жалғастырады. Қай команда бірінші бітірсе, сол команда жеңімпаз болып табылады.

«Аударыспақ».

Шеңбер ішінде бір оқушы екінші оқушыны арқасына мінгізіп, келесі топтың ойыншысымен аударысады. Үстінде отырған оқушының аяғы жерге тиіп кетсе және жығылып қалса немесе шеңберден шығып кетсе жеңіліс табады.

«Соқыр теке» ойыны.

Ойыншылар шеңбер жасап, ортаға көзі таңылған «соқыр текені» шығарады. Шеңбер бойында тұрғанда оны білдірмей келіп түрткілейді, осы кезде ол түрткен баланы ұстап алып, атын атау керек. Ойыншы бір орында тұра бермей, түртпесе де ұстатпай қашып жүруі керек. «Соқыр теке» ұстап алған баланы өзінің орнына алмастырады.

«Арқан тартыс» ойыны.

Ойынға ұзындығы 8-10 метр екі ұшы түйілген арқан дайындалады. Команда екі топқа бөлініп, арқанның белгіленген жерінен бастап ұшына дейін қос қолдап ұстап тартып тұрады. Жүргізушінің белгісі бойынша екі команда арқанды екі жаққа тартады. Ойынның мақсаты-екі команданың бір ойыншысын ортадағы сызықтан өз жағына шығару. Ортаңғы сызықтан өтіп кеткен ойыншының командасы жеңіледі.

Асық ойындары.

«Асықты тігіп ойнау», «Шеңбер», «Хан талапай».

Оқушыларға ықылас салуға арналған ойын жаттығулар.

Арнайы іріктелген жаттығуларды оқушылардың назарын сабақ барысына дайындау үшін немесе бір жұмыстан екінші жұмысқа тез ауысу үшін, сабақ соңында оқушылардың психологиялық-эмоционалдық қозғалыстарын басу үшін және тәртіп сақтау үшін де қолдануға болады.

«Теңге алу».