Қазақтың ұлттық тағамдары туралы тәрбие сағаты

Тақырыбы: «Қазақтың салт-дәстүрге байланысты ұлттық тағамдары.»

Оқу іс-әрекетінің мақсаты: Балаларға өзіміз қазақ халқымыздың асыл қазыналы ұлттық дәстүрлеріміздің тағамдарымен таныстыра отырып, ойларын ашық айта білуге тәрбиелеу. Бұрынғы ата-бабаларымыздың қалай өмір сүріп жүргені туралы айтып түсіндіру.

Оқу іс-әрекетінің әдісі: Түсіндіру, көрсету, дәмін таттыру.

Оқу іс-әрекетінің түрі: Құрастыру.

Білім беру саласы: Таным.

Оқу іс әрекетінің көрнекілігі: Піскен қазы-қарта, бауырсақ, жалпақ нан, құрт, май, қаймақ, үш жалпақ нан, сүзбе, айран және сүт, тыштырма. Ұлттық тағамға байланысты суреттер.

Оқу іс-әрекетінің барысы:

Шаттық шеңбері:

Кел балалар күлейік,

Күлкіменен түлейік,

Қабақ түйген не керек,

Күліп бәріміз жүрейік.

Ал балалар бүгінгі біздің оқу іс-әрекетімізге көптеген апайлар келіп отыр екен, орнымыздан тұрып апайлармен амандасып алайық.

І Ұйымдастыру бөлімі:

Сәлеметсіздер ме, апайлар!

-Сәлеметсіз бе, балалар.

Тәрбиеші:

Балалар қалдерің қалай?

- Жақсы.

Балалар қазір жылдың қай мезгілі?

-Қыс мезгілі.

Қыс мезгілінің ерекшеліктерін атап беріңдерші?

-Күн суық, жерде аппақ қар жатады, адамдар қалың киімдерін киеді, анда-санда аяз, борандар болып тұрады.

Жарайсыңдар балалар!

Ал балалар бүгінгі оқу іс-әрекетімізде өткелі отырған тақырыбымыз «Қазақтың салт-дәстүрге байланысты ұлттық тағамдары.» деп аталады.

Балалар сендер ұлттық тағамның қандай түрлерін білесіңдер?

- Бауырсақ, сүт, айран, наурыз көже, құрт, май.

Дұрыс айтасыңдар балалар.

ІІ Жаңа сабақ.

Балаларға үстелде орналасқан қаймақтың майдың айран мен көженің қайдан қалай пайда болатындығын айтып түсіндіріп өтемін.

Балалар мына суреттегі не?

-Сиыр.

Сиырдан біз не аламыз?

-Сүт сауып аламыз.

Сүтті сүт машинаға салып тартқанда не пайда болады?

-Қаймақ.

Қаймақты былғасақ не пайда болады?

-Сары май шығады.

Ал сүт машинаның екінші жағындағы сүтті айран ұйытып, одан көже пісіріп шөліміз қанғанша ішетін боламыз.

Түйеден шұбат, жылқыдан қымыз бен қазы-қарта, жал-жая алынады.

Балалар бүгін бізге қонаққа тағы бір кісі келіпті, ол біздің ақ жаулықты әжеміз екен. Әжемізді шақырып амандасып төрге шығарайық.

Әже: Сәлеметсіңдер ме балалар, ия қандай әдемі балалар.

Балалар: сәлеметсіз бе, әже келіңіз төрге шығыңыз.

Әже: Рахмет балаларым, таңырқай жан-жағына қарап: мен өзі қай топқа келіп отырмын а-а?