Қоғам дамуына қосылар үлес туралы мақала

Қоғам дамуына қосылар үлес

Әлем өте тез, қарқынды даму үстінде. Алған білімдері шешімдер мен іс-әрекеттер таңдауда, өмірде пайдалануда қажетсіз болып қалғандықтан, білім беруді тұлғаның қажеттіліктеріне сай етіп құру - заман талабы. Халықаралық PISA, TIMSS зерттеулерінде біздің еліміздің оқушыларының төмен нәтиже көрсетуі ұстаздар қауымына артылар жүктің салмағын арттыра түскені белгілі.

Аймақтарда Н.Ә. Назарбаев зияткерлік мектептерінің ашылуы елімізде білім беру ісіндегі тиімді жолдардың бірі болды. Бірақ мұндай заманауи талаптарға жауап бере алатын, мүмкіндігі мол мектептерде білім алуға барлық оқушының қолы жете бермейді. Сондықтан еліміздегі білім жүйесін дамыту мақсатында жалпы білім беретін мектептердегі білім беру мазмұнын өзгертетін жаңалықтар енгізу - аса қажет те маңызды мәселе. Әлемдегі өзгерістерге сәйкес құндылықтар мен білім маңызын қайта қарау, мұғалімдердің жұмыс жүйесіне өзгерістер енгізу керектігі туындап отыр.

Осы орайда мұғалімдердің біліктілігін көтеруБағдарламасы негізінде елімізде Елбасының қолдауымен жүзеге асып жатқан үш деңгейлік курстың білім сапасын арттыруға ықпалы зор. Аталған бағдарлама оқу мен оқытудағы өзгерістер, оған басшылық жасау әрекеттерін үйрету, оқушыларға қалай оқу керектігін үйретудегі түрлі тәсілдер, білімді бағалау жолдарын қамтиды. Жалпы бағдарламада негізделгендей көшбасшылық жұмыс күрделі іс-әрекет негізінде жүзеге асатындығы белгілі. Мектепте өзгеріс енгізуді басқару оңай емес, себебі осы бағыттағы жұмыстағы қиындықтар мен келіспеушіліктер туындап жататыны белгілі Адамзат тіршілігінің негізгі тұғырнамасы – білім болып саналса, тәуелсіздік алғаннан бері елімізде жыл сайын білім жүйесіне енгізіліп отырған реформалар мемлекетіміздің болашағына салынып жатқан даңғыл жол деп айтуымызға болады. Себебі, қай мемлекеттің болсын даму жолы, яғни экономикалық-әлеуметтік жағдайына тікелей апарар жол – сол елдің білімінің дамуы болып табылады. Олай болса еліміздің болашағы үшін ұлттық білім жүйемізді дамыту заман талабы, — деп айтуымызға болады. Мемлекет басшысы Нұрсұлтан Назарбаев өзінің «Қазақстан-2050» стратегиясы қалыптасқан мемлекеттің жаңа саяси бағыты» атты Жолдауы

Сондықтан, қазіргі даму кезеңі білім беру жүйесінің алдында оқыту үрдісінің технологияландыру мәселесін қойып отыр. Оқытудың әртүрлі технологиялары сарапталып, жаңашыл педагогтардың іс – тәжірибесі зерттеліп, мектеп өміріне енуде. Қазақстан әлемдік білім беру кеңістігінде өзінің берік айқындамасын белгілеп қана қоймай, оны жедел алға бастыра отырып, ұдайы жақсартуға және әлемдік білім беру нарығында бағалануына, бәсекеге қабілетті етуге ұмтылып келеді. Қазақстандағы білім беруді дамытудың 2011-2020 жылдарға арналған мемлекеттік бағдарламасы жобасында Қазақстанда оқитындарды сапалы біліммен қамтамасыз етіп, халықаралық рейтингілердегі білім көрсеткішінің жақсаруы…