Қоғамдағы мейірім мен қатыгездік туралы мақала

Коғамда бәрі бар, тек мейірім жоқ: адамдар неге қатыгезденді?

Біздің дәуір – керемет технологиялық дәуір. Біздің қолымызда барлық мүмкіндік пен байлық бар: үй, смартфондар, теледидар, қолжетімді интернет, жеткілікті тамақ. Бірақ осы байлық тұсында сезілместей жоқ болып бара жатқан байлық ол – мейірімділік пен жанашырлық сезімі. Қоғам талабы ма, әлде адамзат қатыгезденді ме?

Қоғамдағы қатыгездіктің себебі - бір ғана фактор емес. Ол - жылдап тіпті, бала кезден басталған құбылыс болуы мүмкін. Негізінен қоғам қатыгездігі әлеуметтік, психологиялық, экономикалық қысым салдарынан туындайды. Адамдардың көбі күйбен тіршіліктен шаршаған, жүйкесі жұқарған. Әрбіреуі өз проблемасымен әлек. Жұмыстың қиыншылығы, бағалардың шарықтауы, күнделікті өмір талаптары, үй тіршілігі, неше-түрлі міндеттер мен қатқан заңдамалар. Тіпті кешкі қала кептелісінің өзі берік төзімді талап ететіні рас. Мұның бәрі адамды күйзеліске әкеліп соқтырады. Салдарынан адам өз мәселесінің буымен басқаларға мейірім көрсетуге қауқарсыз болады. Ал статистика не дейді?

• Статистика бойынша соңғы 5 жылдықта психолог көмегіне жүгінгендер саны 3 есе артқан.

• Жасөспірімдер арасындағы буллинг жағдайлары бойынша 2024 жылы ғана 1200-ден астам шағым түскен (ҚР БҒМ мәліметі).

• Әлеуметтік зерттеуге сәйкес, 10 адамның 7-і айналасындағы адамдарға суық, мейірімсіз екенін айтқан.

Менің ойымша, қоғамдағы қатыгездік, адамдардың бір-біріне бейжай қарап, көмек қолын созбауы өзекті мәселелердің бірі. Себебі, қоғам мейірім шапағаттан тұрады. Біз түгел адамзатты өзгерте алмаймыз бірақ кішігірім мейірім көмекпен әлемді бір қадам жақсылыққа жақындатамыз. Қатыгездік – рухани індет. Дегенмен, бұл індетпен бәріміз күресуіміз қажет. Шағын әрекет, үлкен өзгеріс. Біреуге жылы сөз айту, ештеңе сұрамастан көмектесу, қиын сәтте қолдау білдіру сынды кішкентай әрекеттер қоғамның өзгеруіне үлкен күш салады. Сонымен қатар мейірімділік бірінші кезекте тәрбиеден басталады. Үйдегі ата-атанадан, мектептегі ұстаздан, көшедегі әрбір азаматтан. Сондықтан, адамдармен сөйлесу барысында әдепті, жылы сөздерді қолдану керек. Әрбір тұлғаның көңіліне қарап, ауыр сөздерді тыю арқылы біреуге үлгі бола аламыз.

Ақпараттың ағымы - у ма, дәрумен бе?