Қонақ күту дәстүрі туралы ашық сабақ, 5-сынып

Қысқа мерзімді сабақ жоспар

Сабақтың тақырыбы:

Қонақ күту дәстүрі

Күні: 22.10.2018ж

Мұғалімнің аты-жөні: Каримбаева Н.Ю.

Сынып: 5 «Б»

Қатысқан оқушылар саны

Қатыспаған оқушылар саны

Ұзақ мерзімді жоспар бөлімі

3-бөлім:Отбасылық дәстүрлер мен мерекелер

Осы сабақта қол жеткізілетін оқу мақсаттары (оқу бағдарламасына сілтеме)

5.1.4.1 тірек сөздер мен жетекші сұрақтар арқылы негізгі ойды анықтау;

5.2.5.1 оқылым және тыңдалым материалдары бойынша негізгі ақпараттарды сақтай отырып, жинақы мәтін жазу

Бағалау критерийлері

1.Тірек сөздер мен жетекші сұрақтар арқылы негізгі ойды анықтайды

2.Негізгі ақпараттарды сақтай отырып, жинақы мәтін жазады

Тілдік мақсаттар

Тақырыпқа қатысты жинақы мәтін жаза алады.

«Мейман», «қызмет», «құрмет» сөздеріндегі ерекшелікті түсінеді

Пәнге қатысты сөздік қор мен терминдер

Қонақ күту дәстүрі мен әдебі.

Қонақ келсе құт келер

Талқылауға арналған сұрақтар

Қонақжайлылық дегенді қалай түсінесің?

Құндылықтарға баулу

Мәңгілік Ел ұлттық идеясын негізге ала отырып, қазақстандық патриотизм мен ұлттық, отбасылық дәстүрлерді сақтауға, ұрпақтан-ұрпаққа жеткізуге баулу

Пәнаралық байланыс

Музыка, әдебиет, өзін-өзі тану

Пайдаланыл

ған дереккөздер

Ғаламтор материалдары, оқулық

Алдыңғы оқу

Туған күн

Сабақтың барысы

Сабақтың жоспар

ланған кезеңдері

Сабақтағы жоспарланған іс-әрекеттер

Ресурстар

Сабақтың басы 10минут

Ұйымдастыру. Оқушылар шеңбер болып тұрып, өздерінің есімдерінің алғашқы дыбысынан басталатын сын есім қосып айтады. Мысалы: Бейбіт-бақыттымын, Ернұр – ержүрекпін, Ұлнұр – ұқыптымын т.б. Бұл әдіс арқылы балалардың жауапкершілігі артады. Өз атына сай болуға тырысады.

Топқа бірігу. Қағаз қиындылары арқылы сурет құрастырып топқа бөлінеді. Жаңа сабақтың тақырыбын болжайды.

I топ: Қызыл түс

II топ: Сары түс

III топ: Жасыл түс

Үй тапсырмасына қысқаша шолу жасаймын

Қонақ күту дәстүрі бейнеленген суреттер.

Сабақтың ортасы

10 минут

Балалар, қазақ халқы қонақжай халық екенін естідіңдер ме? Қазақ халқының қонақжайлылығы жайында не білесіңдер? Қонақ күту дегеніміз не?

Мұғалім сөзі: Қонақ – үйге келген мейман.Танымайтын кісі “құдайы қонақ”, әр түрлі тілеулестікке, тойға шақырылған мейман “арнайы қонақ” болып саналған. Халықтық ғұрып бойынша, келген адам үйге баса-көктеп кірмей, сырттан дауыстап, үйдегілерге белгі береді. Үйге келген адам әуелі шаңыраққа сәлем беріп кіруі керек. Түсте келген қонаққа түстік, кешке келгендерге қонақасы берілген. Үлкен ас кезінде қонақтар төрден есікке қарай, жасының үлкендігі мен мәртебесіне байланысты орналасады. Қымыздан кейін ет ұсынылады. Құдайы қонақ түскен үйде отағасы жоқ болса, астан дәм татып, ауыз тиген соң, түнемеге басқа орын іздестірген. Қонақты қарсы алған отағасы есік ашып, алдымен оны кіргізеді, шығарып саларда қонақтың өзі ашуы керек. Үй иесі ашса, онда қонақты қуғанмен бірдей саналады. Қонақтың бірнеше түрімен сабақ барысында таныс боламыз.

Қонақжайлық – қазақ халқының ұлттық салт-дәстүрінің бірі. Сонымен қатар адамдар арасындағы сыйластықты, бір-біріне деген құрметті, қамқорлықты білдіретін, кісінің адамгершілігін, имандылығын айқындайтын қасиет. Адамдарды тіліне, дініне, ұлтына бөліп-жармай, достық ықылас көрсетіп, ас-дәм беру қонақжайлықтың негізгі белгісі. Қазақ халқының қонақжайлық қасиеті мен дәстүрі шетелдік саяхатшылар мен ғалымдарды әр уақытта таң қалдырған. Қазақтың осы қонақжайлылығы, қонаққа құрмет көрсетуі жайында оқулығымызда берілген мынандай жыр шумақтарымен танысайық.

Оқылым, тыңдалым. «Қонақжайлылық белгісі» өлеңін слайдтан оқу, үнтаспадан тыңдату.

Қонақжайлылық белгісі.

Сырттан келген мейманға

Сәлем беріп, қол алсаң –

Бірінші еткен қызметің.

«Түсіңіз», - деп түс берісіп,

Шылбырына оралсаң –

Екінші еткен қызметің.

Есік ашып енгізіп,

Көрпе төсеп, құп алсаң –

Үшінші еткен қызметің.

Мейман риза болмағы –

Құрметпен үйге қонғаны.

Кешіктірмей шай берсең –

Ұмыт болар тоңғаны.

Тысқа шықса қария –

Қолыңда болсын құманы,

Ірікпесең барыңды –

Қонақжайлық сол дағы