Қош бол, сүйікті әліппем атты 1-сынып тәрбие сағаты

Әліппемен қоштасу

Мұғалім:Армысыздар құрметті қонақтар, оқушылар! Шәкірттердің қолдарына тұңғыш рет ұстап, бетін ашқан оқулығы «Әліппе».

Көз салып қараңызшы бойымызғаОртақ боп бүгінгі өскен ойымызға.Хош келіпсіз, ұстаздар, ата-аналар,Әліппемен қоштасу тойымызға.

Барлық ғылымның атасы, болашағымыздың негізі- әліппені бітіру тойына хош келіпсіздер дей отырып, ертеңгілігімізді бастайық.

1.Ақарыс

Мектебің мынау класың,

Осында он жыл тұрасың.

Тарыдай болып кіресің,

Таудай болып шығасың.

2.Айару

Аңыз,ертек,ән жырдың

Бәрін ойға құйғыздың

Санамызға сен біздің

Бар асылды сыйғыздың

Жақтық білім шырағын

Рахмет саған мұғалім.

3. Айтөре

Әліппе - білім анасы

Әліппе - кітап данасы

Әліппе бетін ашпаған

Адамның бар ма баласы

4.АлтынайЕң алғаш алғанымда «Әліппені»Қызығып қарай бердім әріптерді.Мен үшін жұмбақ болып қалар ма еді,Ұстазым оның кілтін алып берді.

Мұғалім:Өсті міне бойларың,Өсті ақыл- ойларың.Қуанышқа ортақпын,Құтты болсын тойларын!Балалар мен сендерге сұрақ қоюдан бастайын. Сендер оған жауап айтыңдаршы.Іші толы әріпке,Білімдегі жарық не?Хормен:Болашаққа жол ашар-Ол сүйікті- Әліппе!Ол сүйікті -Әліппе!Мұғалім:-Олай болса, бәрімізге ең қымбат Әліппені ортаға шақырайық.Хормен: Әліппе! Әліппе! Әліппе!

Сезім

Әліппе: Армысыздар жас достар!Армысыздар, ата-ана!Менің атым-Әліппе,Мені анаңдай дәріпте

Мені оқып ер жеткен,Ағаң менен әпкең де,Армысыздар жас достар!Армысыңдар,ата-ана!

Болашаққа жол бастар,Әліппең келді ортаға.Мерекеңмен құттықтаймын!Не үйреніп,не білдікКәне ортаға салайық!

Олай болса балалар Әліппемізге арнап «Әліппе» әнін айтып берейік.

Оқушылар тақпақ айтады.

5.Айсұлтан

Келгенде алғаш мектепке,

Білмеуші едік әріпте,

Оқимыз қазір ертекте,

Үйреткен оны Әліппе!

6.Раяна.

Бар кітапқа бас болған

Әліппе ғылым анасы

Әліппеден басталған

Даналықтың данасы.

7.Ербарыс

Оқулықпен достассақ,

Әліппемен қоштаспақ.

Өсті білім, бойымыз,

Құтты болсын тойымыз.

8.АсылжанӘліппе деген алтын жолАпарар сені алысқа.Жеңіл емес ауыр жолТырысып бақ намысқа.

9.Айсұлу

Жақсы кітап Әліппе

Үйретеді әріпке

Қуыршақпен қоштастық

Әліппемен достастық

А - дан бастап әріпті

Түгел маған танытты.

10.Дияра

Әліппем менің Әліппем,

Сені қолға алып мен.

Есігін аштым мектептің,

Ертеңгі сәуле жарықпен

11.Мұхаммед

Әліпбидің А тұрады басында,

Әрқашанда Ә тұрады қасында,

Байқадың ба Б тұрады үшінші,

Ал осының сыры неде? Түсінші

«А» деген ол — аналар ғой ардақты,

«Ә» деген ол — әкелер ғой салмақты.

«Б» деген ол — балалар ғой көңілді,

Біздің елде үшеуі де кәделі.