Қош келдің, алтын күз балабақшаға арналған сценарий

Әуен арқылы балалар саз бөлмесіне кіріп тұрады.

Жүргізуші: Құрметті қонақтар, әріптестер! Бүгін «Айжанай» тобының балалары дайындаған « Алтын күз» атты ертеңгілігіне қош келдіңіздер. Балалар қарандаршы айнала қандай әдемі,барлығы сары түске боялған.Балалар бүгінгі мерекемізге Күз ханшайымы келгенше біз «Бұл алтын күз» атты әнімізді айтайық.

(Сыртан желдің, жаңбырдың және әдемі әуеннін дыбысы естіліп ішке Күз ханшайымы келеді)

Күз ханшайымы:

Уа ,халайық, дархан далам армысың

Табиғатым жаны жайсан тал мүсін,

Ханшайымы Күздің бүгін келіп тұр,

Алмақ болып бар халқымның алғысын.

-Сәлеметсіздер ме балалар, қонақтар!

-Мен Күз ханшайымымын. Сендерді көргеніме қуаныштымын.

Жүргізуші: Қош келдің, Күз ханшайымы! Төрлетіңіз! Сізді мерекемізге күтіп отыр едік. Біздің балаларымыздың сізге арнап жаттаған өлең жолдарын тыңдаңыз.

Аружан Б: Күзім-ау,күзім-ау,

Мінезің бұзық-ау.

Жаңбырың сіркіреп,

Келгенің қызық-ау.

Айгерім: Алтын,сары,қызыл,көк,

Алуан-алуан жапырақ.

Күзгі бақта күлімдеп,

Көз тартады атырап.

Ерасыл: Сарғайды тоғай,

Сап-сары манай,

Соңғы әнін айтып,

Құс кетті қайтып.

Алияр: Қарашы күз келді, күз келді,

Жапырақ жауыпты іздерді,

Құс біткен керуен тізеді,

Қара бұлт қабағын түйеді.

Милана: Жапырақ ұшты,

Суық-та түсті,

Сонда да бізге,

Қызық көп күзде.

Нурдаулет: Ой,балалар,балалар,

Қоңырқай күз болыпты,

Қурап жапырақ солыпты,

Ел егін орыпты.

Күз ханшайымы: Балалар өлең жолдарына рахмет, мен қуанып отырмын. Балалар күзде барлық бау-бақшалар піседі. Мен өз бағымнан алмалар алып келдім, осы алмалармен ойын ойнаймыз ба?

Ойын: «Алмаларды себетке бөліп сал» ( 2 рет)

Күз ханшайымы: Балалар, сендер ойынды жақсы ойнадыңдар рахмет. Қазір мен сендерге «Сиқырлы күз мезгілі» атты ертегіні тамашалауға шақырамын.

Ерте, ерте, ертеде Айгүл атты кішкентай қыз болыпты. Айгүлдің бағындағы алмұрт ағашы күз келгенде жеміс беріпті. Олар әбден пісіпті. (қуыршақ театры арқылы қыз және алмұрт ағашы көрінеді)

Айгүл: - Міне күз мезгілі де келді! Менің алмұрт ағашымдағы алмұрттар піскен екен. Мен алмұрттарды теріп алып балаларға берейін.

Ой, балалар, сендер мында екенсіздер ғой! Мен сендерді байқамай қалыппын. Мен сендерге алмұрт ағашынан алмұрттарды теріп берейін деп едім, себетім болмай тұрғаны. Сендер менің алмұрт ағашымдағы алмұрттарымды мұқият қарап қойыңыздар, ал мен барып себет алып келейін.(Айгүл кетіп қалады)

Күз ханшайымы: Балалар, Айгүл себет алып кетуге кетті, ал біз алмұрт ағашын қарап тұрайық, ешкім тимесін.

Жүргізуші: Балалар, тыңданыз,бізге қарай біреу ән айтып келе жатыр.

Саз бөлмесіне әтеш келеді.

Әтеш: Мен әтешпін,әтешпін-алтын айдарлы әтешпін! Мен сияқты ешкім ән айта алмайды «Ку-ка-ре-ку»!

-Салематсыздар ма, балалар! Мына жерден мен әдемі алмұрт ағашын көріп тұрмын, алмұртыда көп екен, мен алмұрттарды жеп алайын.

Жүргізуші: Әтеш ол алмұрт ағашыңдағы алмұрттарды жемеші. Біздің балалар сізге жемістер туралы өлең жолдарын айтып береді.

Әтеш: Жарайды, айтсың.

Жасмин: Мен алмұртпың,алмұртпың!

Аузындамын бар жұрттың.

Айзада: Мен өрікпін,өрікпін!

Табиғатқа көрікпін.

Даяна С: Мен жүзіммін,жүзіммін!

Моншақ болып тізілдім.

Асем: Мен алмамың,алмамың!

Таңдайда қалар бар дәмім.

Даяна Д: Бұтақтан үзілген,

Жарылса анармын.

Моншақтай тізілген,

Дәндерін аламын.

Фатима: Мен шиемін,шиемін!

Күннің көзін сүйемін.

Қышқыл шырын менде бар,

Төмен бас иемін.

Әтеш: Рахмен балалар,өлең жолдарың тамаша екен, мен алмұрттарынды жемеймін.Мен әрі қарай жолымды жалғастырайын.

Жүргізуші: Балалар, тыңдаңыз. Бізге тағы қонақ келе жатырған сияқты.

( Саз бөлмесіне түлкі келеді)

Түлкі: Салематсыздар ма, балалар! Мен түлкімін,түлкімін! Айлакер,қу түлкімін.