Қош келдің, алтын күз мерекесіне арналған сценарий

Тақырыбы: «Қош келдің, алтын күз!»

Мақсаты: Күз мезгілінің ерекшеліктерін ұғындыру. Күз өнімдерімен таныстыру, олардың ағзаға пайдасын түсіндіру. Мерекелік көңіл – күй орнату. Балаларды ән салуға, би билеуге, түрлі іс - әрекеттерге тарту, бейімділіктерін арттыру. Шығармашылық ой - қиялдарының дамуына ықпал ету. Ата - аналар қауымымен тығыз қарым – қатынас қалыптастыру.Барысы:

Мерекеге сай безендірілген сынып. Әдемі сазды әуен ойналып тұрады. Балалар қолдарына жапырақтар ұстап кіріп, би билейді. Би біткен соң орындықтарына отырып жайғасады.

Тәрбиеші: Құрметті қонақтар, ұстаздар! Бүгін мектепалды даярлық тобының балалары дайындаған «Қош келдің, алтын күз!»атты ертеңгілігіне қош келдіңіздер.

Армысыздар, халайық,

Бармысыздар халайық!

Күзгі тойды жұп жазбай,

Келіңдер қарсы алайық!

- Қараңдаршы, бүгін біздің сыныбымыз қандай әдемі болып кеткен. Қолымызға не ұстап келдік?

- Жапырақтар.

- Осы жапырақтардың түсі қандай?

- Сары.

(Сырттан бір дыбыс естіледі,желдің шуы)

Тәрбиеші:- Балалар, тыңдаңыздаршы бұл не шу? (Осы кезде әдемі әуенмен Күз ханшайымы келеді,қасына үш ұлын еріткен.)

Күз ханшайымы: Сәлеметсіздер ме, балалар!

Балалар: Сәлеметсіз бе!

Күз ханшайымы:

Уа, халайық, дархан далам армысың,

Табиғатым жаны жайсаң тал мүсін

Ханшайымы Күздің бүгін келіп тұр,

Алмақ болып бар халқымның алғысын.

Мен – Күз ханшайымымын. Сендерді көргеніме қуаныштымын.

Тәрбиеші: Қош келдің, Күз ханшайымы! Төрлет!

Күз:Сендерге балалар мен үш ұлымды ерте келдім. Күз айлары:

1-бала: (Қыркүйек)-Жандос

Бірінші қыркүйек

Білімге бастады.

Мал мен аң жүр билеп,

Құс шарлап аспанды.

2-бала: (Қазан)-Ернұр

Жаңартқан ғаламды

Жаңбырлы ғажап ай

Осынау заманды

Орнатқан қазан ай.

3-бала: (Қараша)-Рауан

Мол байлық тергені

Шаттығы қаншалық.

Қарашы, өрледі

Қараша ән салып.

Күз ханшайымы: Балалар, мен сендерге бір жұмбақ жасырайын.

Ағайынды бәрі, Шықса – жасыл, Түссе – сары. Бұл не?

Балалар: Жапырақ

Күз ханшайымы: Дұрыс таптыңдар, жарайсыңдар! Мен өзіммен алтын жапырақтарымды ала келдім. Әр жапырағымда тапсырмалар . Егер де тапсырмамды орындасаңдар, менің де сендерге деген сыйлығым бар.

Тәрбиеші: Әрине, қымбатты Күзханшайымы! Біздің балалар Күз туралы өлең, тақпақ, жұмбақтар шеше алады. Сіз жайланып отырып, балалардың өнерін тамашалаңыз.

Ән: «Алтын күз»

Тәрбиеші:

Өнім биыл тамаша!

Көз тоймайды қараса:

Сәбіз, пияз, қияр, картоп,

Бұршақ, асқабақ, қызылша,

Қызанақ, орамжапыраққа қарашы.

Көкөністер бір жерде жиыла қалып дауласты.

Балалар (хормен):

Жиналып қаппыз бәріміз,

Қайсымыз ең дәмдіміз?

Ішімізден адамға

Тиеді көп пайдамыз?

4-бала: (Бұршақ) -Саян

Кішкене түймедеймін мен

Ұнаймын мен бәріне

Дәмді тағамдарымен

Сый жасаймын бәріңе!

5-бала: (Қызылша)-Нұрай

Мен де бір сөз айтайын

Мақтанайын сіздерге.

Менсіз борщ болмайды

Винегрет те үстелде.

6-бала: (Орамжапырақ) -Бексұлтан

Мақтанғаннан не пайда?

Менсіз дәмді щи қайда?

Мені қосса самсаға,

Бәрі жейді тамсана.

7-бала: (Қияр)-Айару

Дәмім тілді үйірген

Мен тұздалған күйімде!

Жаңа піскен кезімде

Жейді бәрі сүйсіне!

8-бала: (Шалқан) -Алинұр

Кім білмейді шалқанды?

Талайлар маған таң қалды.

Бәріне сый боламын

Тауып көр менен дарханды.

9-бала: (Сәбіз)-Кәусар

Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де!

10-бала: (Асқабақ)-Дильназ

Өсем бақша-бауында

Қатты ұқсаймын қауынға

Жемек болып шикідей

Күлкі болмай қауымға.

11-бала: (Қызанақ) -Ажар

Піскен кезде қызанақ

Көз тартар қызыл түсімен