Құстар біздің досымыз сабақ жоспары

Үйірме: «Зооәліппе»

Сабақтың тақырыбы: «Құстар біздің досымыз»

Сабақтың мақсат-міндеті: .

1. Оқушыларға жалпы құстар туралы, олардың тіршілігі мен пайдасы туралы түсіндіру.

2. Оқушылардың белсенділігін, қызығушылығын, сөздік қорын, ой - өрісін дамыту.

3. Құстарды қорғауға, қамқоршы болуға, табиғатты сүюге тәрбиелеу.

Сабақ типі: Жаңа сабақ

Сабаққа қолданылатын педагогикалық технологиялар: АКТ, ұжымдық оқыту, сұхбат, әңгімелесу, өзіндік жұмыс, суреттерді көрсету,

Сабақтың әдісі: Көрнекілік, практикалық, бағалау, видеоролик

Пәнаралық байланыс: Биология, география, тарих

Оқыту құралдары: Оқулық, суреттер, интерактивті тақта, слайд, плакаттар;

Сабақтың барысы:

І. Ұйымдастыру бөлімі

Оқушылармен амандасып, аудиторияның сабаққа дайындығын тексеру, қажетті құралдар мен көрнекіліктерді дайындап, зейіндерін шоғырландыру. Оқушыларға сабақтын мақсаты мен міндеттерін хабарлап, оқушылардың сабаққа жақсы көңіл күймен бастау мақсатында сергіту сәтін өткізу. Оқушыларға «Банан» биін билетіп көңіл күйін көтеру.

ІІ. Өткен материалды қайталау арқылы жаңа материалды қабылдауға дайындық

Үй тапсырмасы ойын арқылы сұралады. «Сиқырлы қобдиша» яғни қобдишада әр түрлі сұрақтар жазылған. Оқушылар сұрақтарға белсене қатысып жауап береді. Өз пікірін айтады, түсіндіреді, есіне сақтайды.

ІІІ. Жаңа материалды түсіндіру

«Миға шабуыл», Оқушыларға сұрақ қою арқылы жаңа сабақтың қандай екеннін анықтайды.

ІV. Жаңа білімді бекіту

А) Қара түстi қарқылдақ,

Ұшып-қонып жалпылдап.

Қоқыстарды шоқиды,

Жем iздейдi там-тұмдап. (Қарға, ворона)

Б) Екi айыр құйрығы,

Қияқ мұрт қанаты,

Ұшқырлардың жүйрiгi. (Қарлығаш, ласточка)

Жақсы балалар, бүгін біз сабақта құстар туралы әңгімелейміз. Тағы қандай құстардың атауларын білесіңдер? Жақсы! Мына бейне фильмге назар аударайық! Бейнефильмде әр түрлі құстардың тіршілігі бейнеленген.

Бүгінгі сабақта біз сіздермен жаңа сөздерді үйреніп, мәтінмен жұмыс жасаймыз, мәтінге байланысты тапсырмаларды орындаймыз.

-Алдарында ненің суретін бейнеленген?

-Орманның суреті.

-Орманда не өседі?

-Орманда ағаштар өседі?

-Ал орманда нелер жоқ?

-Орманда құстар жоқ.

-Жақсы сендер топ бойынша тапсырма орындап, әрбір тапсырманы дұрыс орындаған жағдайда сендерге құстардың бейнесі беріледі. Сол бейнені сендер орманға орналастыруларын қажет.

-Келістік пе?

-Онда бірінші тапсырма. Сөздікпен танысайық. Сөздерді оқу, сөз тіркесін, сөйлем құрастыру.(ауызша)

1. Сән беру-украшать

2. Жыл құстары-перелетные птицы

3. Қыстап қалатын құстар-зимиующие птицы