Құстар тақырыбындағы математика сабағы, мектепке дейінгі топ

Ұйымдастырылған оқу іс-әрекетінің

технологиялық картасы

II сәбилер тобы .

Білім беру саласы:Таным

Бөлімдері: Математика

Тақырыбы: Құстар

Мақсаты:Балалардың құстар мен ағаштарға қатысты көлемдік (үлкен, кіші, биік, аласа) ұғымдарын кеңейту; құстарға қамқорлық жасауға тәрбиелеу; ойын арқылы логикалық ойлау қабілеттерін дамыту, жалпы және ұсақ қол қимылдарын жаттықтыру.

Қостілдік компонент: құс-птица.

Қажетті құралдар: құстардың дауыстары (фонограмма), құстардың суреттері, жолақтар шыршасы бар , қарындаш

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық

қозғаушылық

Балаларға құстардың дауысын тыңдатады.

-Тыңдаңдаршы, нелердің дауысы?

-Балалар, бұл құстардың қайда екенін білгілерің келе ме?

Фонограмманы тыңдайды.

Сұрақтарға жауап береді.

Ұйымдастыру-

іздестіру

«Қандай құс» дидактикалық ойыны.

Құстардың көлемдерін (үлкен, кіші) анықтатады.

«Ағашқа неше құс ұшып келді?» дидактикалық ойыны.

-Сонымен, ағашқа неше құс қоныпты? Санап көрейік.

Сергіту сәті:

Торғай, торғай, торғайсың,

Жақын неге қонбайсың.

Жем шашайын тойып ал,

Суықтарда тонбайсың.

-Балалар, құстар бізге ұшып келді. Тапсырмаларын ала келді, орындап берейік.

1-құстың тапсырмасы:

«Қанша-сонша» дидактикалық ойыны

Үстінде қанша шырша болса, сонша құсты астына қой.

2-құстың тапсырмасы:

Саусақ жаттығуы

Қолымызды жылы суға жуамыз,

Қолымызды жылытамыз.

Әр саусақты созамыз.

Қарындашты алақан арасында дөңгелетеміз; алдымен жай, сосын тез дөңгелетеміз.

«Биік-аласа» дидактикалық ойыны

Биік ағашқа көгершіндерді, аласа ағашқа торғайды қою керектігін түсіндіреді. Салыстырып, көлемін (үлкен, кіші, биік, аласа) атауды ұсынады.

Қарайды, тыңдайды, құстарды салыстырады, көлемін атайды.

Санайды, нешеу ұшып келгенін айтады.

Ойындарға белсене қатысады.

Тапсырмаларын орындап береді, көмектеседі.

Санайды, орталықтан оң қолмен құстарды алып, сол жаққа жолақшаның үстіне қояды.

Саусақ жаттығуын жасайды.

Биік ағашқа көгершінді, аласа ағашқа торғайды қояды.

Рефлек

сивті-түзетуші

лік

«Мен өзімді не үшін мақтаймын?» ойыны

Әр балаға өзін мадақтауды, не үшін екенін айтуды ұсынады.

Балаларды құстардың барлық тапсырмасын орындағандары үшін мадақтап, ұйымдастырылған оқу іс-әрекетін аяқтайды.

Әр бала өзін мақтайды, не үшін екенін айтады.

Күтілетін нәтиже:

Нені біледі: қарапайым математикалық тапсырмаларды орындап, түсініп, балаларға құстар туралы көлемдік (үлкен, кіші) ағаштар (биік, аласа) деген ұғымдарын білуі қажет.

Қандай түсініктерді игерді: пішіндерді басқа геометриялық пішіндер арасынан тауып алады.