Құстарға қонаққа барамыз қазақ тілінен ашық сабақ

Білім беру саласы: «Коммуникация»

Бөлімі: «Қазақ тілі »

Тақырыбы: «Құстарға қонаққа барамыз»

Мақсаты: Үй құстарының тіршіліктері туралы түсініктерін кеңейту. Үй құстарының пайдасы туралы мағлұмат беру. Құстарға деген сүйіспеншілікке, қамқорлыққа тәрбиелеу..

1. Барысы:

Тәрбиеші: Балалар, қолымыздан ұстап «Қуаныш шеңберін» құрып, бір-бірімізге жылуымызды білдірейік.Қуанаман мен де,Қуанасың сен де.Қуанайық достарым,Арайлап атқан күнге!Тәрбиеші: - Балалар, бір-біріміздің тату екенімізді білдірдік. Ендеше, қонақтармен амандасайық.Үлкенге де - сіз,Кішіге де – сіз.Құрметпенен сіздерге,Бас иеміз біз.

Тәрбиеші: Балалар, бүгін бізде қазақ тілінен ұйымдастырылған оқу қызметі. Біз бүгін үй құстары туралы алған білімдерімізді бекітеміз.

Күтпеген сәт: Музыка ойнайды. «Курочка Ряба» ертегісінің бас кейіпкері Курочка Ряба кіріп келеді. Көңілі түскен, жыларман дауыспен балалармен амандасады.

Курочка Ряба: - Сәлеметсіңдер ме, балалар, қыт-қыт-қыт!!!

- Балалар: - Сәлеметсіз бе!

Тәрбиеші: - Балалар, бұл кім, қай ертегінің кейіпкері?

Балалар: - Бұл – Курочка Ряба ғой. «Курочка Ряба» ертегісінен.

Тәрбиеші: - Дұрыс айтасыңдар, балалар! Бірақ біздің қонағымыздың көңіл-күйі жоқ, неге екенін сұрап білейікші.

Тәрбиеші: - Курочка Ряба, сізге не болған? Неге көңіл-күйіңіз жоқ.

Курочка Ряба: - Балалар, мені Әтеш, Қаз және Үйрек қонаққа шақырып еді, бірақ мен қонаққа баруым үшін олар туралы тақпақ айтуым керек. Мен ондай ештеңе білмеймін. (жылайды).

Тәрбиеші: - Балалар, қане, қонағымызға көмектесейк!

3. Балалар тақпақ айтады.

Тауық: Ақ тауық-ау, ақ тауық,

Ақ тауық неткен қақсауық,

Аяп жүрсем тауықты.

Бір жұмыртқа тауыпты.

Қаз: Қазым, қазым, қаңқылда,

Көлде жүзіп салқында,

Жем шашайын жейсің бе?

Кәмпит берші дейсің бе?

Жоқ, жоқ, жоқ

Кәмпит тәтті, болмайды ас.

Арпа менен бидай шаш.

Әтеш: Таудамысың, сайдамысың,

Таңғы ауада сайра құсым.

Ұйқыдағы ауылды,

Оятады әтеш құсым.

Үйрек: Үйрек айтты га-га-га,

Шыға алмаймын жағаға.

Су іздесең мұнда кел,

Самал жел бар мұнда да.

Курочка Ряба: - Рахмет, сендерге балалар! Ал енді мен барайын, онда мен осы тақпақтарды міндетті түрде айтып беремін. Қонақтан шыққан соң, сендерге тағы келемін. Мені күтесіңдер ме?

Балалар: Иә, асыға күтеміз.

Курочка Ряба: Сау болыңдар, балалар!

Балалар: Сау болыңыз!