Қуыршақ Сәулеге көмектесейік ашық оқу қызметі

«Қуыршақ Сәулеге көмектесейік»

№7 «Күншуақ» кіші тобы

Білім беру саласы: «Шығармашылық», «Таным»

Бөлімі: сенсорика, сурет

Тақырыбы: Қуыршақ Сәулеге көмектесейік

Білімділік мақсаты: Балалардың негізгі түстер туралы білімдерін кеңейту.Сурет салудың дәстүрден тыс тәсілін үйрету.

Дамытушылық мақсаты:

Сөздерді дұрыс айтуға жаттықтыру. Бояумен ұқыпты жұмыс істеу дағдыларын қалыптастыру.Қолдың ұсақ моторикасын жетілдіру.

Тәрбиелік мақсаты: Әсемдікті, әдемілікті сезіне білуге тәрбиелеу.

Әдіс – тәсілі: түсіндіру, көрсету, сұрақ – жауап, ғажайып сәт, ойын,әңгімелесу.

Қолданылатын көрнекі құралдар: Киімдер үлгісі, «Түрлі түсті моншақтар» үлестірмелі материалдар, қызыл, сары түсті бояулар, су құйылған ыдыс, қуыршақ Сәуле, «Түрлі түсті шарлар» үлестірмелі материалдар, дымқыл сүлгілер.

Алдын-ала жүргізілетін жұмыстар: Мереке және әшекей заттар туралы әңгімелесу, қызыл,сары, көк түстерді қайталау.

Билингвалды компонент: моншақ-бусы

Мотивациялық-қозғаушылық кезең:

Тәрбиеші балаларды шаттық шеңберіне шақырады.

Шаттық шеңбері

Амансың ба, Алтын-күн!

Амансың ба, жер-ана!

Амансың ба, достарым.

Сендерді көрсем қуанам.

Ғажайып сәт.

Топтың есігі қағылады. Балаларға қуыршақ Сәуле қонаққа келеді.

-Сәлеметсіңдер ме, балалар!

-Сәлеметсің бе, Сәуле! Бүгін қандай әдемісің!

Сәуле:

-Балалар мен туған күнге бара жатырмын.Әдемі көйлегімді кидім. Бірақ, мен туған күнге апара жатқан қызыл шарларымды ұшырып алдым(Сәуле уайымдап қалады.)

Тәрбиеші:

-Сәуле, сен уайымдама. Балалар саған көмектеседі

Тәрбиеші:

-Балалар, досымыз Сәулеге көмектесеміз бе?

Балалар келіседі.

«Кішкене шарлар» дидактикалық ойыны

Мақсаты: үлкен-кіші туралы білімдерін бекіту.

Шарты: дайын үлгіге балалар сәйкестендіріп шарларды қойып шығады.

Сергіту сәті:

Орнымыздан тұрамыз

Алақанды ұрамыз

Бір отырып, бір тұрып

Біз демалып аламыз

Қуыршақ Сәуле:

-Балалар, мен асығып жүріп моншағымды тағуды ұмытып кеттіпін. Енді не істесем болады екен (мұңайып қалады)

Тәрбиеші:

-Сәуле, сен мұңайма.Мүмкін саған достарың көмектесетін шығар.Балалар көмектесеміз бе?

Балалар:

-иә, көмектесеміз.

Сәуле балалармен бірге сурет салу алаңына келеді.

Тәрбиеші балаларға үлгіні көрсетеді.

Сурет салудың тәсілін түсіндіреді

Саусақтарыңды алдыларыңда тұрған бояудың қалаған түсіне саусақтарыңды малу керек. Суреттегі жіптің үстіне моншақты бастырып саласыңдар, сонан кейін ол саусақты сулы шүберекпен сүртіп, сары бояуға батырып, қызыл моншақтың жанынан сары түсті моншақты бастырып саласыңдар.

Саусақ жаттығуы

Бала, бала, балақан

Қәне, қайсы алақан.