Қуыршаққа әдемі моншақтар жасауға арналған ашық сабақ

Білім беру саласы: Шығармашылық

Бөлім: Мүсіндеу

Тақырыбы: «Туған жердегі әдемі гүлдер».

Мақсаты: Гүлдерді күтіп-баптауға, әдемілікке, сұлулыққа деген сезімін ояту арқылы табиғатты қорғай білуге тәрбиелеу. Шығармашылық ойлау мен қиялын дамыту. Мүсіндеуге деген қызығушылығын арттыру. Қоршаған ортадағы әсемдікті қабылдауға үйрету. Адамгершілікке, ұқыптылыққа, бастаған ісін аяқтай білуге тәрбиелеу.

Әдіс-тәсілдер: Көрсету, түсіндіру, сұрақ-жауап, дидактикалық ойын.

Біліктілігі: Түймедақ гүлін мүсіндеуге үйрету.

Көрнекілік: Түрлі–түсті әдемі гүлдердің суреттері, бөлме гүлдері, тақтайша, сүрткіш.

Билингвалды компанент: Гүл-цветы. Бәйшешек-подснежник. Түймедақ-ромашка. Қызғалдақ-тюльпан.

Барысы: Шаттық шеңбері.

-Бүгінгі оқу қызметімізді ізгі ниетпен,жақсы лебізбен бастайық.

Шеңбер болып тұрайық,

Алақанды ашайық.

Күннің нұрын алайық,

Жиналған жылы шуақты балаларға шашайық!

- Балалар мен сендерге бір жұмбақ жасырғым келіп тұр. Барлығың мұқият тыңдаңдар.

Құлпырса қадірлейді, аялайды,

Қураса сыпырғышқа жарамайды.

-Дұрыс балалар. Бүгінгі әңгімеміз де гүлдер жайында болмақ.

-Сендер гүлдердің қандай түрлерін білесіңдер? Гүл дегеніміз - өсімдік,олар өмір сәні,табиғат көркі. Гүлдер терезенің алдында сән беріп қана қоймайды,бөлменің ауасын тазартады,адамға жақсы көңіл-күй сыйлайды. Гүлдер өте әдемі , нәзік және хош иісті. Гүлдер өсіп тұрған жерде біз өзімізді қуанышты сезінеміз, көңіліміз көтеріңкі болады. Олардың көптеген түрлері болады, түстері де әртүрлі болады. Гүлдер тірі табиғатқа жатады. Олар тамыры арқылы қоректенеді. Гүлдерді өсіру үшін топырақ,күннің көзі,су қажет. Гүлдер үш топқа бөлінеді: дала гүлдері, бөлме гүлдері, емдік гүл.

Дала гүлдері: бәйшешек,қызғалдақ,сарғалдақ,раушан,бақбақ.Бұл гүлдер көктемде,жазда өседі. Көктем мезгілінде ең алғаш шығатын гүл- бәйшешек гүлі. Бәйшешек гүлі қар еріген кезде шығады. Оны орыс тілінде подснежник деп атайды.

«Бөлме гүлдері» қазтамақ,әйел бақыты,фиалка,лалагүл,астра, райхан. Бөлме гүлдерін де адамдар арнайы түбекке әдемілікке,таза ауа үшін отырғызады. Балалар гүлдерді жұлуға немесе үзуге болмайды. Оларды баптап,күтіп,суарып отыруымыз керек.

«Емдік гүлдері» Алоэ, анис, адыраспан, түймедақ, қалампыр. Гүлдердің емдік қасиеттері де бар, олардан түрлі – түсті жақпа майлар, күнделікті сусабын, әтір жасауға болады.

- Ал балалар, түрлі-түсті ермаксаздан түймедақ гүлін мүсіндейміз.

Бой сергіту.

Шаршағанда ырғалып,

Гүлге ұқсап демалам.

Қанатымды бір қағып,

Гүлдей болып жайқалам.

Гүлдердің күлтерін өз орнын табу.