Қуыршаққа арналған киім тақырыбындағы сабақ жоспары

Білім беру саласы: «Шығармашылық»

Бөлімі:Жапсыру

Тақырыбы: Қуыршаққа арналған киім

Мақсаты: балаларды ойыншық қуыршақтың киімін қиюға үйретуді жалғастыру

Білімділік мәні: балаларды ойыншық қуыршақтың киімін қиюға үйретуді жалғастыру

Дамытушылық мәні:қол-қимыл әрекеттерінің қозғалғыштығын дамыту;ән салу қабілетін арттыру.

Тәрбиелік мәні:талғампаздыққа,өнерлі болуға тәрбиелеу.

Құралы:үнтаспа,үлестірмелі материалдар,қуыршақтың суреттері,балалардың санына қарай ойыншықтар,қайшы,желім,желім жаққыш.

Алдын ала жасалатын жұмыс:киім түрлері,жыл мезгіліне байланысты киім кию туралы әңгіме өткізу;киімді үйлестіріп кию жайлы әңгімелеу.

Әдіс-тәсілдер:сұрақ-жауап,көрнекілік,практикалық

Сөздік жұмыс: қуыршақ,театр.

Билингв.комп.: киім-одежда,қызыл-красный,көгілдір-голубой.

Оқу іс-әр/тің кез/рі

Тәрбиешінің іс-әрекеті

Баланың іс-әрекеті

Мотивациялық кезеңі

Шаттық шеңбері.

-Қуыр-қуыр,қуыршақ,

Құмды бірге суырсақ.

Балшықты да илесек

Қалыпты да сүйресек.

Қуыршаққа күнім деп

Қуыршағым кекілді

Келісетін секілді. (Б.Айтмұхаева)

Балаларға әртүрлі ойыншықтар мен қуыршақтардың түрлерін көрсетіп,шағын әңгіме жүргізу.

-Балалар,бізге ойыншықтар не үшін қажет?

-Дұрыс айтасыңдар.Ойнау үшін,әдемілікті сезіну үшін,бір-бірімізге сыйлау үшін қажет.Сондай әдемі ойыншықтарымыздың бірі-қуыршақ.

Балалар қолдарына қуыршақ алып,тәрбиешімен бірге қуыршақпен әңгімелесіп,тапсырма бергендей қимылдар жасайды.Қуыршақтарына сүйіспеншілікпен күлімдеп қарайды.

-Ойнау үшін

Негізгі кезеңі

Билингв.комп.: киім-одежда,қызыл-красный,көгілдір-голубой.

-Балалар,бәріміздің қолымызда қуыршағымыз бар.Бүгін сол қуыршақтарымызды театрға,алып баруымыз керек.Ол үшін қуыршақтарды қалай киіндіреміз?

-Дұрыс айтасыңдар.

-Ендеше,қуыршақтарымызға киінуге көмектесейік.

-Ол үшін бізге не қажет?

Балаларға киімнің дайын сызбасын ұсыну.Қағазды екіге бүктеу арқылы симметриялы пішінді қию әдісін көрсету.

-Алдымыздағы үлгіге қарап отырып,алдымен көгілдір түсті бөлікті қиып аламыз.Қағазды ортасындағы белгі бойынша бүктеп,сызықтың бір шетінен бастап,аяғына дейін қиямыз.Қуыршақтың киімінің кеуде бөлігі дайын болды.

Сергіту сәті.

Қарсы ал ерте күн көзің

Төсегіңді жина өзің

Асықпай іш тамақты

Жалама аяқ-табақты

Пышақты ұста оң қолмен

Шаңышқыны сол қолмен.

Нанды үгітпе,қадірле

Қабығымен бәрің же,

Саусағыңды сормағын

Салдыр-салақ болмағын.(Е.Өтеутілеуұлы)

-Балалар,сергіп алсақ жұмысымызды әрі қарай жалғастырайық.

-Енді,қуыршағымыздың белдемшесі қалды.Қызыл түсті қағазды белгі бойынша бүктеп,сызықтың бір шетінен әдемілеп,ұқыптылықпен қиямыз.Белдемшеміз дайын болды.

-Балалар,бүгінгі қиған киімдеріміз қандай математикалық пішіндерге ұқсайды?

-Дұрыс,енді қуыршағымызды киіндірейік.Желімді жағып,орын-орнына жапсырайық.

-Міне,қуыршақтарымыз театрға,киноға немесе қонаққа баруға дайын.

Киім-одежда,қызыл-красный,көгілдір-голубой сөздерін қайталайды.

-Әдемі,сәнді.

-Қайшы,желім.Балалар қайшымен жұмыс істеу кезіндегі қауіпсіздік ережелерін естеріне түсіреді.

Үлестірмелі материалмен жұмыс істейді.Тәрбиешінің айтуымен,көрсетуі бойынша қияды.

Әдептілік тағылымдарын қимылдармен көрсетеді.