Қуыршақтың бесік арбасы жапсыру конспектісі

Технологиялық карта І сәбилер «» тобы

Білім беру саласы: Таным. Шығармашылық.

Бөлімдері: Жапсыру.

Тақырыбы: «Қуыршақтың бесікарбасы».

Мақсаты: ойыншық атауларымен таныстыру; ойыншықтардың неден жасалатыны туралы түсінік беру; дайын пішіндерді дұрыс орналастыруды үйрету. Тілдерін дамыту. Саусақтың ұсақ бұлшық еттерінің қозғалысын жетілдіру. Ойыншықтармен ұқыпты ойнауға тәрбиелеу .

Алдын ала орындалатын жұмыс: бесікарбамен таныстыру.

Қажетті құралдар: үлестірмелі материалдар , ойыншық суреттері, магнитті тақта , түрлі пішіндер; дидактикалық қуыршақ, бесікарба.

Қостілдік компонент: бесікарба – каляска.

Сөздік жұмыс: бесікарба.

Іс-әрекет кезеңдері

Мотивациялық қозғаушылық

Ұйымдастырушылық-ізденістік

Рефлексиялық-түзетушілік

Тәрбиешінің іс-әрекеті

Шаттық шеңбері:

Барлық жанға жолыққан

Амандасып жүргейсің.

Адамдықты ту етіп,

Адал өмір сүргейсің.

(Е.Өтетілеуұлы)

Ғажайып сәт

-Балалар, бізге қуыршақ Әлия қонаққа келді.

Қуыршақ балалармен сәлемдеседі:

-Сәлеметсіңдер ме, балалар!

-Балалар, қуыршақты төрге отырғызайық.

Қуыршақ:

-Балалар, менің бесікарбам жоғалып кетті, маған бесікарба жасап беріңдерші.

-Жасап береміз бе, балалар?

Тәрбиеші үлестірмелі материалға назарларын аударады.

-Қуыршақтың көзінің түсі қандай?

-Шашы қандай?

-Көйлегінің түсі қандай?

Көрнекі жұмыс: «Ойыншықтар»

Тәрбиеші балаларға ойыншық түрлерін көрсетеді: жұмсақ ойыншықты және резеңкеден, пластмассадан жасалған ойыншықтарды көрсетеді: аю, қуыршақ, бесікарба.

Ойыншықтармен ұқыпты ойнауды ескертеді.

Сөздік жұмыс: бесікарба.

Билингвальді компонент: бесікарба – коляска.

-Балалар, ойыншықтарды өз қолымен жасайтын шебер болғыларың келе ме?

Тәрбиеші дайын пішіндерден бесікарбаны жасау техникасын магнитті тақтада көрсетеді.

-Мынау – бесікарбаның негізі, мұнда қуыршақ жататын болады.

-Ол қандай түсті?

-Дөңгелектерінің түсі қандай?

-Бесікарба шатырының түсі қандай?

-Бесікарбаның негізін алып, оған дөңгелектерін, содан кейін шатырын жалғаймыз. Бесікарбаның үстіне қуыршақты орналастырамыз. Балалармен жеке жұмыс жүргізеді.

Қуыршақ бесікарбаға қуанып, балалардан бесікарбамен тербетуді сұрайды.

Тәрбиеші қуыршақты бесікарбаға жатқызып, өлең оқиды:

Әлди, әлди, ақ бөпем,

Ақ бесікке жат, бөпем.

Жылама, бөпем, жылама,

Жілік шағып берейін.

Көкала иттің құйрығын

Жіпке тағып берейін.

(Ауыз әдебиетінен)

Балалардың іс-әрекеті

Балалар шеңбер жасап тұрады, тәрбиешімен бірге өлеңді қайталайды.

Балалар қуыршақпен сәлемдеседі.

Көмектесуге ынта білдіреді.

Суретке қарап, жауап береді:

-Қара.

-Қысқа.

-Қызыл.

Мынау- бесікарба.

Мынау – қуыршақ.

Мынау –аю.

Қайталайды: бесікарба.

Ынталарын білдіреді.

Мұқият қарап, тыңдайды.

-Қызыл.