Қуыршақтың бесікарбасы туралы балабақша конспектісі

Күні

Білім беру саласы: Шығармашылық.Таным

Оқу іс-әрекеті: Аппликация

Тақырыбы: «Қуыршақтың бесікарбасы»

Мақсаты: ойыншық атауларымен таныстыру; ойыншықтардың неден жасалатыны туралы

түсінік беру; дайын пішіндерді дұрыс орналастыруды үйрету. Тілдерін дамыту. Саусақтың

ұсақ бұлшық еттерінің қозғалысын жетілдіру. Ойыншықтармен ұқыпты ойнауға тәрбиелеу.

Алдын ала орындалатын жұмыс: бесікарбамен таныстыру.

Көрнекіліктер,қажетті құрал-жабдықтар: үлестірмелі материалдар, ойыншықтар суреттері,

Магнитті тақта, түрлі пішіндер; дидактикалық қуыршақ, бесікарба.

Сөздік жұмыс: бесікарба

Билингвальді компонент: бесікарба- коляска.

Іс-әрекет кезеңдері

Тәрбиеші іс-әрекеті

Балалардың іс-әрекеті

Мотивациялық-қозғаушылық

Шаттық шеңбері

Барлық жанға жолыққан

Амандасып жүргейсің,

Адамдықты ту етіп,

Адал өмір сүргейсің.

(Е. Өтетілеуұлы)

Балалар тәрбиешімен

бірге шаттық шеңберіне

тұрады, өлеңді қайталайды.

Ұйымдастырушылық-ізденістік

Ғажайып сәт

Балалар, бізге қуыршақ Әлия қонаққа келді.

Қуыршақ балалармен сәлемдеседі:

-Сәлеметсіңдер ме, балалар!

-Балалар, қуыршақты төрге отырғызайық.

Қуыршақ:

- Балалар, менің бесікарбам жоғалып

кетті, маған бесікарба жасап беріндерші.

- Жасап береміз бе, балалар?

Үлестірмелі материалға назарларын

аударады.

-Қуыршақтың көзінің түсі қандай?

-Шашы қандай?

-Көйлегінің түсі қандай?

Көрнекі жұмыс: «Ойыншықтар».

Тәрбиеші балаларға ойыншық түрлерін

көрсетеді: жұмсақ ойыншықты және

резеңкеден, пластмассадан жасалған

ойыншықтарды көрсетеді: аю, қуыршақ,

бесікарба.

Ойыншықтармен ұқыпты ойнауды

ескертеді.

Сөздік жұмыс: бесікарба.

Билингвальді компонент:

бесікарба- коляска.

- Балалар, ойыншықтарды өз қолымен

жасайтын шебер болғыларың келе ме?

Тәрбиеші дайын пішіндермен бесікарбаны жасау техникасын магнитті

тақтада көрсетеді.

-Мынау- бесікарбаның негізі, мұнда

қуыршақ жататын болады.

Ол қандай түсті?

- Дөңгелектерінің түсі қандай?

- Бесікарба шатырының түсі қандай?

- Бесікарбаның негізін алып, оған дөңгелектерін, содан кейін шатырын

жалғаймыз. Бесікарбаның үстіне қуыршақты орналастырамыз. Балалармен

жеке жұмыс жүргізеді.

Балалар

қуыршақпен

сәлемдеседі.

Көмектесуге

ынта білдіреді.

Суретке қарап,

жауап береді.

- Қара.

- Қысқа.

- Қызыл.

Мынау-

бесікарба.

Мынау-

қуыршақ.

Мынау- аю.

Қайталайды:

бесікарба.

Ынталарын

білдіреді.

Мұқият қарап,

тыңдайды.

- Қызыл.

- Көк пен сары.

- Қызыл, көк, сары.

Дайын

бөліктерден

бесікарбаны

жасайды.

Рефлексиялық-түзетушілік

Қуыршақ бесікарбаға қуанып, балалардан бесікарбамен тербетуді сұрайды.

Тәрбиеші қуыршақты бесікарбаға жатқызып, өлең оқиды:

Әлди, әлди, ақ бөпем,

Ақ бесікке жат, бөпем.

Жылама, бөпем, жылама,

Жілік шағып берейін.